14
აპრილიდღის ზოგადი ასტროლოგიური პროგნოზი
სირიის პრეზიდენტმა, აჰმედ ალ-შარამ ახალი გარდამავალი მთავრობა დანიშნა, - ინფორმაციას Reuters-ი ავრცელებს.
გამოცემის ცნობით, მინისტრთა ახალი კაბინეტი მოიცავს 23 მინისტრს, მათ შორის ქრისტიანი ქალს, ჰინდი კაბავატს, რომელიც ყოფილი ლიდერის, ბაშარ ალ-ასადის ოპოზიციის წარმომადგენელი იყო და რელიგიათაშორისი შემწყნარებლობისა და ქალთა გაძლიერებისთვის მუშაობდა. ჰინდი კაბავატი სირიის სოციალურ საკითხთა და შრომის მინისტრად დაინიშნა.
მთავრობას პრემიერ-მინისტრი არ ეყოლება. აღმასრულებელ ხელისუფლებას აჰმედ ალ-შარა უხელმძღვანელებს.
მედიის ინფორმაციით, სირიის ახალი ხელისუფლებას დასავლეთი და არაბული ქვეყნები მოუწოდებდნენ, ჩამოეყალიბებინა მთავრობა, რომელიც ქვეყნის მრავალფეროვანი ეთნიკური და რელიგიური თემებისგან იქნებოდა დაკომპლექტებული. ეს ზეწოლა გაიზარდა მას შემდეგ, რაც ასობით მშვიდობიანი მოქალაქე, რომლებიც ალავიტების სექტის წარმომადგენლები იყვნენ, სირიის დასავლეთ სანაპიროზე მიმდინარე თვეში განხორციელებულ ძალადობას ემსხვერპლა.
