2
მაისიდღის ზოგადი ასტროლოგიური პროგნოზი
ბაქო ყველანაირად ცდილობს დუბაი, როგორც არქიტექტურული საოცრებების ქალაქი, უკან ჩამოიტოვოს.
ერთ-ერთი ახალი პროექტი, რომლითაც აზერბაიჯანი თავს იწონებს, ნახევარმთვარის ფორმის სასტუმროა, რომელიც კასპიის ზღვის სანაპიროზე აშენდება. მშენებლობა 2015 წელს დასრულდება და მას "სავსე მთვარის სასტუმრო" ეწოდება.
ახალი პროექტი ტერიტორიის 220 ჰექტარს მოიცავს. მასზე განლაგდება ოფისები, საცხოვრებელი და გასართობი კომპლექსები, რომელიც 50 000 მოქალაქეს მოემსახურება. გარდა ამისა, ბაქოს არქიტექტურული განახლების პროექტი 48 000 ადამიანს დაასაქმებს.
ადრე ნავთობისგან დაბინძურებულ ბაქოს შავ ქალაქს ეძახდნენ, ახლა ქალაქი ყველანაირად ცდილობს საბჭოთა არქიტექტურა თანამედროვე შენობებით ჩაანაცვლოს. ამ ახალი ინიციატივების დამსახურებაა, რომ ბაქოს უკვე თეთრ ქალაქსაც უწოდებენ.
პროექტს სამხრეთ კორეული არქიტექტურული ფირმა Heerim Architects ხელმძღვანელობს.
"აზერბაიჯანელ კლიენტებს კრეატიული დიზაინი იზიდავთ, რაც მათი ნაციონალური განვითარების საუკეთესო საშუალებაა", - განაცხადა კომპანიის წარმომადგენელმა.
ბაქო ისეთი ტემპითა და სიმტკიცით ვითარდება, რომ მალე შესაძლოა, დუბაის არქიტექტურული საოცრების ქალაქის ტიტული ჩამოერთვას.
მომზადებულია dailymail.co.uk-ის მიხედვით.
