23
აპრილიდღის ზოგადი ასტროლოგიური პროგნოზი
სომხეთში დღეს დილიდან საპრეზიდენტო არჩევნები მიმდინარეობს. ადგილობრივი მედიის ინფორმაციით, საარჩევნო უბნები ქვეყნის მასშტაბით 08:00 საათზე გაიხსნა.
საპრეზიდენტო არჩევნებისთვის 1988 საარჩევნო უბანია გახსნილი. სომხეთის კანონმდებლობის მიხედვით, ხმის მიცემის უფლება მხოლოდ ქვეყანაში მცხოვრებ ამომრჩეველს აქვს. გამონაკლისები დაშვებულია მხოლოდ უცხოეთში აკრედიტებული დიპლომატებისა და მათი ოჯახებისთვის. ისინი ელექტრონულად მისცემენ ხმას, ასეთი სულ 243 ადამიანია.
ქვეყნის უმაღლესი პირის წოდებისთვის მოქმედი პრეზიდენტი, სერჟ სარქსიანიც იბრძოლებს. მისი ჩათვლით, სულ პრეზიდენტის პოსტზე 7 კანიდატი იყრის კენჭს.
მათ შორის არიან: სომხეთის ყოფილი პრემიერი და ამჟამად ოპოზიციური პარტიის "თავისუფლება" ლიდერი გრანტ ბაგრატიანი, ასევე ყოფილი საგარეო საქმეთა მინისტრი და ოპოზიციონერი რაფი ოვანისიანი და სხვები.
საპრეზიდენტო არჩევნებთან დაკავშირებით ჩატარებული სოციოლოგიური კვლევების მიხედვით, გამარჯვების ყველაზე რეალური კანდიდატი მოქმედი პრეზიდენტი სერჟ სარქსიანია.
სომხეთში პრეზიდენტს 5 წლის ვადით ირჩევენ. ერთსა და იმავე პირს, ადგილობრივი კანონის მიხედვით, პრეზიდენტობის უფლება ზედიზედ ორჯერ აქვს.
