2
მაისიდღის ზოგადი ასტროლოგიური პროგნოზი
მომღერალი თამრიკო მეჭიაური, ცნობილი "მოღალატეს" შემსრულებელი, "ქართული ოცნების" წინასაარჩევნო კონცერტებში მონაწილეობდა. იმღერა თიანეთში გამართულ კონცერტზე, დაგეგმილი იყო ახალქალაქისა და ახალციხის კონცერტებიც, რომლებიც ყველასთვის გასაგები მიზეზით აღარ გაიმართა. მომღერალი ამბობს, რომ მას წლების განმავლობაში შეგნებულად ბლოკავდნენ და ამის არაერთ მიზეზს ასახელებს. მომღერლის ყოფილი მეუღლე თამაზ მეჭიაური პროპორციული სიით მოხვდა პარლამენტში, თიანეთის მაჟორიტარი ზაქარია ქუცნაშვილი კი მისი ყოფილი მეუღლის ნათესავი გახლდათ. თამრიკოს შვილი, კახა, თიანეთის "ქართული ოცნების" წინასაარჩევნო შტაბს ხელმძღვანელობდა.
- 2008 წლის შემდეგ საოცარი დაბლოკვა და რეგრესი განვიცადე, არ მიწვევდნენ არც ტელევიზიებში და არც კონცერტებზე. 2008 წელს ბათუმის ტელევიზიის დილის ეთერში მონაწილეობა შემომთავაზეს. ჩავწერეთ გადაცემა, სიმღერა, ინტერვიუ. დაიწყო გადაცემა, გავიდა ჩემი ერთი სიმღერა, ინტერვიუს ნაწილი და გაწყდა გადაცემა. მითხრეს, ფირი გაგვიწყდაო. როგორც ჩანს, არ იცოდნენ ამ გადაცემის მესვეურებმა, რომ მე შავი სიის ნაწილი ვიყავი. დაახლოებით მსგავსი შემთხვევა მქონდა თბილისში, სადაც "იმედის ხელის" ორგანიზებულ საქველმოქმედო ღონისძიებაში უნდა მიმეღო მონაწილეობა. ჰიმნი უკვე ჩაწერილი გვქონდა, როცა "იმედის ხელის" ხელმძღვანელმა დამირეკა და მითხრა, კონცერტზე ვერ გამოგიყვან, მითხრეს, "შავ სიაში" ყოფილხარო. წინასაახალწლოდ ნინა წკრიალაშვილს მივაკითხე ჩემი დაწერილი საახალწლო სიმღერით. მქონდა "ბედნიერება", მას შევხვედროდი და ჭკუის დარიგება დამიწყო, იქნებ, რადიოდან დაგვეწყო, ხალხმა გაგიცნოსო, მაშინ, როცა რადიოები სავსე იყო ჩემი სიმღერებით. ორი სოლოკონცერტი გავმართე ბოლო რამდენიმე წლის განმავლობაში და არც ერთზე ტელევიზია არ მოსულა. ყველა ტელევიზია იყენებდა ჩემ სიმღერას, განსაკუთრებით "მოღალატეს" და არც ერთს არ მივუწვევივარ ეთერში, როცა გასართობ შოუებში ისეთ მომღერლებსაც ვხედავდი, რომლებსაც მე კოლეგებსაც კი არ ვუწოდებ. იმედი მაქვს, დღეს ყველაფერი შეიცვლება და "ვინც არ მიშაობს, ის არ მუშაობს" დამთავრდება.
(გამოდის ორშაბათობით)
