2
მაისიდღის ზოგადი ასტროლოგიური პროგნოზი
ის, რასაც ამ ფოტოებზე ხედავთ, გინესის მსოფლიო რეკორდების წიგნის თანახმად, მსოფლიოში ყველაზე დიდი მოქმედი როველვერია. ის 45 კილოგრამს იწონის, სიგრძე კი ლულის ტუჩიდან სასხლეტამდე 130 სანტიმეტრს შეესაბამება. უცნაური რევოლვერი 2002 წელს პოლონელმა რიჩარდ ტობისმა დაამზადა. აღსანიშნავია, რომ ტობისის ქმნილება, საიარაღო ფირმა Remington-ის მიერ წარმოებული 1858 წლის მოდელის რევოლვერის (1858 Remington New Model Army) ზუსტი გადიდებული ასლია, რომელიც ორიგინალის მსგავსად კვამლიანი დენთის მეშვეობით ისვრის.
ხელმარჯვე ოსტატმა გიგანტური რევოლვერი წვრილმანი დეტალების მაქსიმალური გათვალისწინებით შექმნა. მისი დატენვა ორიგინალის ანალოგიურად ხდება. თუმცა დიდი ზომების გამო, გასროლის წინ მისი საიმედო დამაგრებაა საჭირო.
რევოლვერი 136 გრამიან 28 მილიმეტრის დიამეტრის ფოლადის ბურთულებს ისვრის. სამიზნე მანძილი 50 მეტრს შეესაბამება. ერთი ფოლადის ბურთულის გასროლისთვის რევოლვერს 22 გრამი კვამლიანი დენთი სჭირდება.
ორიგინალთან შედარებით, თავისი ზომებისა და შესაბამისად არაპრაქტიკულობის მიუხედავად, გიგანტური რევოლვერი სრულფასოვანი საბრძოლო იარაღია. მის დამზადებას რიჩარდ ტობისმა თითქმის ორი წელიწადი მოანდობა. თავისი ქმნილებით გამომგონებელი ძალიან ამაყობს და ზოგჯერ ჟურნალისტების წინ სადემონსტრაციო სროლებითაც იწონებს თავს. გიგანტურმა რევოლვერმა მის ავტორს დიდი პოპულარობა მოუტანა. ტობისი მოსაწვევებს მსოფლიოს სხვადასხვა კუთხეებიდან ღებულობს და თავის 45 კილოგრამიან რევოლვერთან ერთად ისტორიული იარაღის გამოფენების ხშირი სტუმარია.
dailytachinfo.org-ის მიხედვით მოამზადა ნუკრი მგელაძემ.
