მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
4-საათნახევრიანი მოლაპარაკება, ლანჩი, შესვენება და სხვა დეტალები - აშშ-ისა და რუსეთის დელეგაციების შეხვედრა დასრულდა: რას აცხადებენ მხარეები?
17:29 / 18-02-2025
აშშ-ისა და რუსეთის დელეგაციების შეხვედრა, რომელიც საუდის არაბეთში გაიმართა, დასრულდა.
ბი-ბი-სი მოლაპარაკებების მიმდინარეობის დეტალებს წერს. როგორც ცნობილი ხდება, ოთხსაათნახევრიანი მოლაპარაკების შემდეგ, რუსეთისა და ამერიკის დელეგაციები ლანჩზე გავიდნენ. თუმცა, მანამდე კიდევ ერთი - 15-წუთიანი შესვენება იყო გამოცხადებული.
რა ხდება ცნობილი?
სახელმწიფო დეპარტამენტის ინფორმაციით, “აშშ და რუსეთი შეთანხმდნენ, რომ ომის დასრულების შემდეგ ითანამშრომლებენ“.
კერძოდ, აშშ-ის სახელმწიფო მდივანი მარკო რუბიო და რუსეთის საგარეო საქმეთა მინისტრი სერგეი ლავროვი შეთანხმდნენ სამომავლო თანამშრომლობაზე ორმხრივ გეოპოლიტიკურ ინტერესებთან და საინვესტიციო შესაძლებლობებთან დაკავშირებით, რომლებიც წარმოიქმნება უკრაინაში კონფლიქტის დასრულების შემდეგ.
აშშ-ს სახელმწიფო მდივანმა მარკო რუბიომ თქვა, რომ ყველა მხარე, მათ შორის რუსეთი, უკრაინა და ევროპა უნდა დაეთანხმონ უკრაინის შესახებ სამშვიდობო შეთანხმებას და ევროკავშირი "რაღაც მომენტში" უნდა ჩაერთოს პროცესში, - იტყობინება Reuters-ი
მან ასევე აღნიშნა, რომ რუსეთი მზად არის შეუერთდეს მოლაპარაკებების "სერიოზულ პროცესს“.
აშშ-ს სახელმწიფო მდივანმა მარკო რუბიომ ასევე განაცხადა, რომ რუსეთი და აშშ შეთანხმდნენ მოსკოვსა და ვაშინგტონში საელჩოების თანამშრომლების რაოდენობის აღდგენაზე, - იუწყება AP.
რაზე შეთანხმდნენ აშშ და რუსეთი? - ამის თაობაზე უფრო დეტალურად აშშ-ის სახელმწიფო დეპარტამენტის სპიკერმა ტამი ბრიუსმა ჟურნალისტებთან ისაუბრა:
- ორმხრივ ურთიერთობებში" გამაღიზიანებელი“ ფაქტორების აღმოსაფხვრელად, შეიქმნება საკონსულტაციო მექანიზმი, რათა გადაიდგას აუცილებელი ნაბიჯები დიპლომატიური მისიების საქმიანობის ნორმალიზებისთვის.
- დაინიშნება უმაღლესი დონის გუნდები, რომლებიც დაიწყებენ მუშაობას უკრაინაში ომის რაც შეიძლება მალე დასასრულებლად - რათა კონფლიქტის დასრულება იყოს მდგრადი, გრძელვადიანი და მისაღები ყველა მხარისთვის.
- ორმხრივი გეოპოლიტიკური ინტერესების; ისტორიული, ეკონომიკური და საინვესტიციო შესაძლებლობების საკითხებზე სამომავლო თანამშრომლობისთვის, რომლებიც უკრაინაში კონფლიქტის დასრულების შემდეგ წარმოიქმნება, ჩატარდება მოსამზადებელი სამუშაოები.
- გაგრძელდება მუშაობა იმისთვის, რომ პროცესი დროულად და პროდუქტიულად წარიმართოს.
მისი თქმით, “აშშ-ის პრეზიდენტი დონალდ ტრამპი ერთადერთი მსოფლიო ლიდერია, რომელსაც შესწევს ძალა შეწყვიტოს რუსეთისა და უკრაინის ომი“.
შეგახსენებთ, საუდის არაბეთის დედაქალაქში, ერ-რიადში გამართული მოლაპარაკება აშშ-რუსეთს შორის, უკრაინაში ომის დაწყების შემდეგ პირველი იყო. მასში ოფიციალური კიევი არ მონაწილეობდა. ვაშინგტონის განცხადებით, მოლაპარაკებები უკრაინასთან სხვა ეტაპზე წარიმართება.
აშშ-ის მხრიდან, მოლაპარაკებაში სახელმწიფო მდივანი მარკო რუბიო, თეთრი სახლის მრჩეველი ეროვნული უსაფრთხოების საკითხებში მაიკ უოლცი და აშშ-ის სპეციალური წარმომადგენელი ახლო აღმოსავლეთში სტივ უიტკოფი მონაწილეობდნენ.
ხოლო რუსეთის მხარეს საგარეო საქმეთა მინისტრი სერგეი ლავროვი და რუსეთის პრეზიდენტის თანაშემწე იური უშაკოვი წარმოადგენდნენ.
რუსეთის საგარეო საქმეთა სამინისტროს პრესსპიკერის, მარია ზახაროვას თქმით, შეხვედრის შესახებ საგარეო საქმეთა მინისტრი სერგეი ლავროვი ჟურნალისტებთან ისაუბრებს.
აღსანიშნავია, რომ საუდის არაბეთში იმყოფება რუსეთის პირდაპირი ინვესტიციების ფონდის ხელმძღვანელი.
კირილ დმიტრიევი მოსკოვის დელეგაციის წევრია. თუმცა ის მოლაპარაკების მაგიდის მიღმა იმყოფებოდა.
როგორც დიმიტრიევმა განაცხადა, პროგრესს შეერთებულ შტატებსა და რუსეთს შორის ეკონომიკურ საკითხებში, სამი თვის განმავლობაში ელოდება. ის ასევე აცხადებს, რომ უკრაინაში შეჭრის შემდეგ, რუსული ბაზრების დატოვების გამო, ამერიკულმა კომპანიებმა 300 მილიარდ დოლარზე მეტი დაკარგეს.
“რუსეთისა და აშშ-ის დელეგაციებმა ერთმანეთის მოსმენა დაიწყეს, მაგრამ კომპრომისებზე ლაპარაკი ნაადრევია", - განაცხადა მოლაპარაკებების დასრულების შემდეგ კირილ დმიტრიევმა.
ამასთანავე, რუსეთის პრეზიდენტის თანაშემწემ იური უშაკოვმა განაცხადა, რომ ვლადიმერ პუტინისა და დონალდ ტრამპის შეხვედრის თარიღი ჯერ ცნობილი არ არის. სავარაუდოდ, შეხვედრა მომავალ კვირას არ გაიმართება.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
