მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გვითხრეს, რომ აღარ არის ცოცხალი, მაგრამ ამის დაჯერება გვიჭირს, იქნებ, შეცდომაა, იქნებ..." - რას ჰყვებიან "ჰამასის" მიერ გატაცებული 23 წლის ებრაელი სამხედროს ბებია და ბაბუა?
15:33 / 02-04-2025
"ჰამასის" ტერორისტების მიერ 2023 წლის 7 ოქტომბერს გატაცებული ამერიკელ ებრაელი მძევლის, ომერ ნოიტრას გარდაცვალების შესახებ ინფორმაცია 2024 წლის დეკემბერში გავრცელდა. მანამდე ოჯახი იმედოვნებდა, რომ ბიჭი ცოცხალი იყო. თუმცა "ჰამასმა" დეკემბერში განაცხადა, რომ ნოიტრა მკვდარია. ამ ინფორმაციამ ოჯახი შოკში ჩააგდო და გაანადგურა. ამ დრომდე სხვა ცნობები აღარ გავრცელებულა, მტკიცებულება იმისა, რომ ნოიტრა მკვდარია, არავის უნახავს, გამტაცებლები ცხედარსაც არ აბრუნებენ...
ნოიტრა დაიბადა და გაიზარდა ლონგ აილენდზე, ნიუ იოკრში და ისრაელში სამხედრო სამსახურისთვის ჩავიდა. მას არ ჰქონდა ვალდებულება ემსახურა IDF-ში, მაგრამ ნებაყოფლობით მიატოვა კოლეჯში სწავლა შტატებში და ჩაეწერა ისრაელის ჯარში.
"ომერი გაიზარდა შეერთებულ შტატებში, 18 წლის ასაკში ჩამოვიდა ისრაელში და ამ ქვეყნის ჯარში სამსახური გადაწყვიტა", - გვიყვება ომერის ბებია ტამარ ცოჰარი. მას და მის მეუღლეს, ჰოლოკოსტს გადარჩენილ 83 წლის სიმხა ცოჰარს თელ-ავივში, მძევლების მოედანზე შევხვდით. ორივე დათრგუნული და განადგურებულია, თუმცა იმედის ნაპერწკალი მათ თვალებიდან მაინც გამოსჭვივის, იმედი ხომ ბოლოს კვდება...
21 წლის ნოიტრა თავდასხმის დროს ისრაელის თავდაცვის ძალებში (IDF) მე-7 ჯავშანტექნიკის 77-ე ბატალიონში სატანკო ოცეულის მეთაურად მსახურობდა. განწესებული იყო კიდევ სხვა 4 სამხედროსთან ერთად, ღაზის საზღვარზე, ნირ ოზთან, საიდანაც 7 ოქტომბერს გაიტაცეს ტანკიდან. ისრაელის სამხრეთით მდებარე ნირ ოზი, პატარა კიბუცთან ერთად, 7 ოქტომბრის ტერორისტული თავდასხმების შედეგად ერთ-ერთი ყველაზე მეტად დაზარალებული დასახლებაა, სადაც ყოველი მეოთხე მოსახლე მოკლეს ან გაიტაცეს.
"მე და ჩემი მეუღლე ნიუ-იორკში ვიყავით ქალიშვილთან. ჩემი შვილიშვილი ომერი 7 ოქტომბერს მორიგე იყო. პარასკევს ნაშუადღევს ვესაუბრეთ, საზღვარზე მუშაობის ძალიან რთული ერთი თვის შემდე, ომერმა თქვა, რომ ელოდა შედარებით მშვიდ შაბათს. რამდენიმე საათის შემდეგ კი ყველაფერი შეიცვალა - მოხდა კატასტროფა, რომელიც დღემდე გრძელდება", - ამბობს ბებია, რომელიც ცრემლს დიდი ძალისხმევით იკავებს.
თელ-ავივში, მძევლების მოედანზე, იქ სადაც, ყოველ საღამოს "ჰამასის" ტერორისტების მიერ გატაცებული ადამიანების ოჯახის წევრები, ნათესავები, ახლობლები და მეგობრები იკრიბებიან და სოლიდარობის აქციებს მართავენ, ამ დღესაც ხმაური და ხალხმრავლობა იყო. აქ ათობით ადამიანი მოვიდა მძევლების მხარდამჭერ აქციაზე. აანთეს სანთლები, გაიხსენეს გატაცებულები.
ტამარი განაგრძობს საუბარს, ცოტა ჩქარობს, რადგან სულ რამდენიმე წუთში სცენაზე უნდა ავიდეს და მძევლების ოჯახებსა და მეგობრებს იქიდან უნდა მიმართოს. გვეუბნება, რომ ომერი სხვა და სხვა დროს იყო სკოლის კალათბურთის, ფრენბურთის და ფეხბურთის გუნდის კაპიტანიც კი, სწავლობდა წარჩინებით. ბიჭს მრავალმხრივი ინტერესები და დიდი გეგმები ჰქონდა
ნოიტრა ახლა 23 წლის იქნებოდა. გასული წლის ოქტომბერში მისმა ოჯახმა ტყვეობაში მისი მეორე დაბადების დღე აღნიშნა. 700-მდე ადამიანმა, მათ შორის მისი ოჯახის წევრებმა და მეგობრებმა, მის პატივსაცემად, გამართა მსვლელობა ნიუ-იორკში, მანჰეტენზე...
"მეგობრები ჩვენს ომერს ახასიათებენ, როგორც თბილ და მზრუნველ ბიჭს, ის კეთილი, გულღია და თბილი ადამიანია, რომელს გამოჩენაც კი საკმარისია და ირგვლივ ყველაფერი თითქოს ნათდება, მის გარეშე ძალიან გვიჭირს.... გვითხრეს, რომ აღარ არის ცოცხალი, მაგრამ ამის დაჯერება გვიჭირს, იქნებ, შეცდომაა, იქნებ..." - თქვა ბებიამ და ისევ ცრემლები შეიწმინდა.
შეგახსენებთ, ღაზაში ომი დაიწყო მას შემდეგ, რაც "ჰამასის" ტერორისტები 2023 წლის 7 ოქტომბერს შეიჭრნენ სამხრეთ ისრაელში, მოკლეს დაახლოებით 1200 ადამიანი, ძირითადად მშვიდობიანი მოქალაქეები და მძევლად გაიტაცეს, დაახლოებით, 250 ადამიანი. ამ დროისთვის, "ჰამასს" ღაზაში კიდევ 59 მძევალი ჰყავს. მათგან რამდენია ცოცხალი და რამდენი მოკლული, ჯერჯერობით უცნობია.
საინტერესოა, რომ ომერ ნოიტრას ბიძაშვილი ამირ მაგალი ცოტა ხნის წინ თბილისში იმყოფებოდა, ის პარლამენტის წინ ისრაელის მხარდამჭერ აქციაზე ისრაელის დროშით გამოჩნდა.
მიხეილ ხაჩიძე
სპეციალურად ambebi.ge-სთვის თელ-ავივიდან
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
