მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აეროპორტში ნაპოვნი სიყვარული და ეკონომისტის გზა სახელმწიფო უსაფრთხოების სამსახურამდე - რა არის ცნობილი გიორგი ლილუაშვილის ოჯახზე, კარიერასა და ქონებაზე
08:48 / 05-04-2025
რამდენიმე დღის წინ სამთავრობო ცვლილებების შესახებ გახდა ცნობილი. ერთ-ერთი, ვისაც ცვლილება შეეხო, სუს-ის უფროსი გრიგოლ ლილუაშვილია, რომელიც აღნიშნულ პოსტს 6 წელი იკავებდა. თავდაპირველად პრემიერმა თქვა, რომ ლილუაშვილს რეგიონული განვითარების მინისტრად ნიშნავდა, თუმცა გუშინ აღმოჩნდა, რომ გადაწყვეტილება გადაიფიქრეს.
- ირაკლი კობახიძის თქმით, გრიგოლ ლილუაშვილთან კონსულტაციების შედეგად გაირკვა, რომ არსებობდა განსხვავებული მიდგომები სამინისტროს საქმიანობის პრინციპებთან, მათ შორის სამინისტროში გასატარებელ საკადრო პოლიტიკასთან დაკავშირებით“.
"გასული დღეების განმავლობაში გვქონდა კონსულტაციები გრიგოლ ლილუაშვილთან და გაირკვა, რომ გქონდა განსხვავებული მიდგომები სამინისტროს საქმიანობის პრინციპებთან, მათ შორის სამინისტროში გასატარებელ საკადრო პოლიტიკასთან დაკავშირებით, აქედან გამომდინარე, მივიღეთ გადაწყვეტილებამ, რომ გრიგოლ ლილუაშვილი აღარ დაიკავებს რეგიონული განვითარების მინისტრის თანამდებობას. მინისტრად დაინიშნება კახაბერ გულედანი“,- განაცხადა პრემიერმა.
ვინ არის გრიგოლ ლილუაშვილი?
ლილუაშვილი დაიბადა 1977 წლის 1 სექტემბერს. 2001 წელს დაამთავრა საქართველოს ტექნიკური უნივერსიტეტი საერთაშორისო ეკონომიკური ურთიერთობების სპეციალობით. 1999 წელს "Air Georgia"-ს ფინანსური მენეჯერი იყო. 1999–2001 წლებში იყო "ქართული ავიახაზები — აირზენას" მარკეტინგის მენეჯერი.
2003–2004 წლებში საქართველოს ფინანსთა სამინისტროს საბაჟო დეპარტამენტის წარმომადგენელი მსოფლიო საბაჟო ორგანიზაციის „RILO“-ში, დსთ-ის ქვეყნების საბაჟო სამსახურების მეთაურთა უმაღლეს საბჭოში.
2004–2008 წლებში იყო შპს „ბურჯის“ ლოჯისტიკის დეპარტამენტის უფროსი.
2007–2008 წლებში – ასოციაცია „ATU“-ს ლოჯისტიკის დეპარტამენტის უფროსი.
2008–2013 წლებში იყო შპს „ქართუ მშენებელის“ გენერალური დირექტორის მოადგილე. 2013–2014 წლებში იყო შპს „ბურჯის“ გენერალური დირექტორი.
2014–2016 წლებში შპს „Old City Development“-ის გენერალური დირექტორი.
2015–2016 წლებში „ქართუ“ ჯგუფის გენერალური დირექტორი და სამეთვალყურეო საბჭოს თავმჯდომარე.
2015–2016 წლებში ს/ს „ქართუ-ბანკის“ სამეთვალყურეო საბჭოს თავმჯდომარე. 2016 წელს იყო თბილისის მერის მოადგილე.
2016–2017 წლებში საქართველოს მე-9 მოწვევის პარლამენტის წევრი (ვანისა და ხონის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. მაჟორიტარულ არჩევნებში ხმათა 59,01% (18 270 ხმა) მიიღო.[2]
2017 წლის 22 დეკემბრიდან 2019 წლის 8 სექტემბრამდე საქართველოს სახელმწიფო უსაფრთხოების სამსახურის უფროსის მოადგილე, შემდეგ კი 2025 წლამდე სუს-ს უფროსი.
ლილუაშვილს ჰყავს მეუღლე მაია ჭეიშვილი (დ. 1982) და ორი შვილი: ნიკოლოზი (დ. 2008) და ლაზარე (დ. 2013).
2017 წელს ჟურნალ თბილისელებთან ინტერვიუში ამბობდა, რომ მეუღლე იმ დროს გაიცნო, როცა კერძო სექტორში მუშაობდა. მაია ჭეიშვილი პროფესიით საზოგადოებასთან ურთიერთობის სპეციალისტია.
გრიგოლ ლილუაშვილი:
"მაიკო რომ გავიცანი, ხშირად მიწევდა აეროპორტით სარგებლობა. მაიკო კი იქ მუშაობდა, ჩემი მამიდაშვილის თანამშრომელი იყო. ერთ მშვენიერ დღეს შევამჩნიე, როცა ეგრეთ წოდებული განსაკუთრებული მგზავრების გასასვლელით ვსარგებლობდი. აღმოვაჩინე გოგო, რომელიც ძალიან ლამაზი თვალებით მაცილებდა. პატარები არ ვიყავით და დაოჯახების გადაწყვეტილება ორივემ გააზრებულად მივიღეთ".
მაია ჭეიშვილი:
"გაცნობიდან ექვს თვეში დავქორწინდით. ორივეს ტრადიციული, იმერული ოჯახი გვაქვს. ასე რომ, ყველაფერი წესების დაცვით მოხდა – ოჯახის გამოკვლევიდან დაწყებული, ნიშნობით დასრულებული.
გრიგოლ ლილუაშვილი:
"პირდაპირ მივედი მაიკოს მშობლებთან და განვუცხადე, ვინ ვიყავი და რა მინდოდა, უკვე კარგად იყვნენ ჩემზე ინფორმირებულები. მას მერე ისე შევუყვარდი მაიკოს მშობლებს, ჩემს მზეს ფიცულობენ (იცინის). სხვათა შორის, ჩემს სიდედრს ვანური ფესვები აქვს. სულ „ვაყვედრი,” შენს რაიონს ვუვლი და შენ კი, სახლში უნდა დამეხმარო ვანელების გაზრდაში-მეთქი, ერთგვარი „შეთანხმება” გვაქვს".
ქონებრივი მდგომარეობა
როგორც ცნობილია, თანამდებობის პირების ქონებრივი დეკლარაციები ანტიკორუფციული ბიუროს ვებ-გვერდზე უნდა იყოს საჯაროდ ხელმისაწვდომი, თუმცა, რამდენიმე თვეა დეკლარაციები საიტზე ხელმისაწვდომი არ არის. ამის მიზეზად კი ვებ-გვერდის ტექნიკური სამუშაოები სახელდება.
თუმცა, სანამ ეს დეკლარაციები ჯერ კიდევ საჯაროდ იყო ხელმისაწვდომი, არასამთავრობო ორგანიზაციამ IDFI-მ მოამზადა თანამდებობის პირების ქონებრივი დეკლარაციების ბაზა, სადაც თავმოყრილია 2017-2024 წლების (პორტალზე წვდომის სრულად შეზღუდვამდე) თანამდებობის პირთა მიერ შევსებულ დეკლარაციები.
შესაბამისად, ამ ბაზაზე დაყრდნობით, 2024 წლის 28 მარტს შევსებული ქონებრივი დეკლარაციის მიხედვით, გროგოლ ლილუაშვილის საკუთრებაში მხოლოდ ერთი ბინაა. საუბარია, თბილისში მდებარე ბინაზე, რომელიც 2013 წელს 125 00 აშშ დოლარად აქვს შეძენილი.
ამასთან, დოკუმენტის თანახმად, მისი მეუღლის სახელზეა რეგისტრირებული მსუბუქი ავტომობილი toyota rav4, რომელშიც 2021 წელს 10 500 აშშ დოლარი გადაიხადა.
რაც შეეხება ფინანსურ მდგომარეობას, გრიგოლ ლილუაშვილს დეკლარაციის შევსების მომენტში საბანკო ანგარიშზე ჰქონდა 23 433 ლარი და 15 000 ევრო.
ამასთან, დეკლარაციის მიხედვით, 2023 წელს გრიგოლ ლილუაშვილს სახელმწიფო უსაფრთხოების სამსახურის უფროსის თანამდებობაზე ხელფასის სახით აღებული აქვს 126 299 ლარი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
