2
მაისიდღის ზოგადი ასტროლოგიური პროგნოზი
ხუთშაბათს, 11 ოქტომბერს, გამოვიდა ჟურნალ "გზის" ახალი ნომერი (N41, 11-17 ოქტომბერი 2012 წ.), რომელშიც წაიკითხავთ:
ობიექტურობა თუ მიკერძოებულობა ქართული მედიის ტყუილ-მართალი
ნათია მიქიაშვილი: "ანატომიას" ძალიან ბევრი სამუშაო ექნება იმ ყველაფრის გასაშუქებლად, თუ რა გააფუჭეს "ნაციონალებმა" ხელისუფლებაში ყოფნის დროს, რა საქმეებია გამოსაძიებელი, ვისი ქონებაა დასაბრუნებელი, მიტაცებული და ეს ყველაფერი იმდენად ხანგრძლივი და შრომატევადი პროცესი იქნება, შორს ვარ იმ აზრისგან, რომ შეიძლება, ოდესმე ვინმეს მითითების შესრულება დამჭირდეს; ამას ისინი არც საკუთარ თავს აკადრებენ".
პაატა იაკობაშვილი: "ბიძინა ივანიშვილი რუსეთის კოლონიად ვერ გვაქცევს, იმიტომ, რომ ქართველი ხალხის მინიმუმ 40% არ დაუშვებს ამას. თუმცა რუსეთთან ურთიერთობაში საქართველოს პოზიციას უფრო დამთმობს გახდის, ეს კი ძალიან დაგვაზარალებს. არ დაგავიწყდეთ, მისი 6 მილიარდი ჯერ კიდევ რუსეთშია".
დიანა ტრაპაიძე: "მაესტრო" ყოველთვის კრიტიკული არხი იყო და პირადად მე, როგორც ჟურნალისტი, თუ სადმე რაიმე უარყოფითს დავინახავ, აუცილებლად ადეკვატურ რეაგირებას მოვახდენ. არასოდეს ვიქნები ლოიალური რომელიმე ერთი პოლიტიკური ძალის მიმართ.
თენგო გოგოტიშვილი: "რუსთავი 2" 1994 წლიდან მოყოლებული, 9 წლის განმავლობაში, ოპოზიციური არხი იყო. ბოლო პერიოდში, ვისთვის რა როგორ მოიაზრებოდა, არ ვიცი, მაგრამ რა ფასეულობებიც ადრე გვქონდა, იმას ვაგრძელებთ ბოლომდე. საქართველოში მიუკერძოებელი ტელევიზია არ მეგულება, გამოკვეთილი სიმპათიები და ანტიპათიები ყველას აქვს".
როგორ ცხოვრობს ზვიად ძიძიგურის მრავალშვილიანი ოჯახი
ეკა კუტალია, ზვიად ძიძიგურის მეუღლე: "წლებია, ზვიადი პოლიტიკაშია. მის დღის რეჟიმს და დატვირთულ გრაფიკს მიჩვეულები ვართ. ბავშვებმაც იციან, რა ხდება. ამბობდნენ: მიშა უნდა წავიდეს და სხვა ხელისუფლება მოვიდეს; მამა კი კენჭს რუსთავში იყრისო. არჩევნების მეორე დღეს სანდრომ მკითხა: ხომ მოვიგეთ და მიშა პრეზიდენტად რაღატომ არისო?"
"ხელისუფლება, როგორც ღია, ისე ფარული ხერხებით გულდასმით სწავლობდა რომანს"
სოსო სიგუა: "1933-1935 წლებში, როცა რომანი იწერებოდა, არავინ იცოდა, საბოლოოდ, რა სახეს მიიღებდა რევოლუცია, მაგრამ ველური ვაკხანალია, ფანატიზმი, ძველის ნგრევა, განახლების პათოსი და სისხლიანი ექსპერიმენტები თუ ერთის მხრივ, ჰეროიკას აღვივებდა, მეორეს მხრივ, შიშსა და დეპრესიას იწვევდა. კონსტანტინე გამსახურდიას შთაგონება იანუსივით ორსახოვანი დრო, საქართველოს ბედი, ეპოქის სულის გამოკვეთა იყო ადამიანთა სახეებად. ამიტომაც არის "მთვარის მოტაცება" არა მხოლოდ დიდი წიგნი, არამედ სასტიკი სინამდვილის მართალი დოკუმენტიც!"
გოგა ხაინდრავას ახალი ფილმი მერაბ კოსტავაზე
გოგა ხაინდრავა: "ერთი თვეა, მერაბ კოსტავაზე დოკუმენტურ ფილმს ვაკეთებ. მერაბი საინტერესო ადამიანი იყო და მის შესახებ ცნობილი ბევრი არაფერია. იმ ბანაკიდან, სადაც მერაბი იჯდა, უნიკალური მასალა მოვიძიეთ. შევხვდით ადამიანებს, რომლებთან ერთადაც იყო პატიმრობაში. ყველანი ჩავწერეთ. ვილნიუსში იმ სახლშიც ვიყავით, სადაც საბჭოთა კავშირის დისიდენტების პირველი შეხვედრა მოხდა. სახლის პატრონი ჩავწერეთ, საინტერესო წარსული აქვს. ამ ადამიანების მონათხრობში მერაბისადმი უდიდესი პატივისცემა იგრძნობა, მის გამორჩეულობას ადასტურებს. სავარაუდოდ, ფილმი მზად 1 თვეში გვექნება. ამ ფილმით მერაბზე ბევრი საინტერესო რამ გახდება ცნობილი".
ვინ ცდილობდა გოგა ჟვანიას მოქრთამვას და რისი იმედი აქვს მიხეილ მაჭავარიანს
მიხეილ მაჟავარიანი: "ზურაბ ჟვანიაზე მე არ გამოვიყენებ სიტყვას - "მკვლელობა". ახლა ხომ მაინც გადავიდა პოლიტიკური ვნებათაღელვა; ჰოდა, რატომღა ვლაპარაკობთ ამაზე?! აღარ გვინდა სპეკულაციები! პროკურატურის ხელთ არსებული ყველა მასალა მაქვს ნანახი და დაზუსტებით შემიძლია ვთქვა, რომ ზურაბ ჟვანია გარდაცვლილია".
გოგა ჟვანია: "მიშა მაჭავარიანი არასერიოზული ადამიანია. როგორ შეიძლება, დაზუსტებით ლაპარაკი ზურაბ ჟვანიას გარდაცვალებაზე, როდესაც მისი მკვლელობის საქმის გამოძიება დასრულებულიც კი არ არის?! ამ საქმესთან დაკავშირებული მასალები დღემდე პროკურატურის თაროზეა შემოდებული. ჩვენ ამ მასალებს ძალიან მალე ჩამოვიღებთ თაროდან და ყველაფერს ნათელი მოეფინება".
