მნიშვნელოვანი ინფორმაცია
1
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ხდება აბაშაში?
23:23 / 26-01-2013
მოძრაობა "ივერიელების" ხელმძღვანელი ლევან კოჭლოშვილი გვესაუბრება, როგორ ცდილობენ აბაშაში ადგილობრივი ნაციონალები დეზინფორმაციის გავრცელებას და ახალი ხელისუფლების დისკრედიტაციას.
- დღეს ბევრ რეგიონში გამგებლად ინიშნებიან ისეთი ადამიანები, რომლებიც შემჩნეულნი არიან ნაცმოსთან თანამშრომლობაში, რაც საფრთხეს უქმნის ახალ მთავრობასა და საზოგადოებას. მაგალითად, აბაშის მაჟორიტარი დეპუტატია ნაციონალების მიერ მხარდაჭერილი დათო დარცმელიძე, საკრებულოს თავმჯდომარე გახლავთ დავით თოფურია, ხოლო გამგებლად დაინიშნა გოჩა ჭანტურია, რომლის მუშაობის სტაჟი მხოლოდ საპატრიარქოს სტამბაში მუშაობით შემოიფარგლება. მე პატივს ვცემ ჩემს რელიგიასა და რჯულის კანონს, უბრალოდ, ფაქტებს ავსახავ. გოჩა ჭანტურია წლების განმავლობაში წმინდა ნიკოლოზის ტაძრის წინამძღვრის, მამა მაქსიმეს მძღოლი იყო. სწორედ მისი დახმარებით მოხვდა იგი საპატრიარქოს სტამბაში, ხოლო მეუფე პეტრეს შემწეობით დაინიშნა გამგებლად. ჭანტურია კერძო საუბრებში ხშირად ახსენებს თავის ლობისტებს, რომლებმაც მას ნაცმოში გაუკვალეს გზა. ამ ლობისტებს შორის ასახელებს შს მინისტრის მოადგილე ლევან იზორიასა და თავდაცვის მინისტრ ირაკლი ალასანიას.
ამბობს, მათი დამსახურებაა, მე რომ გამგებლად დავინიშნეო. მიმაჩნია, რომ ამ ადამიანებმა რეაგირება უნდა მოახდინონ ჭანტურიას ნათქვამზე. ჩემი მიზანი სიმართლის დადგენაა, არ მინდა, შემობრუნდეს ის უბედურება, რომლის მსხვერპლიც გავხდი.
- რას გულისხმობ?
- 2011 წლის მაისის პროცესებში აქტიურად ვიყავი ჩაბმული და ამის გამო გაიტაცეს ჩემი ძმა, რომელიც ერთი კვირის დაქორწინებული იყო. მეორე დღეს ჩემი ძმა ნაცემ-ნაბეგვი დააგდეს სახლთან. ეს 24 მაისს მოხდა, მოგეხსენებათ, იმ დღეებში რა პროცესები მიმდინარეობდა, ჩემთვის არავის ეცალა. ამიტომ იმხანად მომხდარის შესახებ არ განვაცხადე. ასევე, ჩამომართვეს მანქანა, რომელიც ჩემი ოჯახის შემოსავლის ერთადერთი წყარო იყო. ეს არ ნიშნავს პოლიტიკური თვალსაზრისის გამო ჩემს პირად ცხოვრებაში ჩარევას? გამცენ პასუხი ამაზე მიშამ და მისმა დამქაშებმა...
განვაგრძობ აბაშის თემას: "ქართული ოცნების" ერთ-ერთ აქციაზე შვილმკვდარი დედა გამოვიდა, რომელმაც თქვა, რომ მისი შვილი დავით დარცმელიძის ჩარევით მოკლეს. ვეცადე, ეს საქმე დეტალურად შემესწავლა ადგილზე, მაგრამ ამ შაოსან დედას ვეღარ მივაკვლიე. იმედია, ამ ინტერვიუს შემდეგ მაინც გამოჩნდება, თუ, რა თქმა უნდა, არ დააშინეს, რადგანაც ნაციონალებს მყარად აქვთ გადგმული ფესვები სამეგრელოში. თოფურია და დარცმელიძე, თავის დროზე, ახალაიების მოურავები იყვნენ. ისინი მოსახლეობას აშინებდნენ, ემუქრებოდნენ. სწორედ ახალაიების ლობირებით არიან ეს ადამიანები თანამდებობებზე. ძნელია იმ ყველაფრის ყურება, რაც აბაშაში ხდება.
- დღეს როგორ იქცევიან ეს ადამიანები?
- დღეს ისე აქტიურად ვეღარ მოქმედებენ, მაგრამ ფაქტია, რომ ზოგჯერ აღწევენ სასურველ პოლიტიკურ შედეგს. მაგალითად, გამგებლად მათთვის სასურველი ადამიანი დანიშნეს. ადგილობრივი მოსახლეობა შეწუხებულია, მათ ცუდი წარმოდგენა ექმნებათ ალასანიასა და იზორიაზე, როგორც ჭანტურია ამბობს, მის ლობისტებზე, ამიტომ საჭიროა რეაგირება, რომ ეს ადამიანი არ არის მათი წარდგენილი თანამდებობაზე.
- ლევან, გავრცელდა ინფორმაცია, პრეზიდენტი ზუგდიდის რეზიდენციაში გადადისო...
- თუ სააკაშვილი რეზიდენციას ზუგდიდში გადაიტანს, საკადრის პასუხს მიიღებს. ზუგდიდელების უმრავლესობა არ გაუშვებს ხელიდან შანსს, ყოველდღე შეახსენოს სააკაშვილს, რომ 9 წლის განმავლობაში იგი ხელს აფარებდა მკვლელებს, არბევდა საქართველოს მოსახლეობას, დაამკვიდრა ტერორი, შიში და სიცრუე...
ესაუბრა ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
