დღემ­დე თაღ­ლი­თო­ბის უამ­რა­ვი სქე­მა გა­შიფ­რუ­ლა, მაგ­რამ თა­ნა­მედ­რო­ვე ტექ­ნო­ლო­გი­ე­ბის გა­მო­ყე­ნე­ბით, ინ­ტერ­ნეტ სივ­რცე­ში თაღ­ლი­თე­ბი სულ ახალ-ახალ ხრი­კებს იგო­ნე­ბენ და არც მსხვერ­პლე­ბის პოვ­ნა უჭირთ. სიფრ­თხი­ლის­კენ მო­წო­დე­ბის მი­უ­ხე­და­ვად, სამ­წუ­ხა­როდ, ადა­მი­ა­ნე­ბი მა­ინც ებ­მე­ბი­ან ინ­ტერ­ნეტ აფე­რის­ტე­ბის მა­ხე­ში და ამი­ტო­მაც მთელ მსოფ­ლი­ო­ში და­ზა­რა­ლე­ბულ­თა რი­ცხვი ყო­ველ­დღი­უ­რად იზ­რდე­ბა. ინ­ტერ­ნეტ­თაღ­ლი­თო­ბის ფი­შინ­გი ჰქვია და ფი­შე­რე­ბი კარ­გი ფსი­ქო­ლო­გე­ბიც არი­ან, იცი­ან, რით მო­ხიბ­ლონ ადა­მი­ა­ნე­ბი და ინ­ტერ­ნეტ­მომ­ხმა­რებ­ლე­ბიც ამ მომ­ხიბ­ვლე­ლი წი­ნა­და­დე­ბით ინ­ტე­რეს­დე­ბი­ან, იოლი გზით გამ­დიდ­რე­ბის სურ­ვი­ლი უჩ­ნდე­ბათ და ამი­ტო­მაც ად­ვი­ლად ებ­მე­ბი­ან მათ მა­ხე­ში. საქ­მე იქამ­დე მი­დის, რომ თა­ვად აწ­ვდი­ან მათ სა­კუ­თარ სა­ბან­კო მო­ნა­ცე­მებს. უნდა გვახ­სოვ­დეს, თუ არ ვიქ­ნე­ბით ფრთხი­ლად, ნე­ბის­მი­ერ წამს შე­იძ­ლე­ბა დავ­ზა­რალ­დეთ და ამის ხელ­შემ­წყო­ბე­ბი ჩვენ თა­ვად ვი­ყოთ. რო­გორც წესი, გა­მოც­დი­ლი თაღ­ლი­თე­ბის­თვის პრობ­ლე­მას არ წარ­მო­ად­გენს ელ­ფოს­ტის პა­რო­ლის, სა­ბან­კო ბა­რა­თის ნომ­რის ან ინ­ტერ­ნეტ­ბან­კის მო­ნა­ცე­მე­ბის გა­გე­ბა თუ გა­ყალ­ბე­ბა. ისი­ნი ძი­რი­თა­დად ყალბ პლატ­ფორ­მებს იყე­ნე­ბენ და მათი იდენ­ტი­ფი­ცი­რე­ბა, დამ­ნა­შა­ვის კვალ­ზე გას­ვლა ურ­თუ­ლე­სია. ამი­ტო­მაც ფი­შინ­გი მა­ინც რჩე­ბა ინ­ტერ­ნე­ტის ერთ-ერთ ყვე­ლა­ზე სა­შიშ პრობ­ლე­მად. სწო­რედ ამი­ტომ ფი­შინგთან ბრძო­ლის ნაც­ვლად მის­გან თავ­დაც­ვას უფრო გვირ­ჩე­ვენ. მა­გა­ლი­თად, როცა რო­მე­ლი­მე ყიდ­ვა-გა­ყიდ­ვის სა­იტ­ზე გან­ცხა­დე­ბას ტვირ­თავ, სა­ი­ტის ად­მი­ნის­ტრა­ცია გა­ტყო­ბი­ნებს ამ საფრ­თხის შე­სა­ხებ, რად­გან თაღ­ლი­თე­ბი აქ­ტი­უ­რად იყე­ნე­ბენ სწო­რედ ყიდ­ვა- გა­ყიდ­ვის სხვა­დას­ხვა სა­ი­ტებს, ასე­ვე "ვო­ცაპს", "ვა­ი­ბერს", სო­ცი­ა­ლურ ქსე­ლებს...

ჩვე­ნი რეს­პონ­დენ­ტი ამ­ბობს, რომ ბოლო დროს ფი­შე­რე­ბი ძა­ლი­ან გა­აქ­ტი­უ­რე­ბუ­ლე­ბი არი­ან და თა­ვი­სი ის­ტო­რია მოგ­ვიყ­ვა:

"მინ­დამ მო­გიყ­ვეთ ახა­ლი თაღ­ლი­თუ­რი სქე­მის შე­სა­ხებ, რო­მელ­ში გახ­ვე­ვა მეც და­მი­პი­რეს, თუმ­ცა არ გა­ვე­ბი. თქვენ­თან მო­მარ­თვის მი­ზა­ნი ერ­თია, მინ­და სხვე­ბიც გა­ვაფრ­თხი­ლო. თუ თქვენ გაქვთ გა­კე­თე­ბუ­ლი გან­ცხა­დე­ბა პრეს­ტი­ჟუ­ლი ქო­ნე­ბის გა­ყიდ­ვა­ზე, სიფრ­თხი­ლით უნდა მო­ე­კი­დოთ თი­თო­ე­ულ შე­მო­სულ ინ­ფორ­მა­ცი­ას და სა­ტე­ლე­ფო­ნო ზარს. მე პი­რა­დად მქონ­და გან­ცხა­დე­ბა და­დე­ბუ­ლი ყიდ­ვა გა­ყიდ­ვის ერთ-ერთ სა­იტ­ზე და მი­ვი­ღე შე­ტყო­ბი­ნე­ბა ფოს­ტა­ზე, რომ სურ­დათ ჩემი ბი­ნის შე­ძე­ნა. ის პირი გა­მეც­ნო რო­გორც უკ­რა­ი­ნე­ლი სამ­ხედ­რო მა­ღალ­ჩი­ნო­სა­ნი. როცა დავ­გუ­გ­ლე ინ­ტერ­ნეტ­ში, მისი სა­ხე­ლი და გვა­რი ძა­ლი­ან მარ­ტი­ვად იძებ­ნე­ბო­და ინ­ტერ­ნეტ­ში, ასე­ვე "იუ­თუბ­ზე" და ვი­კი­პე­დი­ა­შიც. მან მომ­წე­რა, რომ და­ინ­ტე­რე­სე­ბუ­ლი იყო სა­ქარ­თვე­ლო­ში ინ­ვეს­ტი­რე­ბით და სურ­და ჩემი ბინა ეყი­და. ასეთ დროს ბუ­ნებ­რი­ვია ადა­მი­ა­ნი თან­ხმდე­ბი, მზად ხარ მი­ყი­დო შენი უძ­რა­ვი ქო­ნე­ბა. მეც და­ვე­თან­ხმე, ამ დროს მის­გან, რო­მე­ლიც ფე­ი­კი ადა­მი­ა­ნი აღ­მოჩ­ნდა, მი­ვი­ღე ასე­თი წი­ნა­და­დე­ბა, რომ მას სურ­და სა­ქარ­თვე­ლო­ში დიდი თან­ხის ინ­ვეს­ტი­რე­ბა და ის მზად იყო რამ­დე­ნი­მე მი­ლი­ო­ნი გა­მო­ეგ­ზავ­ნა ნაღ­დი ფუ­ლის სა­ხით დიპ­ლო­მა­ტი­უ­რი ფოს­ტით ჩემს სა­ხელ­ზე, ხოლო შემ­დგომ­ში თვი­თონ ჩა­მო­ვი­დო­და და ჩემს მიერ შე­თა­ვა­ზე­ბულ ბიზ­ნე­სებ­ში ინ­ვეს­ტი­რე­ბას გა­ა­კე­თებ­და, მე კი ამ ბიზ­ნე­სებ­ში წილს და ხელ­ფასს მი­ვი­ღებ­დი. ის მე­უბ­ნე­ბო­და, რომ იყო უკ­რა­ი­ნე­ლი, რო­მე­ლიც გა­მეც­ნო რო­გორც სამ­ხედ­რო პირი, ჩემს შემ­თხვე­ვა­ში კი­რი­ლო ბუ­და­ნო­ვი იყო, უკ­რა­ი­ნის სამ­ხედ­რო დაზ­ვერ­ვის უფ­რო­სი, რო­მელ­მაც მომ­წე­რა ისიც, რომ ის ფრონ­ტი ხაზ­ზეა და მას არ აქვს შე­საძ­ლებ­ლო­ბა ტე­ლე­ფონ­ზე ან ვი­დეო ზა­რით სა­უბ­რის.

ამის შემ­დეგ მე­ილ­ზე თაღ­ლი­თის­გან მი­ვი­ღე მო­რი­გი შე­ტყო­ბი­ნე­ბა, რომ ის იყე­ნებს თა­ვის გავ­ლე­ნებს და დიპ­ლო­მა­ტი­უ­რი ფოს­ტით აგ­ზავ­ნის ამ მი­ლი­ო­ნებს ჩემ­თან, ხოლო ჩემი, რო­გორც მიმ­ღე­ბი პი­რის ვალ­დე­ბუ­ლე­ბა იყო 1300 დო­ლა­რი გა­და­მე­ხა­და სა­ბა­ჟო პრო­ცე­დუ­რე­ბის და­სას­რუ­ლებ­ლად. ხშირ შემ­თხვე­ვა­ში ეს თან­ხა 5000 დო­ლა­რამ­დე მერ­ყე­ობს. ისი­ნი იყე­ნე­ბენ https://skywestdeliveryexpressltd.com/ რო­გორც გა­დამ­ზი­დავს, რო­მე­ლიც შე­საძ­ლოა მათი თაღ­ლი­თუ­რი სქე­მის ნა­წი­ლიც არის. ამ გა­დამ­ზი­და­ვი კომ­პა­ნი­ის­გან მი­ვი­ღე ტვირ­თის გა­მოგ­ზავ­ნის ტრე­კინგ ნო­მე­რიც, რომ­ლის მეშ­ვე­ო­ბი­თაც ადა­მი­ა­ნი დარ­წმუნ­დე­ბი, რომ თქვენ სა­ხელ­ზე 100 კგ-ზე მეტი ტვირ­თია გა­მოგ­ზავ­ნი­ლი და გა­ჩე­რე­ბუ­ლია თან­ხის გა­და­უხ­დე­ლო­ბის გამო.

რო­გორც კი თქვენ ფულს გა­და­რი­ცხავთ თაღ­ლი­თე­ბის მიერ გა­მოგ­ზავ­ნილ სა­ბან­კო რეკ­ვი­ზი­ტებ­ზე, თქვენ­თან კო­მუ­ნი­კა­ცია შე­წყდე­ბა, ტვირ­თი აორ­თქლდე­ბა. ამი­ტომ მივ­მარ­თავ სა­ზო­გა­დო­ე­ბას, თავს გა­უფრ­თხილ­დით, არ გა­ე­ბათ ამ თაღ­ლი­თო­ბა­ში.

მე, რა თქმა უნდა, ყვე­ლა მე­ი­ლი ხელთ მაქვს, ჩემს შემ­თხვე­ვა­ში რო­გორც უკვე აღ­ვნიშ­ნე, კი­რი­ლო ბუ­და­ნო­ვის, უკ­რა­ი­ნის სამ­ხედ­რო დაზ­ვერ­ვის უფ­რო­სის სა­ხე­ლით მე­სა­უბ­რე­ბოდ­ნენ, აქ ფსი­ქო­ლო­გი­აც არის გა­მო­ყე­ნე­ბუ­ლი. ამ კაც­თან სა­ერ­თოდ კო­მუ­ნი­კა­ცი­ა­ში რომ შე­დი­ხარ, რუ­სე­ბის მტე­რი ხარ. მო­მა­ვალ­ში ამის ხმა­მაღ­ლა თქმაც კი არ შე­გიძ­ლია. ფუ­ლიც არ არის ამ­ხე­ლა, რომ ყვი­რი­ლი ატე­ხო და გრცხვე­ნია ადა­მი­ანს იმის აღი­ა­რე­ბაც, რომ მო­გა­ტყუ­ეს, ამ მა­ხე­ში გა­ე­ბი და ამა­ზეც ხმა­მაღ­ლა ვერ სა­უბ­რობ. მათი სქე­მა საკ­მა­ოდ კარ­გად არის დახ­ვე­წი­ლი, რომ ეჭვი არა­ფერ­ში შე­ი­ტა­ნო. აქვთ ამ პი­როვ­ნე­ბის პას­პორ­ტი, რო­მელ­საც ასე­ვე გიგ­ზავ­ნი­ან. გიგ­ზავ­ნი­ან ან­გა­რი­შის ნო­მერს, სა­დაც თან­ხა უნდა ჩა­რი­ცხო. მოკ­ლედ მთე­ლი სცე­ნა­რია შე­მუ­შა­ვე­ბუ­ლი, რომ ად­ვი­ლად მო­ტყუვ­დე. ჩემს შემ­თხვე­ვა­ში პა­სუ­ხე­ბი დაგ­ვი­ა­ნე­ბით მო­დი­ო­და და ამის მი­ზე­ზად საბ­რძო­ლო მოქ­მე­დე­ბე­ბის ინ­ტენ­სი­ვო­ბას ასა­ხე­ლებ­და ის, ესეც იმი­ტომ კეთ­დე­ბო­და, რომ ეჭვი არა­ფერ­ში შე­მე­ტა­ნა.

მე პირ­ვე­ლი­ვე მე­ი­ლი­დან შე­ვი­ტა­ნე ეჭვი მას­ში, თა­ვი­დან პრან­კი მე­გო­ნა, (სა­ტე­ლე­ფო­ნო ხუ­ლიგ­ნო­ბის სა­ხე­ო­ბა - ავტ. ) მერე მალე მივ­ხვდი, რომ ფრო­დი (სა­კო­მუ­ნი­კა­ციო მომ­სა­ხუ­რე­ბა­ში არ­სე­ბუ­ლი თაღ­ლი­თუ­რი ქმე­დე­ბე­ბი - ავტ.) იყო და მაქ­სი­მა­ლუ­რად შევ­ყე­ვი, რომ ბო­ლომ­დე გა­მე­გო ყვე­ლა­ფე­რი. ვფიქ­რობ, ბევრ ქარ­თველს გა­ა­ტყა­ვე­ბენ ისი­ნი, ამი­ტომ გა­დავ­წყვი­ტე ამა­ზე ხმა­მაღ­ლა მე­სა­უბ­რა და მინ­და მივ­მარ­თო ადა­მი­ა­ნებს, რომ იყ­ვნენ ძა­ლი­ან ფრთხი­ლად, არ გა­ე­ბან ამ ადა­მი­ა­ნის და მსგავ­სი თაღ­ლი­თე­ბის მა­ხე­ში".

თაღ­ლი­თურ სქე­მებ­ზე კო­მენ­ტა­რი ვთხო­ვე ად­მი­ნის­ტრა­ცი­ულ, სა­მო­ქა­ლა­ქო საქ­მე­თა და ბავ­შვთა უფ­ლე­ბებ­ში სპე­ცი­ა­ლი­ზე­ბულ ად­ვო­კატს ნუგ­ბა­რა როს­ტი­აშ­ვილს. მისი თქმით, სა­ქარ­თვე­ლო­ში ამ გზით და­ზა­რა­ლე­ბუ­ლი უამ­რა­ვი ადა­მი­ა­ნია. თა­ვად მა­საც მო­უ­წია რამ­დე­ნი­მე და­ზა­რა­ლე­ბუ­ლის დაც­ვა.

ად­ვო­კა­ტი ნუგ­ბა­რა როს­ტი­აშ­ვი­ლი:

- თაღ­ლი­თე­ბი ხში­რად იმ სა­ი­ტებ­ზე უსაფ­რდე­ბი­ან ადა­მი­ა­ნებს, რომ­ლებ­ზეც ყიდ­ვა-გა­ყიდ­ვის გან­ცხა­დე­ბე­ბი იტ­ვირ­თე­ბა და მერე იწყე­ბენ განმცხა­დებ­ლე­ბის წა­მო­გე­ბას ან­კეს­ზე. მე ვი­ცავ­დი ადა­მი­ანს, რო­მელ­საც გა­უგ­ზავ­ნეს ლინ­კი, მას ჰქონ­და ასე­თი მი­ნა­წე­რი, "ეს ბინა შე­ნია?" გა­და­ვი­და ამ ლინკზე გა­უც­ნო­ბი­ე­რებ­ლად და მო­ი­პო­ვეს წვდო­მა მის მო­ნა­ცე­მებ­თან.

რაც შე­ე­ხე­ბა იმ ამ­ბავს, რა­ზეც თქვე­ნი რეს­პონ­დენ­ტი სა­უბ­რობს, ძა­ლი­ან კარ­გია, რომ ის დრო­უ­ლად გა­ერ­კვა სი­ტუ­ა­ცი­ა­ში და არ და­ზა­რა­ლე­ბუ­ლა, მაგ­რამ მას ვურ­ჩევ მა­ინც მი­მარ­თოს პო­ლი­ცი­ას და მი­ა­წო­დოს ეს ინ­ფორ­მა­ცია. გა­დას­ცეს ის მო­ნა­ცე­მე­ბი, რაც მას ხელთ აქვთ, უთხრას, რომ ასე­თი ტი­პის და­ნა­შა­ულს ჰქონ­და ად­გი­ლი, თუკი მსგავ­სი გან­ცხა­დე­ბით იგი­ვე პი­როვ­ნე­ბა­ზე სხვა­საც აქვს მი­მარ­თუ­ლი, შე­იძ­ლე­ბა სხვას გა­მო­ად­გეს ეს მა­სა­ლე­ბი და და­დას­ტურ­დეს, რომ ეს არის ორ­გა­ნი­ზე­ბუ­ლი და­ნა­შა­უ­ლი, რის ნიშ­ნე­ბიც აშ­კა­რად ჩანს, რად­გან ზედ­მე­ტად კარ­გად აქვთ შე­ფუ­თუ­ლი თაღ­ლი­თო­ბის სქე­მა. საკ­მა­ოდ გავ­რცე­ლე­ბუ­ლი ხრი­კია ცნო­ბი­ლი ადა­მი­ა­ნე­ბის გვარ-სა­ხე­ლე­ბის გა­მო­ყე­ნე­ბაც, რა­საც ამ, კონ­კრე­ტულ შემ­თხვე­ვა­შიც ჰქონ­და ად­გი­ლი. სხვა­თა შო­რის, ხში­რად სწო­რედ უკ­რა­ი­ნე­ლე­ბი და რუ­სე­ბი არი­ან მსგავ­სი ფი­შინგ სქე­მე­ბის დამ­ფუძ­ნებ­ლე­ბი და ხელ­შემ­წყო­ბე­ბი. თუ რამ­დე­ნი­მე მსგავ­სი ქე­ი­სის მა­სა­ლე­ბის შეგ­როვ­და, სის­ხლის სა­მარ­თლის საქ­მის აღ­ძვრა იქ­ნე­ბა შე­საძ­ლე­ბე­ლი. გარ­და ამი­სა, ფი­შინ­გის სხვა ბევ­რი სა­ხე­ო­ბაც არის ცნო­ბი­ლი, რამ­დე­ნა­დაც ვი­თარ­დე­ბა ტექ­ნი­კა და ინ­ტერ­ნეტსფე­რო, უფრო და უფრო ხვე­წა­ვენ ისი­ნი სქე­მებს, ამი­ტომ ძა­ლი­ან ფრთხი­ლად უნდა ვი­ყოთ.

ბევ­რი და­უც­ვე­ლი შე­ტყო­ბი­ნე­ბა მო­დის ფოს­ტა­ზეც, ამი­ტომ უნდა გვახ­სოვ­დეს, რომ უცხო ლინ­კი არ უნდა გახ­სნა, თო­რემ შე­იძ­ლე­ბა ავ­ტო­მა­ტუ­რად და­დას­ტურ­დეს შენი ინ­ფორ­მა­ცია. ასე­ვე ბა­რა­თე­ბის მო­ნა­ცე­მე­ბი გუ­გლ­ში არ უნდა და­ი­მახ­სოვ­როთ!

ასე­თი ფაქ­ტიც იყო, ჩემი კლი­ენ­ტი ყიდ­და "აი­ფო­ნის" ტე­ლე­ფონს, და­უ­კავ­შირ­დნენ, უთხრეს, რომ უცხო­ე­თი­დან ური­ცხავ­დნენ თან­ხას, გიგ­ზავ­ნით ლინკს, ამა­ზე თქვე­ნი თან­ხმო­ბაა სა­ჭი­რო, ბა­რა­თის მო­ნა­ცე­მე­ბი უნდა შე­იყ­ვა­ნო­თო, ესეც მო­ტყუვ­და, შე­იყ­ვა­ნა ბა­რა­თის მო­ნა­ცე­მე­ბი და მის ან­გა­რიშ­ზე არ­სე­ბუ­ლი 1500 ლა­რამ­დე თან­ხა მა­შინ­ვე მოხ­სნეს მისი ან­გა­რი­ში­დან და გა­და­რი­ცხეს ერთ-ერთი ცნო­ბი­ლი ქარ­თუ­ლი ბან­კის ან­გა­რიშ­ზე, ჩა­ე­რი­ცხა კონ­კრე­ტულ პი­როვ­ნე­ბას. უფრო მე­ტიც, ძა­ლი­ან სწრა­ფად ამ ადა­მი­ა­ნის ან­გა­რი­ში­დან სა­ბან­კო სეს­ხი, 9500 ლა­რიც გა­ი­აქ­ტი­უ­რეს და ეს თან­ხაც გა­და­რი­ცხეს ისევ იმა­ვე ბან­კში, იმა­ვე პი­რის ან­გა­რიშ­ზე. მა­შინ­ვე და­რე­კა ამ ქალ­ბა­ტონ­მა ბან­კში, როცა მისი ან­გა­რი­ში­დან თან­ხა მო­იხ­სნა და მო­ი­თხო­ვა ან­გა­რი­შის დაბ­ლოკ­ვა, მაგ­რამ ბან­კის­გან მი­ი­ღო უარი, უთხრეს, რომ ფი­ზი­კუ­რი პი­რის ან­გა­რიშს ვერ დაბ­ლო­კავ­დნენ. ამა­სო­ბა­ში ვიდ­რე ამას არ­კვევ­და ბან­კის თა­ნამ­შრო­მელ­თან, უკვე 9500 ლა­რი­ა­ნი სეს­ხი გა­აქ­ტი­უ­რეს და დას­ვეს იმა­ვე ან­გა­რიშ­ზე. ესეც უთხრა, მაგ­რამ მა­ინც არ და­იბ­ლო­კა იმ კა­ცის ან­გა­რი­ში. ჩვენ მივ­მარ­თეთ სა­სა­მარ­თლოს და მო­ვი­თხო­ვეთ ამ თან­ხე­ბის უკან დაბ­რუ­ნე­ბა. ყვე­ლა­ზე ცუდი, რაც იყო ჩვენს შემ­თხვე­ვა­ში, ბან­კმა ამ ქალ­ბა­ტონს მოს­თხო­ვა იმ გა­და­რი­ცხუ­ლი სეს­ხის თან­ხა თა­ვად სას­წრა­ფოდ და­ე­ფა­რა. მას მო­უ­წია ამ სეს­ხის და­ფარ­ვაც, ორ­მა­გად და­ზა­რალ­და ეს ადა­მი­ა­ნი და და­ი­წყო ბრძო­ლა სა­სა­მარ­თლო­ში. რო­გორც წესი, ასე­თი თაღ­ლი­თუ­რი სქე­მე­ბის დროს ძი­რი­თა­დად უცხო­ურ ან­გა­რი­შებს იყე­ნე­ბენ და იქ კვალ­ზე გას­ვლა ძა­ლი­ან ჭირს. ჩვენს შემ­თხვე­ვა­ში თაღ­ლი­თი სა­ქარ­თვე­ლო­ში იყო, იმა­ვე ბან­კში ჰქონ­და თაღ­ლით­საც ან­გა­რი­ში გახ­სნი­ლი, სა­ი­და­ნაც ამ ქალ­ბა­ტონს თან­ხა მო­უხ­სნეს, ამი­ტომ ამ ბანკს ჩვენ ვე­და­ვე­ბო­დით იმა­საც, რომ ის პირი იყო მისი მომ­ხმა­რე­ბე­ლი...

- რად­გან ქარ­თუ­ლი ბან­კის კონ­კრე­ტუ­ლი პი­რის ან­გა­რიშ­ზე ჩა­ი­რი­ცხა ის 9500 ლარი, ალ­ბათ პრობ­ლე­მა არ იყო გა­მოვ­ლე­ნა დამ­ნა­შა­ვის და მის­გან ამ თან­ხის ამო­ღე­ბა...

- ჩვენ ვი­ჩივ­ლეთ სა­სა­მარ­თლო­ში და ბან­კის­გან ვი­თხოვ­დით ამ თან­ხის დაბ­რუ­ნე­ბას, რად­გან იმა­ვე წუ­თას შე­ა­ტყო­ბი­ნა ქალ­ბა­ტონ­მა ბანკს, აც­ნო­ბა ისიც, ვის­თა­ნაც იყო თან­ხა ჩა­რი­ცხუ­ლი და მო­ი­თხო­ვა მისი ან­გა­რი­შის დაბ­ლოკ­ვა. კომ­პი­უ­ტე­რულ მო­ნა­ცე­მებ­ში შეღ­წე­ვა სის­ხლის სა­მარ­თლის და­ნა­შა­უ­ლია, მაგ­რამ ამ შემ­თხვე­ვა­შიც ზა­რა­ლის ანა­ზღა­უ­რე­ბა თუ გინ­და, მა­ინც სა­მო­ქა­ლა­ქო წე­სით უნდა მო­ი­თხო­ვო ამის ანა­ზღა­უ­რე­ბა... გი­წევს ბა­ჟის გა­დახ­და, სა­სა­მარ­თლო­ში სარ­ჩე­ლის შე­ტა­ნა და სა­მო­ქა­ლა­ქო გზით დავა სა­სა­მარ­თლო­ში, რომ და­იბ­რუ­ნო შენ­თვის წარ­თმე­უ­ლი თან­ხა. სამ­წუ­ხა­როდ, ხში­რად ამას უკან ვერ იბ­რუ­ნებ, რო­გორც წესი, ეს გა­და­რი­ცხუ­ლია უცხო­ურ ან­გა­რი­შებ­ზე. ჩვენ რომ ვი­ჩივ­ლეთ სა­სა­მარ­თლო­ში, ბუ­ნებ­რი­ვია არ გა­ჭირ­და იმ პი­რის იდენ­ტი­ფი­ცი­რე­ბა. სა­სა­მარ­თლო პრო­ცეს­ზე მო­ვი­და ის პირი, ვის სა­ხელ­ზეც იყო გა­და­რი­ცხუ­ლი ეს თან­ხე­ბი და აღ­მოჩ­ნდა შშმ პირი. აშ­კა­რად თაღ­ლი­თი იყო, ასე ჰქონ­დათ ეს სქე­მა შე­ფუ­თუ­ლი. პრო­ცეს­ზე მოყ­ვა მე­უღ­ლე, რო­მე­ლიც ამ­ტკი­ცებ­და, რომ მის ქმარს ეს არ ჩა­უ­დე­ნია, მას ცალი ხელი არ ჰქონ­და, ცოლი ასე­ვე ამ­ტკი­ცებ­და, ჩემს ქმარს ლა­პა­რა­კის უნა­რიც არ აქვს და მის ან­გა­რიშ­ზე არა­ნა­ი­რი თან­ხა არ ჩა­რი­ცხუ­ლი­აო. რე­ა­ლუ­რად ისი­ნი იტყუ­ე­ბოდ­ნენ. ტრან­ზაქ­ცია მას­თან შე­ვი­და... ამ საქ­მის გან­ხილ­ვა სა­სა­მარ­თლო­ში არ გაგ­რძე­ლე­ბუ­ლა, რად­გან აშ­კა­რად თა­ვად ბანკს არ უნ­დო­და ამ საქ­მე­ზე სა­სა­მარ­თლოს გა­და­წყვე­ტი­ლე­ბის დად­გო­მა, ამით შე­იქ­მნე­ბო­და სა­სა­მარ­თლო პრე­ცე­დენ­ტი და შემ­დეგ სხვა მო­ქა­ლა­ქე­ებს, რომ­ლე­ბიც ამ გზით და­ზა­რალ­დე­ბი­ან, ექ­ნე­ბო­დათ ხელთ ეს პრე­ცე­დენ­ტუ­ლი გა­ნა­ჩე­ნი და მო­ი­თხოვ­დნენ ისი­ნიც ანა­ლო­გი­უ­რად და­კარ­გუ­ლი თან­ხის დაბ­რუ­ნე­ბას. ამი­ტომ სა­სა­მარ­თლოს ვერ­დიქ­ტი არ აწყობ­და ბანკს, შე­სა­ბა­მი­სად, სარ­ჩე­ლი გა­მოგ­ვა­ტა­ნი­ნეს და აგ­ვი­ნა­ზღა­უ­რეს ზა­რა­ლი სრუ­ლად, ბა­ჟიც და­ვიბ­რუ­ნეთ.

მოკ­ლედ, თუ იჩივ­ლებ, მტკი­ცე­ბის ტვირ­თი მერე შენ­ზეა და ძა­ლი­ან რთუ­ლია ამ­ტკი­ცო შენი სი­მარ­თლე. მა­გა­ლი­თად, პი­რა­დად მეც ყო­ველ­თვის ვფრ­თხი­ლობ, თუ რა­მეს ვყი­დუ­ლობ ინ­ტერ­ნე­ტით, მა­ში­ნაც ვცდი­ლობ ისე­თი ბა­რა­თის მო­ნა­ცე­მე­ბი მი­ვუ­თი­თო, რო­მელ­საც ძი­რი­თად ბა­რა­თად არ ვი­ყე­ნებ, რომ უფრო მე­ტად ვიყო და­ცუ­ლი. ყვე­ლა სა­ბან­კო და­წე­სე­ბუ­ლე­ბა, როცა გაძ­ლევს ბა­რათს, გაფრ­თხი­ლებს, რომ ეს პი­რა­დი მო­ნა­ცე­მე­ბი და­იც­ვა და თუკი შენ ვი­ღაც მე­სა­მე პირს გა­ან­დობ შენი ბა­რა­თის მო­ნა­ცე­მებს, ამა­ზე პა­სუ­ხის­მგე­ბე­ლი ბან­კი აღარ იქ­ნე­ბა.

ბევ­რი შემ­თხვე­ვაა ასე­თი - ტექ­ნი­კას როცა ყი­დის ადა­მი­ა­ნი, ამ დროს მო­დის შე­ტყო­ბი­ნე­ბა, ვყი­დუ­ლობ და და­მი­დას­ტუ­რეო, გა­და­დი­ხარ რა­ღაც ლინკზე და უცებ თან­ხას გაჭ­რის, რის კვალს ვე­ღარ აგ­ნებ. ათას­ნა­ი­რი სქე­მე­ბია, მა­გა­ლი­თად არის კი­დევ ასე­თი სქე­მა, ელექტრო­ნუ­ლი ფოს­ტით ერთი და იმა­ვე ში­ნა­არ­სის უამ­რავ წე­რილს აგ­ზავ­ნი­ან. ად­რე­სა­ტე­ბი შემ­თხვე­ვი­თი ადა­მი­ა­ნე­ბი არი­ან. წე­რი­ლი შე­ი­ცავს გაფრ­თხი­ლე­ბას მო­ნა­ცე­მე­ბის გა­ნახ­ლე­ბის აუ­ცი­ლებ­ლო­ბის შე­სა­ხებ და გა­და­დი­ხარ ყალ­ბი ინ­ტერ­ნეტ­გვერ­დის ბმულ­ზე, რო­მე­ლიც ვი­ზუ­ა­ლუ­რად ნამ­დვი­ლის იდენ­ტუ­რია. წე­რი­ლის მიმ­ღებ­თა უმე­ტე­სო­ბა ყუ­რა­დღე­ბას არ აქ­ცევს მცი­რედ გან­სხვა­ვე­ბას. ფი­შე­რი ამ გზე­ბით იგებს მომ­ხმა­რებ­ლის სა­ხელს, პა­როლს, სა­ბან­კო ან­გა­რი­ში­სა და ბა­რა­თის ნო­მერს და მთა­ვარ მოქ­მე­დე­ბა­ზეც გა­და­დის. ქსე­ლი მთელ მსოფ­ლი­ო­შია მო­დე­ბუ­ლი და ვე­რას­დროს გა­ი­გებ წე­რილს სა­ი­დან გიგ­ზავ­ნი­ან. ამი­ტომ არ გა­დახ­ვი­დეთ სა­ეჭ­ვო ბმუ­ლებ­ზე. ყუ­რა­დღე­ბით და­აკ­ვირ­დი იმ ვებგ­ვერ­დის მი­სა­მართს, სა­დაც პა­რო­ლი შეგ­ყავს. ზო­გი­ერთ შემ­თხვე­ვა­ში, გა­ყალ­ბე­ბუ­ლი მი­სა­მარ­თი შე­იძ­ლე­ბა მხო­ლოდ ერთი სიმ­ბო­ლო­თი გან­სხვავ­დე­ბო­დეს ნამ­დვი­ლის­გან. არა­ვის გა­დას­ცეთ თქვე­ნი ინ­ტერ­ნეტ და სა­ბან­კო მო­ნა­ცე­მე­ბი ტე­ლე­ფო­ნის ან ელექტრო­ნუ­ლი ფოს­ტის მეშ­ვე­ო­ბით; და­ეჭ­ვე­ბის შემ­თხვე­ვა­ში აუ­ცი­ლებ­ლად და­უ­კავ­შირ­დით თქვენს ბანკს, ხოლო თუ ამას ვერ ახერ­ხებთ, ნე­ბის­მი­ერ დროს შე­გიძ­ლი­ათ შეც­ვა­ლოთ პა­რო­ლი, რო­მე­ლიც სა­სურ­ვე­ლია, ციფ­რე­ბის, ასო­ე­ბი­სა და სიმ­ბო­ლო­ე­ბის კომ­ბი­ნა­ცი­ას წარ­მო­ად­გენ­დეს; კარ­გად და­აკ­ვირ­დით ელექტრო­ნუ­ლი ფოს­ტით მო­სუ­ლი ბმუ­ლის ბრა­უ­ზერ­ში მი­თი­თე­ბულ მი­სა­მართს. ნუ შეხ­ვალთ მო­უ­ლოდ­ნე­ლად ამომხტარ მო­ციმ­ცი­მე ბმუ­ლებ­ში. გა­მო­ი­ჩი­ნეთ სიფრ­თხი­ლე!