!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
ბრალდებულმა გიორგი კავლელაშვილმა, რომელმაც 4 თვის ჩვილის გვერდით მძინარე ცოლს დანა 19-ჯერ ჩაარტყა და მოკლა, 14 თვიანი დუმილი დაარღვია.
უმძიმესი შემთხვევა 2024 წლის 9 იანვარს მოხდა. გიორგი კავლელაშვილმა მძინარე ცოლი მოკლა, შემდეგ კი თვითდაზიანებები მიიყენა. ქეთი ედიბერიძე გარდაიცვალა, ხოლო გიორგი კავლელაშვილი დააკავეს. მას 20 წლიანი პატიმრობა აქვს მისჯილი, თუმცა პროკურატურა აღკვეთის ღონისძიების შეცვლას და სამუდამოს მისჯას ითხოვს.
საქმე უზენაეს სასამართლოში ინაცვლებს. პროკურატურა ითხოვს, უვადო პატიმრობასთან ერთად, მკვლელი გენდერული ნიშნით შეუწყნარებლობის ჩადენის ნაწილშიც დამნაშავედ ცნონ.
34 წლის კავლელაშვილმა დუმილი დაარღვია. კადრებს სხდომიდან “კურიერი • P.S“ ავრცელებს.
“დანაშაული ფსიქიკური და ემოციური აშლილობის ფონზე ჩავიდინე. სასამართლომ სამართლიანი გადაწყვეტილება მიიღო და გაგამართლა. სამართლიანად მომისაჯა 20 წლით თავისუფლების აღკვეთა,“ - განაცხადა მან, თუმცა აღნიშნა, რომ მკვლელობა გენდერის ნიშნით არ ჩაუდენია.
მოკლული ქეთი ედიბერიძის ოჯახი გიორგი კავლელაშვილისთვის უვადო პატიმრობას მოითხოვს.
- ქეთი ედიბერიძე და გიორგი კავლელაშვილი დმანისში ცხოვრობდნენ. ისინი 4 თვის მარიამს ზრდიდნენ. 9 იანვარს, ბავშვთან ერთად თბილისში, ვარკეთილში ჩამოვიდნენ და გიორგი კავლელაშვილის სახლში დარჩნენ, რადგან ჩვილი ექიმთან უნდა მიეყვანათ.
შემზარავი შემთხვევა სწორედ იმ ღამეს მოხდა. გამთენიისას გიორგი კავლელაშვილმა დანა აიღო და საწოლში მყოფ ცოლს დანა 19-ჯერ დაარტყა.
მოკლულის ოჯახი ვარაუდობს, რომ მას მკვლელობა წინასწარ ჰქონდა განზრახული.
იხილეთ ასევე:
- "ჩემს შვილს ქეთიმდე ჰყავდა პირველი ცოლი, რომელსაც ხშირი კონფლიქტების გამო გაშორდა... კონფლიქტი იყო გიორგის მიერ ნარკოტიკების მოხმარების გამო" - რას წერს ჩვენებაში ცოლის მკვლელობაში ბრალდებულის მამა?
- ქმრის მიერ მოკლულ ქალს თვეების შვილი დარჩა - "ძალიან კარგი გოგო იყო ქეთი... ამბობენ, ქმარმა დანით მძინარე მდგომარეობაში დაჭრაო"
