მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყოფილ მეუღლესთან ურთიერთობა დაძაბული მაქვს" - როგორ ცხოვრობს ტოჩინოშინი სუმოდან წასვლის შემდეგ და რას ჰყვებოდა იაპონელ მეუღლესა და პირველ ქორწინებაზე (ფოტოები)
14:12 / 12-04-2025
2024 წლის 4 თებერვალს ტოკიოში, "რიოგოკუ კოკუგიკანის" სასახლეში ქართველი სუმოისტის ლევან გორგაძე (ტოჩინოშინი) სუმოდან ოფიციალურად გააცილეს.
თმის კვეთის ტრადიციულ ცერემონიას, „დანპაცუ-შიკში“ მონაწილეობა ლეგენდარულმა სუმოისტებმა მიიღეს. ყველაზე ტიტულოვანი ქართველი სუმოისტის დებიუტი 2006 წლის მარტში შედგა. ორი წლის შემდეგ მან პროფესიონალური სუმოს ექვსიდან უმაღლეს დივიზიონს მიაღწია. 2018 წელს გორგაძემ იმპერატორის თასი მოიპოვა, ორ თვეში კი ოძეკის, სუმოს იერარქიაში რიგით მეორე წოდება მიიღო.
ტოჩინოშინმა კარიერის დასრულების შესახებ 2023 წლის მაისში გამოაცხადა.
კარიერის დასრულების შემდეგ ტოჩინოშინი ცხოვრებას იაპონიაში აგრძელებს, სადაც მეორე მეუღლესთან ერთად, საერთო შვილს ხარებას ზრდის. მონაწილეობს სხვადასხვა ღონისძიებებში. ბოლო ინფორმაციით, სუმოს ლეგენდა აქტიურად ჩაერთო იაპონიაში ქართული ჭიდაობის პოპულარიზაციაში – ახალი კლუბებისა და სექციების გახსნა უკვე პროცესშია.
პირადი ცხოვრება
ტოჩინოშინი მეორედ არის დაქორწინებული. მას იაპონელი მეუღლე ჰყავს. წყვილს ერთი შვილი ჰყავთ, რომელსაც ხარება ჰქვია. ცნობილია, რომ ლევანმა მეორე შვილს პაპის სახელი დაარქვა.
"ჯერ კიდევ წლების წინ, იაპონიაში წამოსვლამდე გადავწყვიტე - თუ ვაჟი მეყოლება, ხარება უნდა დავარქვა-მეთქი! მადლობა უფალს, რომ ჩანაფიქრის ასრულების შესაძლებლობა მომცა" - ამბობდა ტოჩინოშინი რამდენიმე თვის წინ "კვირის პალიტრისთვის" მიცემულ ინტერვიუში.
რაც შეეხება მის პირველ ოჯახს, მედიასთან განაცხადა, რომ ყოფილ მეუღლესთან დაძაბული ურთიერთობა აქვს და ამიტომ უჭირს პირველ შვილთან კომუნიკაცია.
"ჩემი პირველი შვილი, დასამალი არაფერია, უჩემოდ იზრდება. ისე მოხდა, რომ ჩემი პირველი მეუღლე და მე ერთმანეთს დავშორდით. უკვე შვიდი წლის ხდება ჩემი შვილი და 2-ჯერ მყავს მარტო ნანახი. ალბათ, ყველაზე მეტად იმას ვაკლივარ.
ჩემს ყოფილ მეუღლესთან ურთიერთობა დაშორების შემდეგ დაძაბულია დღესაც. არ მაქვს ის ურთიერთობა, რომ შვილი მოვინახულო. ვეტყოდი, რომ ძალიან მიყვარს და მოვა ის დრო, დარწმუნებული ვარ, რაც მას დავაკელი ამ წლების განმავლობაში, თუ შევძელი, ავანაზღაურო." - განაცხადა ლევან გორგაძემ.
„ისე მოხდა, რომ ჩემს მეუღლეს რომ დავშორდი, ამის შემდეგ აღმოჩნდა ჩემს ცხოვრებაში იაპონელი ქალბატონი ემი.“ - ჰყვება მეორე მეუღლეზე ტოჩინოშინი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
