!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მეცნიერების ვარაუდით, დედამიწის შიდა ბირთვს ფორმა შეიცვალა - გამოიწვევს თუ არა ეს პლანეტის შეჩერებას?
09:58 / 12-02-2025
მეცნიერთა ჯგუფი ვარაუდობს, რომ დედამიწის შიდა ბირთვმა ბოლო 20 წლის განმავლობაში ფორმა შეიცვალა.
პროფესორი ჯონ ვიდალი, რომელიც ხელმძღვანელობდა კვლევას (მისი ნაშრომი გამოქვეყნდა სამეცნიერო ჟურნალში Nature Geoscience), თვლის, რომ ბირთვის სფერული ფორმა ზოგან დეფორმირებული იყო 100 მეტრით, ან მეტი სიმაღლით.
აღსანიშნავია, რომ დედამიწის ბირთვი მნიშვნელოვან როლს ასრულებს ჩვენი პლანეტის არსებობაში. ის ქმნის მაგნიტურ ველს, რომელიც სფეროს მზის რადიაციისგან იცავს.
შიდა ბირთვი თხევადი გარე ბირთვისა და პლანეტის სხვა ნაწილებისგან დამოუკიდებლად ბრუნავს. ამ მოძრაობის და მაგნიტური ველის გარეშე, დედამიწა შესაძლოა დაღუპულიყო და გადაქცეულიყო უნაყოფო პლანეტად. ხოლო შიდა ბირთვის ფორმის ცვლილებები შეიძლება მოხდეს იმ ადგილებში, სადაც მყარი ბირთვის კიდე ხვდება უკიდურესად ცხელ თხევად მეტალს - გარე ბირთვს.
ჩვენი პლანეტის ინტერიერი უკიდურესად იდუმალი ადგილია. ბირთვი დედამიწის ზედაპირიდან დაახლოებით 6,5 ათასი კილომეტრის დაშორებით მდებარეობს და მიუხედავად ყველა მცდელობისა, მეცნიერებმა ჯერ ვერ მიაღწიეს მას სრულად გამოსაკვლევად.
ზოგიერთი მკვლევარი მიწისძვრების შედეგად წარმოქმნილი დარტყმითი ტალღების ვიბრაციას ზომავს, თუმცა ეს არ იძლევა მკაფიო დასკვნების გაკეთების საშუალებას.
- ახალმა კვლევამ შეისწავლა მიწისძვრების სეისმური ტალღები 1991-დან 2023 წლამდე. სწორედ ამის შედეგად ივარაუდეს, რომ დედამიწის შიდა ბირთვი დროთა განმავლობაში იცვლება.
სამხრეთ კალიფორნიის უნივერსიტეტის დედამიწის მეცნიერმა, პროფესორმა ჯონ ვიდალმა, იპოვა მტკიცებულება იმისა, რომ 2010 წელს შიდა ბირთვი შენელდა. გარდა ამ აღმოჩენისა, გუნდმა აღმოაჩინა მტკიცებულება დედამიწის შიდა ბირთვის ფორმის ცვლილების შესახებ.
ეს საშუალებას მისცემს მეცნიერებს “გააკეთონ უფრო მკაფიო შეფასება შიდა ბირთვის თვისებების შესახებ. მაგალითად: როგორიცაა სიბლანტე, რომელიც ერთ-ერთი ყველაზე ნაკლებად გასაგები პარამეტრია თანამედროვე მეცნიერებაში“.
რატომ ხდება ეს?
პროცესი შესაძლოა დაკავშირებული იყოს დედამიწის მაგნიტური ველის ცვლილებებთან.
ჯონ ვიდალი სიფრთხილით ეკიდება იმ ვერსიას, რომ მისმა აღმოჩენებმა შესაძლოა მიუთითოს იმაზე, რომ დედამიწის ბირთვის ბრუნვის შენელებამ, შესაძლოა დროთა განმავლობაში პლანეტის შეჩერება გამოიწვიოს.
“მეცნიერებს ჯერ კიდევ ბევრი რამ არ ესმით. არ ვართ 100% -ით დარწმუნებული, რომ ამ ცვლილებების სწორად ინტერპრეტაციას ვაკეთებთ”, - თქვა მეცნიერმა.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
