მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნანკა კალატოზიშვილი ფეხმძიმედაა
23:15 / 28-12-2012
მის ცხოვრებაში სასიამოვნო სიახლეა - მალე დედა გახდება. მსახიობი ნანკა კალატოზიშვილი ბავშვს მაისის ბოლოს ელოდება. სქესი ჯერ არ იცის. ნანკა ყოველთვის გულახდილი რესპონდენტია, მაგრამ ფეხმძიმობა ის თემაა, რომელზეც ლაპარაკი არ სურს; უფრო მეტიც, უკვირს: "ხშირად მეკითხებიან, - როგორი განწყობა გაქვსო? ნეტავ, როგორი უნდა მქონდეს, აქ რა არის სალაპარაკო?.."
რაზე ბრაზდება, როდის იძაბება და რა მოსწონს ყველაზე მეტად საკუთარ თავში? - ამას მის მიერ დასრულებული წინადადებებიდან შეიტყობთ. ნანკას სიტყვაძუნწობა კი მის ფეხმძიმობას დავაბრალოთ.
- დაბადების თარიღი...
- ...1979 წლის 8 მაისი.
- ჩემზე გავლენა იქონია...
- ...სხვადასხვა პერიოდში სხვადასხვა რამემ და ვინმემ.
- ბავშვობაში მინდოდა გამოვსულიყავი...
- ...მსახიობი.
- თვისება, რომელიც ჩემში ყველაზე მეტად მომწონს...
- ...არის შრომისმოყვარეობა.
- რაც ყველაზე მეტად არ მომწონს...
- ...ეს ზედმეტი თვითკრიტიკულობა გახლავთ.
- მე ვარ შეუმდგარი...
- ...ვეტერინარი.
- ჩემზე ამბობენ...
- ...ჯიუტიაო.
- ბედნიერი ვარ, რომ...
- ...ყველა ჯანმრთელად მყავს.
- როცა მარტო ვარ...
- ...ცუდად არ ვარ.
- ცხოვრებას თავიდან რომ ვიწყებდე...
- ...პროფესიული თვალსაზრისით, ბევრად უფრო მეტის გაკეთებას შევეცდებოდი.
- ვიბნევი, როცა...
- ...მაქებენ.
- წონასწორობიდან გამოვდივარ, როცა...
- ...მატყუებენ.
- მეზარება...
- ...იმ ადამიანებთან ურთიერთობა, რომლებიც ჩემს მოტყუებას ცდილობენ.
- არ მიყვარს...
- ...ხორცი.
- დაშვებულ შეცდომებს...
- ...ვაანალიზებ.
- ძალიან მინდა...
- ...ვიცოდე ბევრი ენა.
- არასდროს დამავიწყდება...
- ...წლევანდელი ზაფხული - კარგად დავისვენე, გავერთე.
- ამ წუთში ძალიან მინდა ვიყო...
- ...სადმე თბილ და საინტერესო ქვეყანაში.
- ცრუმორწმუნე არ ვარ, მაგრამ...
- ...ზოგჯერ ხეზე სამჯერ მაინც ვაკაკუნებ.
- ბოლოს მესიზმრა...
- ...კოშმარი და გამიხარდა, როცა გამეღვიძა და მივხვდი, რომ ნანახი რეალობა არ იყო.
- ძალიან მჯერა...
- ...დადებითი და ნეგატიური ენერგიის, რომელიც ადამიანების ცხოვრებაზე მოქმედებს.
- როცა მომავალზე ვფიქრობ...
- ...ვხვდები, რომ ნაწილობრივ ფანტაზიორობას ვიწყებ. რამდენიც უნდა იფიქრო, მომავალს ვერ დაგეგმავ, მაგრამ შეგიძლია, იფანტაზიორო.
- არავისთან ვსაუბრობ...
- ...იმ თემაზე, რომელსაც შენც არ დაგიკონკრეტებ.
- სიყვარული ეს...
- ...ცხოვრების სტიმული გახლავთ.
- ყოველთვის შეუძლია კარგ ხასიათზე დამაყენოს...
- ...რამდენიმე სიმღერამ.
- როცა საჯაროდ მაქებენ...
- ...ვიძაბები.
- ყველაზე სასიამოვნო კომპლიმენტია, როცა მეუბნებიან...
- ...რომ როლი გამომივიდა.
- ჩემი ყველაზე დიდი ტკივილი...
- ...მამაჩემია. მამა აფხაზეთის ომში დაიღუპა. ეს ის თემაა, რომელზეც ლაპარაკი არ შემიძლია.
- არ მჩვევია...
- ...ორპირობა.
- ხშირად მსაყვედურობენ...
- ...იმის გამო, რომ ვიგვიანებ.
- ვუფრთხილდები...
- ...საყვარელ ადამიანებს.
- არ მრცხვენია...
- ...განვლილი გზის.
- ვერ დავიჯერებ...
- ...რომ არსებობს სიტყვა "არასოდეს".
- ყოველთვის ძალიან განვიცდი...
- ...ჩემი ძაღლის ცუდად ყოფნას.
- ბევრი ფული რომ მქონდეს...
- ...ხშირად ვიმოგზაურებდი.
- რამდენიც უნდა გადამიხადონ...
- ...მუშაობის სურვილი სულ მექნება.
- ჩვევად მაქვს, ყოველ ახალ წელს...
- ...თმის შეჭრა.
- ახალი წლის ღამეს ჩავიფიქრებ...
- ...იმას, რასაც აქ არ გეტყვი.
- დაბოლოს...
- ...მშვიდობიან წელს გისურვებთ!
თამუნა კვინიკაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
