!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთის ელჩს ვთხოვე სასაფლაოზე ამომყოლოდა, სადაც ნივთმტკიცებულება იყო" - აგვისტოს ომის უცნობი ამბები: რას იხსენებს გენერალი ყურაშვილი
10:15 / 29-03-2025
ოსების მოთხოვნა იყო, ვინმე მოვიდეს, მოგვხედოს, იმიტომ, რომ ქართველები გვასწორებენ მიწასთანო, გადაწყვეტილება მიიღეს, დიპლომატიური კორპუსისთვის მიემართათ. დაზუსტებით შემიძლია გითხართ, რომ რუსეთის ელჩი იქ იყო, ჩამობრძანებული იყო, მაგრამ არ შეუშვეს... რადგან ჩამობრძანებული იყვნენ, ხელიდან არ გავუშვით ეს შესაძლებლობა და ნიქოზში ავიყვანეთ, ვანახეთ დამწვარი სახურავები, გადამწვარი იყო სახლები, კატასტროფულ მდგომარეობაში იყო, - ამის შესახებ 2008 წლის აგვისტოს სამშვიდობო ოპერაციების შტაბის უფროსმა, გენერალმა მამუკა ყურაშვილმა განაცხადა.
- მას ამ წუთებში, „ნაციონალური მოძრაობის“ ხელისუფლების საქმიანობის შემსწავლელ პარლამენტის დროებით საგამოძიებო კომისიაში უსმენენ. ის დეტალურად ჰყვება 2008 წლის აგვისტოში განვითარებულ მოვლენებს.
"4 რიცხვში გაგრძელდა გააფთრებული შეტევა, ნიქოზში სახლები, სახურავები იწვის, კატასტროფული მდგომარეობაა, მიჭირს უკვე ამ ყველაფრის გაჩერება. ქართულმა მხარემ თავისი სიმართლე რომ დაამტკიცოს, გადაწყვეტილებას იღებს, თბილისში აკრედიტებულ ელჩებს სთხოვს, კონფლიქტის ზონის მიმართულებით გაემართონ - ეს არის 5 აგვისტო, პირველი ინიციატივა მათგან [მოწინააღმდეგე მხარისგან] მოდიოდა. ეს მოთხოვნა დაუკმაყოფილეს, დიპლომატების კოლონა მოაწყვეს. ოსების მოთხოვნა იყო, ვინმე მოვიდეს, მოგვხედოს, იმიტომ რომ ქართველები გვასწორებენ მიწასთანო, გადაწყვეტილება მიიღეს, დიპლომატიური კორპუსისთვის მიემართათ...
[მოწინააღმდეგე მხარემ] მსოფლიო საზოგადოებას მიმართა, რომ აუტანელ მდგომარეობაში არიან, ქართველები მიწასთან ასწორებენ და გვიშველეთო... არაფერი სანახავი არ ჰქონდათ და არ შეუშვეს, ერგნეთიდან გამოაბრუნეს - მაშინ იყო კოკოითის თანათავმჯდომარე ბორის ჩოჩიევი. ზუსტად ვერ გეტყვით, მაგრამ შემიძლია გითხრათ, ეს იყო პიკაპის ტიპის 16 მანქანისგან შემდგარი კოლონა. დაზუსტებით შემიძლია გითხართ, რომ რუსეთის ელჩი იქ იყო, ჩამობრძანებული იყო, მაგრამ არ შეუშვეს... რადგან ჩამობრძანებული იყვნენ, ხელიდან არ გავუშვით ეს შესაძლებლობა და ნიქოსში ავიყვანეთ, ვანახეთ დამწვარი სახურავები, გადამწვარი იყო სახლები, კატასტროფულ მდგომარეობაში იყო“, - განაცხადა ყურაშვილმა.
წულუკიანის კითხვაზე, ელჩებთან ერთად კიდევ ვინ იმყოფებოდა, გენერალმა უპასუხა, რომ ეკა ზღულაძეც იქ იყო.
"რუსეთის ელჩს ვთხოვ და ვეუბნები, ნიქოზში სასაფლაოზე ამომყვეს, სადაც ნივთმტკიცებულებაა, სასაფლაოა, რომელსაც რკინის ჯებირი აქვს, რკინის ჯებირზე მსხვილკალიბრიანი ტყვიამფრქვევის მორტყმული იყო, მინდოდა, ეს ფაქტი უშუალოდ ენახა...
ძალიან დიდი სიცხე იყო, ბევრმა დაიზარა, მაგრამ ეს შესაძლებლობა არ გავუშვი, რომ ეს ფაქტი დამემტკიცებინა, ძალიან ბევრი ელჩი იყო, არ დაიზარეს, ამოვიდნენ. ისეთი დომინირებული სიმაღლეა, ცხინვალის ნახევარი ჩანს... ბატონი ზაზა გოგავა იყო აქ, ამომწურავად ისაუბრა, პირდაპირ კონტაქტი მქონდა მასთან, მე სამხედრო ვარ და უშუალოდ ბატონ გენერალთან ვიყავი კონტაქტზე, ყოველი ტყვიის გასროლა, დაძაბულობა, დროები იწერებოდა“, - განაცხადა ყურაშვილმა.
კითხვაზე, თუ რა რეაგირება მოჰყვა ელჩების მხრიდან ნანახს, გენერალმა უპასუხა, რომ ყველაფერი ბრიუსელში იგზავნებოდა.
"ჩემთვის ამოსუნთქვა იყო, რომ ნახავდნენ, ბრიუსელში იგზავნებოდა, ამაზე რეაგირებები ხდებოდა. ნუ, როგორც ჩანს, საქმიდან გამომდინარე, უკურეაგირება მოჰყვა, სროლა გაიზარდა. 6-ში ორი კაპრალი დაგვეღუპა... დაძაბული ვითარება იყო, სროლების შედეგად, მათ შორის, მსხვილკალიბრიანი ჭურვების აფეთქების შედეგად, ერთი ადგილზე, საგუშაგოზე დაიღუპა, მეორე სისხლისგან დაიცალა...კულახმეტოვმა სამძიმარი არ მითხრა, ჩვენ ისეთი ურთიერთობა გვქონდა, რომ სამძიმარი უნდა ეთქვა. ორი ადამიანი გარდამეცვალა, არც მომისამძიმრა და არც საშუალება მომცა, დროზე დახმარება აღმომეჩინა, რომ გადამერჩინა. პასუხი რომ ვერ გამცა და ჩემს მოთხოვნას ვერ აკმაყოფილებდა, მიზეზად მოიყვანა, სროლის შედეგად ვიღაც დაიღუპაო, აღმოჩნდა, რომ არავინ დაღუპული არ იყო, ამოცანის შესრულებას აარიდა თავი. ეს იყო იმის ნიშანი, რომ მე მარტო ვიყავი... კიდევ ქვეითთა მანქანა იყო აფეთქებული“, - განაცხადა ყურაშვილმა.
- თეა წულუკიანის კითხვაზე, 7 აგვისტოს, როცა ის ადგილზე ჩავიდა, მიცვალებულები იქ დახვდა თუ არა, გენერალმა უპასუხა, რომ უკვე „გამოყვანილი იყო“, რასთან დაკავშირებითაც, მას წულუკიანმა მას ჰკითხა, მიიღო თუ არა აღნიშნულში მონაწილეობა.
„რას ჰქვია არ მიმიღია მონაწილეობა, აბა, ვინ გადაწყვიტა ეს, აბა კულახმეტოვმა რატომ გააგზავნა იქ და გამოუშვა, მონაწილეობა მივიღე ყველაფერში. ზურგზე არ შემომისვამს სამწუხაროდ მიცვალებულები და არ გამომიყვანია, აბა რას მეუბნებით, ვერ გავიგე, იქ უჩემოდ არაფერი წყდებოდა! ყველაფერს ვაკეთებდი, რომ სიტუაცია დამეშოშმინებინა, სხვა საშუალება მე არ მქონდა. 7-ში ჰოსპიტლიდან ჩავედი, უმაღლესი მთავარსარდალი იყო ჩამობრძანებული დაჭრილების სანახავად, დავხვდი და წავედი, სროლები შეწყვეტილი იყო“, - განაცხადა ყურაშვილმა.
კითხვაზე, თუ რა აუცილებლობა იყო მიხეილ სააკაშვილს ის დახვედროდა, გენერალმა უპასუხა, რომ „ბრძანება იყო“.
"ყველა ბრძანებას გენშტაბის უფროსისგან ვიღებდი. სროლები არ იყო, სიმშვიდე იყო 7-ში...კადრები ჩანს, როდის გადმოდის [სააკაშვილი] მანქანიდან, როდის ჯდება, ვინ მოჰყვება, დერეფანში სად შევდივართ, გამოვდივართ“, - განაცხადა ყურაშვილმა, რასაც წულუკიანმა რეპლიკით უპასუხა, რომ სააკაშვილი ისე ჩქარა დადიოდა, შეიძლება ოპერატორს ვერ მოესწრო გადაღება და იქვე დასძინა, რომ „ხანდახან თუ არ იხუმრებენ, არ გამოვა“.
"2008 წელთან დაკავშირებით, ჩემი თხოვნაა, ჰააგის ტრიბუნალიდან გამომდინარე, ქალბატონო თეა, ვალდებულება მაქვს, მოვედი, თავს არ ვარიდებ, მაგრამ კიდევ ერთი ვალდებულება მაქვს, საკუთარი თავი საფრთხეში არ ჩავიგდო. ამას მტერიც უყურებს, გამადიდებლით უყურებენ ამ ყველაფერს“, - განაცხადა გენერალმა, რაზეც მას წულუკიანი ჩაეკითხა, თუ ვისგან მოდიოდა საფრთხე. აღნიშნულს ყურაშვილმა უპასუხა, რომ „რუსეთიდან“.
„მარტო თქვენთვის შეიძლება არ მომდინარეობს, საქართველოა ოკუპირებული“, - მიმართა მას წულუკიანმა, რაზეც ყურაშვილმა უპასუხა, რომ მისი თხოვნაა, „აღნიშნულის განხილვაში განსაკუთრებულად ნუ შევიდოდნენ“, თუმცა, მას წულუკიანმა უთხრა, რომ მისთვის გარკვეული კითხვების დასმა მაინც მოუწევთ.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
