მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი გახარია თეა წულუკიანს: "ოკუპანტებისთვის ბოდიშის მოხდა რომ გადაწყვიტეთ, ეს იყო ვინმესთან შეთანხმებული? "მეილი“ არსებობს?"
17:18 / 14-04-2025
ოკუპანტებისთვის ბოდიშის მოხდა რომ გადაწყვიტეთ, ეს იყო ვინმესთან შეთანხმებული? "მეილი“ არსებობს? - ასე უპასუხა შს ყოფილმა მინისტრმა, პარტია "გახარია საქართველოსთვის“ ლიდერმა, გიორგი გახარიამ პარლამენტის დროებითი საგამოძიებო კომისიის სხდომაზე, კომისიის თავმჯდომარის თეა წულუკიანის შეკითხვას, რომელიც სოფელ ჩორჩანის მიდამოებში ქართული პოლიციის საგუშაგოს გახსნას და ამ ამბის სახელმწიფო უსაფრთხოების სამსახურისთვის შეუტყობინებლობას შეეხებოდა.
როგორც გახარიამ აღნიშნა, მისი ეს გადაწყვეტილება იყო შეთანხმებული.
ამასთან, როგორც გახარიას განცხადების საპასუხოდ წულუკიანმა განაცხადა, სახელმწიფო უსაფრთხოების სამსახურისთვის საგუშაგოს განთავსება იყო სიურპრიზი.
"დაიცავით თუ არა ნორმა, რომელიც გავალდებულებდათ, რომ თქვენ საგუშაგოს მოწყობა არ დაგეწყოთ თქვენით. ძლევამოსილი იყავით თუ არა, მე თუ მეკითხებით, მე დაგიდასტურებთ, რომ თქვენ იყავით რა შს მინისტრი, თქვენ იყავით სუპერ ძლევამოსილი“,- განაცხადა წულუკიანმა, რაზეც გახარიამ უპასუხა, რომ "ახლაც არ ვუჩივი ძლევამოსილებას, მე მყოფნის“.
ამასთან, როგორც წულუკიანმა აღნიშნა, გიორგი გახარია შს მინისტრობის დროსაც კი პრემიერ-მინისტრივით იქცეოდა.
"თქვენ ძლევამოსილი იყავით და შს მინისტრი რომ იყავით, იქცეოდით პრემიერ - მინისტრივით. საგუშაგო იქ განთავდა თქვენი მხრიდან კეთილშობილური მიზნით. გატაცებებია, გადაცემებია სეპარატისტული რეჟიმის ტელევიზიებში, რომ ეს ტყე მათია, მონიშვნები გააკეთეს ტყეზე და შესაძლებელია გონივრული ვარაუდი, უფრო მეტიც, რომ იქ ადრე თუ გვიან გადმოიწევა ხაზი. თქვენ არ აცნობეთ, სახელმწიფო უსაფრთხოების სამსახურისთვის საგუშაგოს განთავსება იყო სიურპრიზი“, - განაცხადა წულუკიანმა.
წულუკიანის საპასუხოდ კი გახარიამ კიდევ ერთხელ აღნიშნა, რომ "ყველამ ყველაფერი იცოდა“.
"ეს არის თქვენი ინტერპრეტაცია. მე ვისაუბრე მაშინ სუს-ის ხელმძღვანელთან, ეს ყველაფერი იყო შეთანხმებული, ყველამ ყველაფერი იცოდა. საოკუპაციო ხაზი არის შს სამინისტროს კონტროლის ქვეშ. მას აკონტროლებს განსაკუთრებულ დავალებათა დეპარტამენტი. საოკუპაციო ხაზი არ არის სუს-ის კონტროლის ქვეშ. საოკუპაციო ხაზე რაც ხდება, გატაცება და ა.შ. ეს არის შს სამინისტროს პრეროგატივა. აი, გატაცებული ადამიანის მერე გამოყვანა და იმ ფორმატებში თანამშრომლობა, იქ არის სუს-ი. სუს-ს აქვს მთავარი პრეროგატივა, "ვინმე არ გავაბრაზოთ“. სუს-ი ამიტომ არის სუს-ი. მათი მთავარი ინსტრუმენტი ყოველთვის უნდა იყოს მოლაპარაკება. მათ თავიანთი რისკები დაგვანახეს.
მთავარი მიზანი იყო ახალი რუკის საფუძველზე, გამოგონილი რუკის საფუძველზე ჩორჩანის 1800 ჰექტარი ტყის მოჭრა საქართველოსგან. ეს იყო მთავარი მიზანი. მთავარი შედეგი, რომელიც დღეს გვაქვს, საოკუპაციო ხაზი რუკაზეც და მიწაზეც არის ზუსტად იქ, სადაც იყო“, - განაცხადა გახარიამ, რასაც წულუკიანმა უპასუხა, რომ "ეს არ არის სიმართლე. გადმოწეულია დე-ფაქტო ხაზი“.
თავის მხრივ, გახარიამ წულუკიანს მიმართა: - "თქვენ ურევთ საოკუპაციო ხაზსა და საგუშაგოს“.
ამასთან, ამავე სხდომაზე კომისიის წევრი გურამ მაჭარაშვილი დაინტერესდა, იყო თუ არა ინფორმირებული პრემიერ-მინისტრი, როცა გახარიამ შს მინისტრობის დროს ასეთი გადაწყვეტილება მიიღო და იყო თუ არა მთავრობის მეთაური თანახმა.
"პრემიერ-მინისტრის გარეშე ამ საკითხს ვერ გავაკეთებდით. პრემიერ-მინისტრი იყო ჩემი ხელმძღვანელი, როცა ასეთ ნაბიჯებს ვდგამდი. მარტო ამას არა, სხვას ყველაფერს ვუთანხმებდი პრემიერ-მინისტრს“,- განაცხადა გახარიამ.
იხილეთ ასევე:
- "როგორც "ნაცები" იყენებენ მაკო გომურს, ზუსტად ისე იყენებთ თქვენ" - გახარია საგამოძიებო კომისიას
- "ამ კომისიამ უნდა გამოკითხოს ივანიშვილი... 20 ივნისს მე მხოლოდ ცრემლსადენის გაზის და წყლის ჭავლის გამოყენების ბრძანება გავეცი" - რა თქვა გახარიამ კომისიის სხდომაზე
- "თქვენ საერთოდ არ გელაპარაკებით, კაცო - ნუ მეჩრებით! კიდევ ერთხელ თუ გამაწყვეტინებთ, ავდგები და წავალ!" - კამათი საგამოძიებო კომისიის სხდომაზე (ვიდეო)
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
