!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ისრაელმა აღიარა, რომ ღაზაში მედიკოსების მკვლელობა შეცდომის შედეგი იყო - რას წერს BBC?
11:42 / 06-04-2025
ისრაელის არმიამ აღიარა, რომ ღაზას სექტორში სასწრაფო სამედიცინო დახმარების 15 მუშაკის მკვლელობა მისი ჯარისკაცების შეცდომის შედეგი იყო, - ინფორმაციას BBC-ი ავრცელებს.
საქმე ეხება 23 მარტს მომხდარ ინციდენტს, როდესაც პალესტინის "წითელი ნახევარმთვარის საზოგადოების“ სასწრაფო სამედიცინო დახმარების მანქანების კოლონას, გაეროს მანქანას და ღაზას სამოქალაქო თავდაცვის სახანძრო მანქანას რაფაჰთან ცეცხლი გაუხსნეს.
ისრაელი თავდაპირველად ამტკიცებდა, რომ ჯარისკაცებმა ცეცხლი იმის გამო გახსნეს, რომ კოლონა "საეჭვოდ" მიუახლოვდა სიბნელეში, ჩამქრალი ფარებით.
ერთ-ერთი მედიკოსის მობილური ტელეფონის კადრებში კი ჩანს, რომ მანქანებს ფარები ანთებული ჰქონდათ.
ისრაელის თავდაცვის ძალების ოფიციალურმა პირმა ჟურნალისტებს განუცხადა, რომ ჯარისკაცებმა მანამდე ცეცხლი გაუხსნეს ავტომობილს, რომელშიც "ჰამასის“ სამი წევრი იყო. როდესაც სასწრაფო დახმარების მანქანები ტერიტორიას მიუახლოვდნენ, საჰაერო მეთვალყურეებმა ჯარისკაცებს აცნობეს, რომ კოლონა საეჭვოდ მოძრაობდა. როდესაც სასწრაფო დახმარების მანქანები "ჰამასის“ წევრების ავტომობილის გვერდით გაჩერდნენ, ჯარისკაცებმა ჩათვალეს, რომ მათ საფრთხე ემუქრებოდათ და ცეცხლი გახსნეს, მიუხედავად იმისა, რომ არ არსებობს მტკიცებულება, რომ სასწრაფო სამედიცინო დახმარების ჯგუფი შეიარაღებული იყო.
ისრაელმა აღიარა, რომ ადრინდელი ანგარიში, რომელშიც ნათქვამი იყო, რომ კოლონა ჩამქრალი ფარებით მიუახლოვდა, არაზუსტი იყო და ჯარისკაცების ნაამბობს ეყრდნობოდა.
ისრაელი აცხადებს, რომ მომხდარს საფუძვლიან შეისწავლის, "წითელი ნახევარმთვარის საზოგადოება“ და ბევრი სხვა საერთაშორისო ორგანიზაცია კი დამოუკიდებელი გამოძიების დაწყებას ითხოვს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
