27
აპრილიდღის ზოგადი ასტროლოგიური პროგნოზი
ლიბიის ლიდერმა მუამარ კადაფიმ ტელეკომპანია RUSSIA TODAY-ის არაბულ განყოფილებას ინტერვიუ მისცა. მისი თქმით, ბოლო დროს განვითარებულმა მოვლენებმა დასავლეთის მიმართ სკეპტიკურად განაწყო და ახალ მომხრეებს ეძებს, მათ შორის რუსეთშიც.
კადაფი მიიჩნევს, რომ ხელისუფლებასა და ოპოზიციას შორის დაპირისპირება მალე დასრულდება და ბენგაზის სამხედრო შტურმით აღების აუცილებლობა არ არსებობს. ჟურნალისტის კითხვას, გამოიყენებენ თუ არა სამხედრო ძალას ამბოხებულების წინააღმდეგ, კადაფიმ უპასუხა, რომ ეს საჭირო არ არის, რადგან მათ თავად ბენგაზის მცხოვრებლები გაუსწორდებიან.
"ჩვენ უკვე დასავლეთის აღარ გვჯერა, ამიტომ გვსურს, მოვუწოდოთ რუსულ, ჩინურ და ინდურ კომპანიებს, განახორციელონ ინვესტირება სანავთობო და სამშენებლო სფეროებში. მსოფლიო მალე დარწმუნდება, რომ შეცდა, რადგან სინამდვილეში, ლიბიაში მომხდარს საფუძველი ტუნისისა და ეგვიპტის მოვლენებმა ჩაუყარა", - განაცხადა კადაფიმ "RUSSIA TODAY"-თან ინტერვიუში.
ანალოგიური განცხადებები ლიბიის ლიდერმა გერმანულ ტელეარხ "RTL"-თან ინტერვიუშიც გაიმეორა და აღნიშნა, რომ ლიბიაში ნავთობის სფეროში კონტრაქტების გაფორმების პერსპექტივა ევროპული ქვეყნებიდან მხოლოდ გერმანიას აქვს.
ლიბიაში აქტიური საბრძოლო მოქმედებები გრძელდება. ავიაციამ აჯდაბიაში ამბოხებულებზე იერიში მიიტანა. დაღუპულთა რიცხვმა 25-ს, დაჭრილებისამ კი 70-ს გადააჭარბა. ანალოგიური სიტუაციაა მისურატის ირგვლივ. ლიბიის სიდიდით მესამე ქალაქში სასმელი წყლის უკმარისობაა, შეწყვეტილია ელექტროენერგიის მიწოდებაც.
