ანჯელინა ჯოლი ყველაზე მიმზიდველ ქალად დაასახელეს

ჟურნალ HELLO!-ს მკითხველებმა ანჯელინა ჯოლი გასული წლის ყველაზე მიმზიდველ და ელეგანტურ ქალად აღიარეს. გამოკითხვა ჟურნალის ვებ-გვერდზე მიმდინარეობდა. ანჯელინას ხმა გამოკითხულთა 40%-მა მისცა. მათ ვარსკვლავის ყოველდღიური სტილი და წითელი ხალიჩისთვის შერჩეული სამოსი საუკეთესოდ მიიჩნიეს.

"ელეგანტურთა" სიაში მეორე ადგილზე დანიის პრინცესა მერი გავიდა. მას ხმა გამოკითხულთა 27%-მა მისცა. პრინცესა მერის რეგლამენტი არ აძლევს იმის საშუალებას, რომ სამოსის შერჩევისას შეცდეს.

ანჯელინა ჯოლიმდე ორი წლის განმავლობაში, ამავე გამოკითხვის ერთპიროვნული ლიდერი კემბრიჯის ჰერცოგინია ქეით მიდლტონი იყო. წელს პრინცი უილიამის მეუღლე მხოლოდ მესამე ადგილს დასჯერდა. მას ხმა მკითხველთა 22%-მა მისცა.

ჯოლიმ კიდევ ერთ ნომინაციაში გაიმარჯვა. ის წლის ყველაზე მიმზიდველ ქალად დაასახელეს. ამ კატეგორიაში ვარსკვლავს ხმა ჟურნალის მკითხველთა 36%-მა მისცა. სიაში ასევე მოხვდნენ ბრიტანელი მომღერალი ქეთრინ ჯენკინსი და მსახიობი ენ ჰეთევეი.

მომზადებულია HELLO!-ს მიხედვით.