მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თავდასხმა საფრანგეთის რამდენიმე ციხეზე - ხელისუფლება მომხდარს ტერორიზმად აფასებს: რა მინიშნებები დატოვეს უცნობმა პირებმა ადგილზე და რა დეტალებზე წერს მედია?
10:28 / 16-04-2025
სამშაბათს ღამით საფრანგეთის რამდენიმე ციხეზე თავდასხმა მოხდა. უცნობმა პირებმა ციხის სადგომებზე გაჩერებულ მანქანებს ცეცხლი წაუკიდეს, სასჯელაღსრულების ერთ-ერთ დაწესებულებას კი ავტომატური ცეცხლსასროლი იარაღიდან ესროლეს.
თავდასხმების შესახებ ინფორმაცია დაადასტურა საფრანგეთის იუსტიციის მინისტრმა ჟერალდ დარმანინმა, რომელმაც მომხდარი ბოლო დროს, ხელისუფლების ნარკომანიასთან ფართომასშტაბიან ბრძოლას დაუკავშირა.
დარმანინის განცხადებით, ქვეყნის მასშტაბით სულ მცირე ექვს ციხეზე ცეცხლსასროლი იარაღით და ცეცხლის განზრახ წაკიდებით განხორციელებული თავდასხმები უსაფრთხოების სამსახურის თანამშრომლების წინააღმდეგ მიმართული ტერორისტული აქტები იყო.
"რესპუბლიკა უკან არ დაიხევს. ეს არის უკიდურესად სერიოზული დანაშაულები. თავდასხმა ციხის საჯარო სამსახურზე ტერორისტული თავდასხმაა. საფრანგეთის რესპუბლიკა ნარკოტრაფიკის მწვავე პრობლემის წინაშე დგას და ჩვენ ვიღებთ ზომებს, რაც შეარყევს კრიმინალურ ქსელებს“, - განუცხადა იუსტიციის მინისტრმა ჟურნალისტებს.
როგორც გაზეთი Le Parisien წერს, თავდასხმა 7 სასჯელაღსრულების დაწესებულებაზე განხორციელდა: ხუთი მოხდა ქვეყნის სამხრეთში (ტულონში, ექს-ან-პროვანსში, მარსელში, ვალანსსა და ნიმში) და ორი პარიზთან (ვილპენტში და ნანტერში).
Le Figaro-ს ცნობით, ტულონში, ტყვიამფრქვევიდან ესროლეს ციხის ჭიშკარს გამვლელი მანქანიდან. ხოლო მარსელის მახლობლად, თავს დაესხნენ იუსტიციის სამინისტროს კუთვნილ საბინაო კომპლექსს, სადაც რამდენიმე მანქანას ავტოსადგომზე ცეცხლი წაუკიდეს.
რამდენიმე სხვა ქალაქში, თავდამსხმელებმა დატოვეს აბრევიატურა DDPF - რაც იშიფრება, როგორც "ფრანგი პატიმრების უფლებებს“.
ქვეყნის ხელისუფლებამ თავდასხმები ტერორიზმად შეაფასა, გამოძიება კი საფრანგეთის ეროვნულ ანტიტერორისტულ პროკურატურას დაევალა.
საფრანგეთის შინაგან საქმეთა მინისტრმა ბრუნო რეტალომ ადგილობრივ ხელისუფლებას სთხოვა "დაუყოვნებლივ გააძლიერონ ციხის პერსონალისა და დაწესებულებების დაცვა“.
მომხდარზე პასუხისმგებლობა ჯერჯერობით არცერთ კრიმინალურ დაჯგუფებას არ აუღია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
