ნაომი კემპბელი - "მე ბოშა ვარ"
ფერადკანიანი სუპერმოდელი ნაომი კემპბელი მოგზაურობის სიყვარულის გამო თავს ბოშად მიიჩნევს. 42 წლის კემპბელი აცხადებს, რომ ყველაზე დიდ ბედნიერებას მგზავრობის დროს განიცდის.
"მე ბოშა ვარ. მსურს მსოფლიოს ახალ-ახალი საოცრებები ვნახო და საყვარელ ადამიანებთან დრო კარგად გავატარო", - აღნიშნა მოდელმა ჟურნალ Life & Style-თან ინტერვიუში.
სუპერმოდელმა ასევე აღნიშნა, რომ ალკოჰოლდამოკიდებულებისგან გათავისუფლდა. "ალკოჰოლურ სასმელს აღარ ვსვამ. ეს ფაქტი ბედნიერს მხდის", - აღიარა ნაომიმ.
კემპბელი და მისი რუსი საყვარელი, ბიზნესმენი ვლადისლავ დორონინი ერთად ხშირად მოგზაურობენ.
"ამჟამად მოსკოვში ცხოვრობენ, თუმცა დორონინი მისთვის ახალ სახლს აშენებს, სადაც მალე გადავლენ საცხოვრებლად", - ამბობს წყარო.
ნაომის საყვარელი ქვეყანა ბრაზილიაა. დორონინმა მას იქ ცოტა ხნის წინ 18,5 მლნ დოლარად ღირებული "პენტჰაუსი" შეუძინა.
მომზადებულია Life & Style-ის მიხედვით.
იხილეთ ასევე: "დორონინი ნაომი კემპბელს "კოსმოსურ ხომალდს" უშენებს"
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
