27
აპრილიდღის ზოგადი ასტროლოგიური პროგნოზი
ოზურგეთში აფხაზეთისა და სამაჩაბლოს ომების მონაწილე ვეტერანებმა აქცია გამართეს. მათ ნაციონალური ხელისუფლების წარმომადგენლების - გუბერნატორის, მისი მოადგილეების, ოზურგეთის მუნიციპალიტეტის საკრებულოს თავმჯდომარისა და რაიონის გამგებლის გადადგომა მოითხოვეს.
"ვართ მეომარი ხალხი, აფხაზეთში, სამაჩაბლოში, ავღანეთში თუ ერაყში ნაბრძოლი. მოვითხოვთ, გადადგნენ გუბერნატორი, გამგებელი, საკრებულოს თავმჯდომარე. ჩატარდა არჩევნები, ნაციონალებმა წააგეს და მაინც ხელისუფლებაში სხედან. რას ელოდებიან? კარგი ჯიპები, კარგი ხელფასები, თან გაორმაგებით. რაშია საქმე? ომში თქვენ იბრძოლეთო და კაი ცხოვრება ჩვენ გვინდაო? - განაცხადა ვეტერანმა მურთაზ აბაშიძემ. საკუთარი უკმაყოფილება გამოხატეს ვეტერანებმა ზურაბ ურუშაძემ, ზურაბ ჭელიძემ, ავთანდილ ჩავლეშვილმა.
"2008 წლის ომის პერიოდში ზოგი წითელ ხიდთან გარბოდა და ზოგი – თურქეთში. მერე მობრუნდნენ და აქეთ დაგვიწყეს დევნა. შეიგნონ და წავიდნენ დროულად, თუ არა და, არც მათი გამოყვანა გაგვიჭირდება გუბერნიიდან, " - ამბობდნენ აქციაზე.
მონაწილეთა თქმით, ომის ვეტერანები, ფაქტობრივად, მშივრები არიან, 22 ლარის ამარა დარჩნენ. მათთვის არც დაზღვევის პოლისი მოქმედებს.
