2
მაისიდღის ზოგადი ასტროლოგიური პროგნოზი
ჰოლივუდის მსახიობი ეშლი ჯადი მეუღლეს, ავტომრბოლელ დარიო ფრანკიტის შორდება. ვარსკვლავმა ამის შესახებ თავად განაცხადა.
წყვილი ერთმანეთს 10 წლიანი ქორწინების შემდეგ ეყრება, თუმცა განქორწინებამ მაინც ვერაფერი დააკლო მათ მეგობრობას. ეშლი ირწმუნება, რომ ის და დარიო მეგობრულ ურთიერთობას ინარჩუნებენ.
"განქორწინების შესახებ გადაწყვეტილება ერთად - შეთანხმების საფუძველზე მივიღეთ. სამუდამოდ ერთ ოჯახად დავრჩებით და ჩვენს ურთიერთობაზე ზრუნვას განვაგრძობთ. ეს ურთიერთობა სიყვარულზე, ერთობასა და პატივისცემაზე იყო და არის დაფუძნებული", - განაცხადა ეშლიმ.
ეშლი და დარიო 2001 წელს დაქორწინდნენ. ცერემონია ერთ-ერთ შოტლანდიურ ციხესიმაგრეში გაიმართა. მათ ქორწილს ესწრებოდნენ სელმა ჰაიეკი და ედვარდ ნორტონი.
თავდაპირველად მეუღლეებს ნამდვილი იდილია ჰქონდათ. ეშლი ავტორბოლაში გამუდმებით გულშემატკივრობდა მეუღლეს, ხოლო დარიო სიამაყით საუბრობდა მისი ცოლის წარმატებაზე კინობიზნესში. ეს იდილია გასული წლის ზაფხულში დაირღვა.
განქორწინების ზუსტი მიზეზი უცნობია.
მომზადებულია people.com-ის მიხედვით.
