ასმა ასადი ბრიტანეთის დაზვერვასთან თანამშრომლობდა? - რა დოკუმენტებმა გაჟონა მედიაში და რა დავალება გასცა წლების წინ ბაშარის მამამ

სირიის ოპოზიციური ჟურნალისტის, ნიზარ ნიუფის განცხადებით, გავრცელდა სირიის დაზვერვის ძველი დოკუმენტები, სადაც ჰაფეზ ასადს ასმა ასადის შესახებ აფრთხილებენ.

რა წერია დოკუმენტში

ნიუფი წერს, რომ სირიის ყოფილი პრეზიდენტი ჰაფეზ ასადი შესაძლოა, წინააღმდეგი ყოფილიყო თავისი შვილის, ბაშარ ასადის, ქორწინებაზე ასმა ასადთან. მსგავსი დასკვნის გამოტანა, მხოლოდ იქიდან შეიძლება, რომ წყვილი ჰაზეფ ასადი სიკვდილის შემდეგ დაქორწინდა.

• ჟურნალისტმა გამოაქვეყნა დოკუმენტები, რომლებიც, მისი თქმით, აჩვენებს, რომ ჰაფეზ ასადმა სირიის სამხედრო დაზვერვის ხელმძღვანელს, ალი დუბას, დაავალა ბაშარ ასადის მეთვალყურეობა მისი ბრიტანეთში სწავლის პერიოდში.

1992 წელს დუბამ მოხსენება გაუგზავნა ჰაფეზ ასადს, სადაც ნათქვამია, რომ ასმას დედა, საჰარ ალ-ათრი, აწყობდა საიდუმლო შეხვედრებს ბაშარსა და ბრიტანეთის არმიის სპეცდანიშნულების ჯარების ოფიცრებთან.

ამავე მოხსენების მიხედვით, ბრიტანეთში, 1992 წელს, ბაშარ ასადი საიდუმლოდ შეხვდა ბრიტანეთის დაზვერვის ოფიცერს.

ბრალდებები ასმა ასადისა წინააღმდეგ

დოკუმენტები ასევე მიუთითებს, რომ ასმა ასადი ბრიტანეთის შიდა (MI5) და გარე (MI6) დაზვერვასთან თანამშრომლობდა.

ბრიტანეთის დაზვერვის მხარდაჭერა

მოხსენებაში ასევე აღწერილია, თუ როგორ დაეხმარა ასმა ასადს ბრიტანეთის დაზვერვის ოფიცერი ელიზა ბოლერი „ჯი-პი მორგანის“ ბანკში სამუშაოს მიღებაში. მისი როლი მოიცავდა აზიური ინვესტიციების მონიტორინგს ქიმიურ და ფარმაცევტულ მრეწველობაში, რაც სირიის დაზვერვის მიხედვით, ბრიტანეთის დაზვერვის ინტერესს ემსახურებოდა.

სირიის დაზვერვის გაფრთხილებები

დოკუმენტებში აღნიშნულია, რომ სირიის დაზვერვამ ჰაფეზ ასადი "ჩუმათ" გააფრთხილა ბაშარისა და ასმას ლონდონში ურთიერთობის შესაძლო რისკებზე.

მოხსენებაში ასევე აღნიშნულია, რომ ბაშარი და ასმა ერთმანეთს ფეშენებელური სასტუმროს რესტორანში შეხვდნენ. ამ შეხვედრას ასმას დედაც ესწრებოდა. წყვილის სიახლოვეს იმყოფებოდნენ ბრიტანეთის დაზვერვის წარმომადგენლებიც.

დოკუმენტების მიხედვით, 1992 წელს ფავაზ ასადის სახლში გაიმართა „ლონდონური საღამო“, სადაც ბაშარ ასადიც მიიწვიეს. შეხვედრას ესწრებოდნენ ბრიტანეთის დაზვერვის წარმომადგენლები, რომლებიც სირიის შიდა პოლიტიკასა და სირია-ისრაელის შესაძლო სამშვიდობო შეთანხმებაზე სვამდნენ კითხვებს.

ამ დროისთვის დოკუმენტების სანდოობა დამოუკიდებლად დადასტურებული არ არის. თუმცა, დოკუმენტები სირიის პოლიტიკური წარსულის ნაკლებად ცნობილი ეპიზოდების ახალ ინტერპრეტაციას იძლევა.

წაიკითხეთ ასევე:

• კიდევ ერთი დარტყმა, ამჯერად მეუღლისგან: ბაშარ ასადს ცოლი განქორწინებას სთხოვს - როგორია ასადების მოსკოვური ცხოვრება მკაცრი შეზღუდვების პირობებში