27
მარტიდღის ზოგადი ასტროლოგიური პროგნოზი
ბონდიანას ბოლო ნაწილმა რეკორდი მოხსნა. ფილმმა "აგენტი 007: ოპერაცია "სკაიფოლი" დიდი ბრიტანეთის კინოგაქირავებში 100 მლნ ფუნტ სტერლიგზე მეტი მოაგროვა, რაც დაახლოებით 160 მლნ დოლარზე მეტია.
ეს გაერთიანებული სამეფოს კინოგაქირავების აბსოლუტური რეკორდია. შედეგად, სპეცაგენტის ისტორიის 23-ე ნაწილი ბონდიანას ყველა სერიაზე მომგებიანი აღმოჩნდა.
მსოფლიო გაქირავებაში "სკაიფოლმა" 1 მლრდ დოლარზე მეტი თანხა მოაგროვა და ამით "მილიარდერ ფილმთა" სამეულშიც მოხვდა. ბონდის გარდა, მილიარდზე მეტი მოგების მოტანა "შურისმაძიებლებმა" და "შავი რაინდის აღზევებამ" შეძლო. მათ შესაბამისად 1.5 და 1.8 მლრდ დოლარი შეაგროვეს.
სემ მენდესის "აგენტი 007: ოპერაცია "სკაიფოლი", რომელშიც მთავარი როლი დენიელ კრეიგმა შეასრულა, ბრიტანელმა კინოკრიტიკოსებმა ბონდიანას საუკეთესო ნაწილად აღიარეს.
სურათის პრემიერა 2012 წლის დეკემბერში გაიმართა.
მომზადებულია 7days.ru-ს მიხედვით.
