ნინა ქმარს გაშორდა

მომღერალი ნინა წკრიალაშვილი ხშირად არის ყურადღების ეპიცენტრში. სულ ცოტა ხნის წინ ნინა სკანდალში გაეხვია "ნაციონალურ მოძრაობაზე" გაკეთებული განცხადების გამო. მან განაცხადა, თავს მოვიკლავ, თუ "ნაციონალური მოძრაობა" არჩევნებში დამარცხდებაო. ჩვენთვის ცნობილი გახდა, რომ მომღერალი ქმარს დაშორდა. მან ამა წლის იანვარში 40 წლის თენგო წივწივაძეზე იქორწინა, რომელიც შინაგან საქმეთა სამინისტროს თანამშრომელია. მან და ნინამ ერთმანეთი ლიტვაში, საკალათბურთო მატჩზე გაიცნეს და მალევე იქორწინეს. რა გახდა ნინას და თენგოს დაშორების მიზეზი, ამის გასარკვევად ნინა წკრიალაშვილს დავუკავშირდით:

- ნინა, შევიტყვეთ, რომ მეუღლეს დაშორდით, რა გახდა ამის მიზეზი?

- არ მინდა, ახლა ამ თემაზე საუბარი. რამდენიმე დღეში დამირეკეთ.

ჩვენ ნინას პირობა მართლაც შევ­უს­რ­ულეთ და რამდენიმე დღის შემდეგ ისევ ვცადეთ მასთან გასაუბრება, მაგრამ მან ჩვენს სატელეფონო ზარს აღარ უპასუხა.

თამარ ბოჭორიშვილი

ყოველკვირეული გაზეთი "ყველა სიახლე"

(გამოდის ოთხშაბათობით)