3
მაისიდღის ზოგადი ასტროლოგიური პროგნოზი
საპყრობილეებს დღეს 60 პატიმარი დატოვებს. როგორც "ინტერპრესნიუსს" სასჯელაღსრულების, პრობაციისა და იურიდიული დახმარების საკითხთა სამინისტროდან აცნობეს, მათ შორის მელორ ვაჩნაძე და თემურ ჟორჟოლიანიც გათავისუფლდებიან, რომლებიც რუსთავის N17 დაწესებულებაში იყვნენ მოთავსებულები.
აღსანიშნავია, რომ 60-ვე პატიმარს გათავისუფლების თაობაზე დადებითი რეკომენდაცია პირობით ვადამდე გათავისუფლების მუდმივმოქმედმა კომისიამ მისცა, რომელმაც დღეს სამინისტროში შეხვედრა ახალი შემადგენლობით გამართა.
სხდომაზე იმ 250-მდე მსჯავრდებულის განცხადება განიხილეს, რომლებსაც პირობით ვადამდე გათავისუფლებაზე ადგილობრივი საბჭოების მიერ წინა თვეებში უარი ეთქვათ.
"პრიორიტეტი მიენიჭათ მძიმე ჯანმრთელობის მდგომარეობის მქონე მსჯავრდებულებს, მათ შორის აივ ინფექციით (შიდსი) და ტუბერკულოზით დაავადებულებს, ასევე პირებს, რომლებიც არ იყვნენ გასამართლებული ძალადობრივი დანაშაულისთვის და მსჯავრის სრულ მოხდამდე დარჩენილი ჰქონდათ 6 თვემდე. ამასთანავე, ინდივიდუალურად შეფასდა მსჯავრდებულთა მიერ დანაშაულის განმეორებითი ჩადენის რისკები. აღნიშნული კრიტერიუმების გათვალისწინებით დღეს 60 პატიმარი დატოვებს სასჯელაღსრულების დაწესებულებებს, აქედან 2 არასრულწლოვანი, 5 ქალი. ასევე არასამთავრობო ორგანიზაციების მიერ პოლიტიკურ პატიმრებად აღიარებული მელორ ვაჩნაძე და თემურ ჟორჟოლიანი", - აცხადებენ სამინისტროში.
