მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გარდაცვლილია ყველასთვის საყვარელი პედაგოგი და მის დატირებას ვერ ახერხებს 14 წლის შვილი" - რას ჰყვება მოქალაქე გურიიდან
11:40 / 27-02-2025
ლანჩხუთის მუნიციპალიტეტში, სოფელ ჭანჭათში მცხოვრები მოსახლეობა დახმარებას ითხოვს. სოციალურ ქსელში არაერთი ადგილობრივის თხოვნა გავრცელდა და მოხალისეებისგან და ხელისუფლებისგან დახმარებას ამ დრომდე ელოდებიან.
- როგორც ჩვენთან საუბარში ანუკა ოდიშელიძე ამბობს, სოფელში გარდაცვლილია ყველასათვის საყვარელი პედაგოგი, თამარ ნინიძე და საკუთარი შვილის ცხედრის დატირებას ამ დრომდე ვერ ახერხებს მისი ასაკოვანი დედა, და და 14 წლის შვილი.
ისინი სხვა სოფლიდან გამოსვლას და გარდაცვლილის სახლში მისვლას ვერ ახერხებენ.
ანუკა ოდიშელიძე:
- ჩემი ოჯახია იმ სოფელში ჩარჩენილი, სადაც არის მიცვალებული. ლანჩხუთის რაიონი სოფელი ჭანჭათში იმყოფება ყველასათვის საყვარელი ქალბატონის, თამარ ნინიძის ცხედარი. გახლავთ პედაგოგი, მათემატიკის მასწავლებელი, რომელიც ყველას ძალიან უყვარს. ავადობდა ქალბატონი თამარი და დიდთოვლობამდე გადაყვანილი იყო ბათუმში, კლინიკაში, სადაც სამწუხაროდ 24 თებერვალს გარდაიცვალა. სოფელში უკვე 2 მეტრი თოვლი იყო, მის სახლამდე მისასვლელი გზა გაუკვალავი და ადგილობრივმა ბიჭებმა ფეხით იარეს ამ გაუკვალავ გზაზე და ძლივს მოიყვანეს გარდაცვლილი სახლში. მაშინაც ვითხოვდით გზის გაწმენდას, მაგრამ ვერ გაიწმინდა გზა. ერთი კილომეტრი გაუკვალავ გზაზე იარეს ბიჭებმა და ჩვენი საყვარელი მასწავლებელი მიასვენეს სახლში.
თამარ ნინიძეს ყველა იცნობს გურიის სამივე რაიონში, ლანჩხუთში, ჩოხატაურში და ოზურგეთში, იმდენად ცნობილი მასწავლებელი იყო და ყველას ძალიან უყვარდა. ზუსტი ასაკი არ ვიცი, ალბათ 55 წლამდე იქნება. სახლშია დასვენებული და სახლშია მხოლოდ მისი მეუღლე. სხვა ოჯახის წევრები რამდენიმე დღეა სახლამდე მისვლას ვერ ახერხებენ. ქალბატონი თამარის ერთადერთი 14 წლის შვილი ოზურგეთის სოფელ ნაგომარში იყო ბებოსთან და დეიდასთან ერთად. ამ ტრაგედიის შემდეგ ცდილობენ იქ მისვლას, მაგრამ ვერ ახერხებენ უგზოობის გამო. დედა ასაკოვანია და ფეხით გადაადგილებას ვერ შეძლებს.
როგორც ვიცი, მათ სახლამდეც გზა გაუკვალავია. ნაგომარში მაღლა ცხოვრობენ, იქაც ორ მეტრამდე თოვლია და ვეღარ გამოაღწიეს იქიდან. ჭანჭათში საერთოდ გაუკვალავია გზა, გაწმენდილი არ არის, ვერც სასაფლაომდე მისასვლელი გზა არის გაწმენდილი. ასეთი მძიმე ვითარებაა და ვითხოვთ დახმარებას. მოხალისეთა ჯგუფებში დავწერეთ და იქნებ გამოჩნდეს ვინმე, ვინც ამ ოჯახს დაეხმარება, რომ ჭირისუფალმა სახლამდე მისვლა შეძლოს. დღესაც ვესაუბრე დილის 9 საათიც არ იყო გამგებელს, მითხრა, ტრაქტორიც რომელიც გამოგზავნეს გაგვიფუჭდაო და შუა დღიდან ალბათ შევუდგებით გზის გაწმენდასო. გზის წმენდა გვერდითა სოფლებიდან უნდა დაიწყოს, რომ ჩვენამდე მოვიდნენ. სანამ დაკრძალვის საკითხი მოგვარდება, ჭირისუფალმა ხომ უნდა შეძლოს ერთად ყოფნა და გარდაცვლილის დატირება. ძალიან საყვარელი ქალბატონი იყო.
წარმოუდგენელია რომ ადამიანები მის დაკრძალვაზე მისვლას ვერ ახერხებენ. დარწმუნებული ვარ ათასობით ადამიანს უნდა ახლა მის ოჯახში სამძიმარზე მისვლა, ოჯახის ნუგეში და მასთან გამოთხოვება. იმდენად მძიმეა გურიისთვის მისი გარდაცვალება, მაგრამ ამასაც ვერ ვახერხებთ. იმდენად კეთილშობილი, უშუალო ადამიანი იყო. ყველასთან მეგობრობდა, ასაკის სხვაობის მიუხედავად. როგორც დედა, ისე იყო ჩვენთან, ყველასთან. რეპეტიტორიც იყო, სკოლაში ასწავლიდა მათემატიკას და ვისაც არ ჰქონდა საშუალება მას უფასოდ, უანგაროდ ამზადებდა. მართლა კარგი ადამიანი დააკლდა გურიას. დახმარებას ვითხოვთ, სამაშველომ მითხრა, ჩვენ ვერ ავდივართო, ვეხმიანები დეპუტატს, გამგებელს, მერიას და მოხალისეთა ჯგუფში ვწერთ და ვითხოვთ დახმარებას. ზომლეთის მხარე არის გაწმენდილი და იქიდან უფრო ადვილად შევლენ. 2 მეტრი თოვლია და ახლაც გადაუღებლად თოვს. არც დენი არის, არც გაზი არ არის გარკვეულ ადგილებში და წყალიც არ არის
- დაკრძალვა როდის არის
- ჯერ იყო გადაწყვეტილი რომ შაბათს ყოფილიყო დაკრძალვა, მაგრამ როგორც გითხარით ამ დრომდე ჭირისუფალმაც კი ვერ მიაღწია სახლამდე. ახლა უნდათ კვირას მიაბარონ მიწას, ამასაც როგორ მოახერხებენ არ ვიცი, იმხელაა თოვლის საფარი, როგორ უნდა მოგვარდეს დასაკრძალი ადგილის მოძებნა და შემდეგ როგორ უნდა შეძლონ მესაფლავეებმა მიწის გათხრა. სოფლებში სასწაული მდგომარეობაა. ოზურგეთის ცენტრში თითქოს გაწმენდილია გზები, მაგრამ ორი მანქანა ვერ აუვლის გვერდს ერთმანეთს. მარტო მოხალისეების მანქანები და მუნიციპალიტეტის დადის. იქნებ ამ ოჯახს დაეხმარონ, იქნებ დედა, შვილი და და მიიყვანონ სახლამდე, რომ დაიტირონ. ვუსამძიმრებ ოჯახის ყველა წევრს. იმედია გამოჩნდებიან ადამიანები, ვინც ამ მძიმე დღეებში დაეხმარებიან ოჯახს.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
