მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ISIS-ის პატარძალი", რომელმაც ჰიჯაბი გაიხადა და ბრიტანეთში პატიმრობა სურს, თუმცა... - რა ნახა ბრიტანელმა ჟურნალისტმა დევნილთა ბანაკში, სადაც შამიმა ბეგუმი ცხოვრობს
10:07 / 11-02-2025
შამიმა ბუგუმი, ქალი, რომელსაც მედიაში "ISIS-ის პატარძალს" უწოდებენ. მან 10 წლის წინ, 15 წლის ასაკში დატოვა ოჯახი ლონდონში და სირიაში გაემგზავრა, რათა "ისლამურ სახელმწიფოს“ შეერთებოდა
- დღეს, 25 წლის ბეგუმი ბრიტანეთში დაბრუნებას ცდილობს და მზადაა, სასამართლოს წინაშე წარდგეს, თუმცა ეს არც ისე მარტივია, რადგან ბრიტანეთმა მას მოქალაქეობა ჩამოართვა. შესაბამისად, ის ჩარჩა სირიაში, ბანაკში, სადაც ასობით უცხოელია დაკავებული, მათ შორის ისინი, ვინც ოდესღაც ტერორისტულ ორგანიზაციას შეუერთდა.
მისი დაბრუნების შანსები თითქმის ნულს უტოლდება, ხოლო კარავთან მდებარე კედელი, როგორც ჩანს, ბეგუმისთვის სასოწარკვეთილების გამოსახატ ადგილად იქცა - თავისი განცდები კედელზე გადმოაქვს.
გრაფიტი, რომელიც ქალის გონებრივ მდგომარეობას ასახავს
"ცოტა ხნის წინ ჩავედი ბანაკში, რათა შევხვედროდი ბეგუმს, და სწორედ მაშინ შევამჩნიე კედელზე დატოვებული მესიჯები. ზოგიერთი ნაკაწრი ძლივს იკითხება, ზოგი – ღრმად არის ამოტვიფრული მზით გახუნებულ კედელში", - წერს ბრიტანული "დეილი მეილის"ჟურნალისტი.
და აღნიშნავს, რომ ქალის მიერ დაწერილი ფრაზები უკიდურეს სასოწარკვეთილებას გამოხატავს - მათში იკითხება მოლოდინისა და იმედგაცრუების გრძნობა.
კედლის ზედა ნაწილში აწერია სიტყვები: "ჯოჯოხეთი - ეს სხვა ხალხია", - ფრანგი ფილოსოფოსის, ჟან-პოლ სარტრის პიესიდან „გასასვლელი არ არის“.
მეორე ფრაზა კი, რომელიც ბეგუმის ტყვეობას ირეკლავს, სემუელ ბეკეტის "გოდოს მოლოდინიდან“ არის აღებული: "არაფერი ხდება, არავინ მოდის, არავინ მიდის... საშინელებაა!“
ზოგიერთი მესიჯი ნაკლებად ფილოსოფიურია და გინებით არის სავსე.
"შამიმა ბეგუმი ჟურნალისტებთან საუბარს არ აპირებს
ვცდილობდი, მასთან დალაპარაკებას, თუმცა უშედეგოდ.თავდაპირველად უნდა შევხვედროდით ბანაკის შესასვლელთან მდებარე პატარა შენობაში, მაგრამ როგორც კი გაიგო, რომ ჟურნალისტი ვიყავი, კარი ცხვირწინ მომიხურა.
ცოტა ხნის შემდეგ ისევ მივუახლოვდი მის კარავს, რათა კიდევ ერთხელ მელაპარაკა მასთან. მისი პასუხი იყო მოკლე და ერთმნიშვნელოვანი: "არა, მადლობა, ნახვამდის!“ - წერს "დეილი მეილის" ჟურნალისტი.
ბეგუმის წარსული
შამიმა ბეგუმი იყო ერთ-ერთი იმ ათასობით უცხოელს შორის, ვინც ISIS-ს შეუერთდა. ის დაქორწინდა ISIS-ის წევრზე, ჰოლანდიელ იაგო რიდეიკზე, და სამი შვილი გააჩინა - თუმცა სამივე ჩვილობაში გარდაეცვალა.
მისი ადგილსამყოფელი წლების განმავლობაში უცნობი იყო, მაგრამ 2019 წელს შამიმა ალ-ჰოლის ბანაკში იპოვეს - ეს არის სირიის უდიდესი ლტოლვილთა ბანაკი, სადაც ISIS-ის წევრები დამარცხების შემდეგ გადაიყვანეს.
იმ დროს ბეგუმი თითქმის არანაირ სინანულს არ გამოხატავდა, ხოლო მანჩესტერის არენაზე მომხდარი ტერაქტი გაამართლა, მისი კომენტარი ბრიტანეთში საზოგადოებრივი მრისხანების ტალღის მიზეზი გახდა. ამის შემდეგ შამიმას ბრიტანეთის მოქალაქეობა ჩამოართვეს.
ახლა 25 წლისაა, ჰიჯაბი მოიშორა და დასავლური სტილის ტანსაცმელს ატარებს.
მას კარგად ესმის, რომ ბრიტანეთში დაბრუნების შემთხვევაში, ტერორიზმის ბრალდებით ციხე არ ასცდება, მაგრამ მიუხედავად ამისა, მაინც ითხოვს ბრიტანეთში ექსტრადიციას.
დიდმა ბრიტანეთმა მისი მოთხოვნა არ დააკმაყოფილა. 2024 წლის აგვისტოში უზენაესმა სასამართლომ საბოლოოდ დაადგინა: ბეგუმს ბრიტანეთში დაბრუნების უფლება არ აქვს.
მას შემდეგ, ქალი ინტერვიუებზე უარს ამბობს.
ორი უდიდესი ბანაკი სირიის ჩრდილო-აღმოსავლეთ ნაწილში, ქურთების მიერ კონტროლირებულ რეგიონში მდებარეობს.
ადგილობრივი ხელისუფლება აცხადებს, რომ არ შეუძლიათ დაუსრულებლად შეინარჩუნონ ათასობით დაპატიმრებული უცხოელი, რომელთაგან ბევრს კვლავაც სჯერა ISIS-ის იდეოლოგიის.
"ჩვენმა საერთაშორისო პარტნიორებმა, რომლებმაც ჩვენთან ერთად იბრძოლეს ISIS-ის წინააღმდეგ, არ უნდა დაგვივიწყონ,“ – ამბობს ალ-ჰოლის ბანაკის ადმინისტრატორი ჯიჰან ჰანანი.
ქურთები აფრთხილებენ დასავლეთს: თუ პატიმრები არ დაბრუნდებიან თავიანთ ქვეყნებში, ბანაკები კვლავაც შექმნიან ექსტრემისტულ საფრთხეს, რომელიც "ერთ დღეს ისევ აფეთქდება".
წაიკითხეთ ასევე:
- "ისლამურ სახელმწიფოს" გამოქცეულმა გოგონამ იმშობიარა - "ხალხს ჩემ მიმართ სიმპათია უნდა გაუჩნდეს"
- "როცა პირველად დავინახე მოწყვეტილი თავი ნაგავში, არ გამკვირვებია" - შამიმა ბეგუმის საქმე: ქალს, რომელიც ISIS-ს მოზარდობაში შეუერთდა, ბრიტანეთის მოქალაქეობა ჩამოართვეს
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
