რომან აბრამოვიჩი დააკავეს

რომან აბრამოვიში აშშ-ში ფედერალური ბიუროს თანამშრომლებმა დააკავეს. დეტალები ჯერჯერობით უცნობია, თუმცა როგორც РБК-ТВ-ი იუწყება, რუსი ოლიგარქის დაკავება შესაძლოა, ბორის ბერეზოვსკის გარდაცვალების საქმეს უკავშირდებოდეს.

რომან აბრამოვიჩის წარმომადგენელმა ჯონ მანმა ტელეარხ Дождь-თან ბიზნესმენის დაკავების შესახებ გავრცელებული ხმები უარყო, თუმცა ”გაზეტა.რუ”-სთან ინტერვიუს დროს ინფორმაცია არც დაადასტურა და არც უარყო.

ბოლო ორი დღის განმავლობაში აბრამოვიჩს ბერეზოვსკის გარდაცვალებას ხშირად უკავშირებდნენ: 2012 წელს ლონდონში ”ჩელსის” მფლობელმა უკვე გარდაცვლილ ოლიგარქს ”საუკუნის დავა” მოუგო. დავის ობიექტი უმსხვილესი რუსული აქტივები, მათ შორის РУСАЛе-ის წილი და ”სიბნეფტის” აქციები იყო. 2001-2004 წელს, ბორის ბერეზოვსკი ბიზნესპარტნიორ ბადრი პატარკაციშვილთან ერთად იძულებული იყო ეს აქტივები გაეყიდა.

როგორც ბერეზოვსკი ირწმუნებოდა, ეს აქტივები აბრამოვიჩის მხრიდან ზეწოლის გამო, რეალურ ფასთან შედარებით იაფად გაიყიდა. ზარალის ანაზღაურებისთვის მოსარჩელე 5.5 მლრდ დოლარს ითხოვდა.

67 წლის ბორის ბერეზოვსკის ცხედარი დიდ ბრიტანეთში, სურეის საგრაფოში, ქალაქ ასკოტთან მდებარე მის სასახლეში სამი დღის წინ აღმოაჩინეს. ცხედარი სააბაზანოში იპოვეს. ბორის ბერეზოვსკი დიდ ბრიტანეთში 2001 წლიდან ცხოვრობდა, სადაც 2003 წელს პოლიტიკური დევნილის სტატუსი მიიღო.

მომზადებულია newsru.com-ის მიხედვით.