24
აპრილიდღის ზოგადი ასტროლოგიური პროგნოზი
დედაქალაქის მოსახლეობას უფასო ჟურნალს "თბილისურ ამბებს" ურიგებენ. ჟურნალი მაღალპოლიგრაფიული ხარისხისაა. იგი თბილისელებს მერიის მიერ განხორციელებული პროექტების შესახებ მოუთხრობს. მასზე ასევე მითითებულია, რომ ჟურნალი იბეჭდება მხოლოდ და მხოლოდ კერძო სექტორის მიერ განთავსებული რეკლამის ხარჯზე. ვინაიდან ინფორმაცია კონფიდენციალურია, კომპანიები არ ასახელებენ, რა თანხას იხდიან ამ ჟურნალში განთავსებული ერთგვერდიანი რეკლამისთვის. "რეზონანსის" გათვლებით კი, ერთ კომპანიას ჟურნალში ერთგვერდიანი რეკლამა დაახლოებით 66 ათასი ლარი უჯდება.
როგორც უკვე აღვნიშნეთ, ჟურნალი მაღალი პოლიგრაფიული ხარისხისაა. სტამბებში აცხადებენ, რომ ასეთი ხარისხის ჟურნალის დაბეჭვდის ღირებულება დაახლოებით 1,30 დოლარია, სხვა სარედაქციო და სადისტრიბუციო ხარჯების დამატებით ჟურნალის თვითღირებულება მინიმუმ 3 ლარამდე იზრდება. თბილისის მერიაში "რეზონანსს" უპასუხეს, რომ ჟურნალი თბილისში მცხოვრებ ყველა ოჯახს ურიგდება.
