ტაიბეიში ბარბი-რესტორანი გაიხსნა

ტაივანის დედაქალაქ ტაიბეიში თოჯინა ბარბის პატივსაცემად რესტორანი გაიხსნა. Barbie Cafe ბარბის სტილშია გაფორმებული: დაწესებულებაში მაღალქუსლიანი ფეხსაცმლის ფორმის მაგიდები და მაქმანებით დამშვენებული სავარძლები დგას.

რესტორანი ფირმა Mattel-ის კონტროლით გაიხსნა, რომელიც ბარბის აწარმოებს. კომპანიის წარმომადგენლების აზრით, Barbie Cafe-ს კარგი პოტენციალი აქვს, რადგან ტაიბეიში თემატური სარესტორნო ბიზნესი საკმაოდ განვითარებულია. "ჩვენ დარწმუნებულნი ვართ, რომ ბარბი-რესტორანი ჩვენი ბრენდის პოპულარიზაციას ხელს შეუწყობს",-განაცხადეს კომპანიაში.

Mattel-მა იმედი გამოთქვა, რომ Barbie Cafe არა მხოლოდ ტაივანელ თოჯინა ბარბის თაყვანისმცემლებს, არამედ ჩინეთისა და იაპონიის მაცხოვრებლებსაც დააინტერესებთ. ადგილობრივებმა უკვე განაცხადეს, რომ კაფეს გახსნა ახარებთ და იქ ბავშვებთან ერთად სიამოვნებით ივლიან.

რას წარმოადგენს რესტორნის მენიუს საფუძველს, არ კონკრეტდება. ასევე უცნობია, Barbie Cafe-ს საშუალო ანგარიში.

Mattel-ი არა მხოლოდ თოჯინა ბარბის, არამედ მათ ტანსაცმელს, აქსესუარებს, სათამაშო სახლებს, ავეჯს, თემატურ სუვენირებს, საკოლექციო კომპლექტსა და ამ  სათამაშოსთან დაკავშირებულ საყოფაცხოვრებო ნივთებს უშვებს.

იხილეთ ფოტოგალერეა

მომზადებულია Associated Press - ის მიხედვით.