ახალგახსნილ გვირაბში სატვირთო მანქანა გაიჭედა!
13 სექტემბერს, ღამის 3 საათზე, ”ასავალ-დასავალი" საინტერესო ფაქტის მომსწრე გახდა!
"ლაგუნა-ვერედან" მარჯვენა სანაპიროზე ახალაშენებულ გვირაბში საცობი დაგვხვდა. შემთხვევის ადგილზე მყოფი პატრული საგზაო მიმოსვლას აწესრიგებდა. მძღოლებს ავტოსაგზაო შემთხვევა ეგონათ და ინტერესით აკვირდებოდნენ მოვლენებს, მაგრამ ნანახმა მოლოდინს გადააჭარბა, როცა ავტოსაგზაო შემთხვევის ნაცვლად, ახალგახსნილ გვირაბში გაჭედილი სატვირთო მანქანა დაგვხვდა! მძღოლებს სახეზე ირონიული ღიმილი დასთამაშებდათ. ერთ-ერთმა მათგანმა ისიც თქვა: ვაი, თქვენს პატრონს, რომ აშენებთ, რას აშენებთ, არ უნდა იცოდეთო?
გვირაბის სიმაღლე რომ ავტომობილების გაბარიტებზე არ არის გათვლილი, ეს პირველი შემთხვევა ნამდვილად არ გახლავთ. ზუსტად ერთი თვის წინ მსგავსი შემთხვევა მოხდა ამავე სანაპიროს ხიდის ქვეშ, სადაც თურქეთიდან მომავალი ახალი მოდელის სატვირთო ავტომანქანა გაიჭედა.
უამრავი თვითმხილველი ინტერესით აკვირდებოდა ავტომანქანის მძღოლს, რომელიც თურქულ ენაზე აგინებდა ამ ხიდის იდეის ავტორს.
ერთ-ერთმა გამოცდილმა ტაქსის მძღოლმა კოლეგა გასაჭირში არ მიატოვა და გამოსავალი იპოვა - ყველა საბურავი შეძლებისდაგვარად დაუშვეს და ხიდიდან ასე წვალებით გაათრიეს დატვირთული ავტომობილი. ხიდი გადაარჩინეს, მაგრამ ყველა საბურავი დაზიანდა. რა ამბავს ჩაიტანდა თურქი მძღოლი ნიჭიერ მშენებლებსა და არქიტექტორებზე, დასკვნა თქვენთვის მომინდვია! აღარაფერს ვამბობ გმირთა მოედანზე აღმართულ ფალოსზე, რომელიც ხელისუფლებას არნახულად ეძვირფასება.
თეა წიკლაური
გაზეთი "ასავალ-დასავალი"
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
