ქაბულის აეროპორტში ტერაქტი განხორციელდა
ქაბულის აეროპორტში დღეს დილით მომხდარ აფეთქებას 12 ადამიანი ემსხვერპლა.
როგორც უცხოური მედია წერს, არსებული ვარაუდით, ავღანეთის დედაქალაქში თავდასხმა ქალმა განახორციელა.
ტერაქტი დაგეგმილი იყო აეროპორტისკენ მიმავალ გზაზე. აფეთქება მოხდა მიკროავტობუსში, რომელსაც უცხოელები გადაჰყავდა.
"ფრანს პრესის" ცნობით, გარდაცვლილი უცხოელები კერძო კომპანიის თანამშრომლები იყვნენ, რომელიც აეროპორტში ფუნქციონირებდა. დაღუპული მოქალაქეების ეროვნება ჯერ უცნობია.
აღსანიშნავია, რომ მომხდარზე პასუხისმგებლობა უკვე აიღო დაჯგუფება "ხეზბ ე ისლამმა". მათი წარმომადგენლის განცხადებით, მოწყობილობა აამოქმედა ქალმა და მისი ქმედება ამერიკაში გადაღებული ფილმის, "ისლამის უცოდველობის" წინააღმდეგ იყო მიმართული.
ანტიამერიკული ტალღა აშშ-ში გადაღებული ფილმის წინააღმდეგ გასულ კვირას ახლო აღმოსავლეთის ქვეყნებში დაიწყო. რამდენიმე ქვეყანაში აშშ-ის საელჩოებზე თავდასხმები განხორციელდა. თავდასხმებს რამდენიმე ადამიანი ემსხვერპლა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
