"შიშველი ჩვილი მგზავრს ჰყავდა ხელში, ხოლო ახალნამშობიარები ქალი ძირს იწვა" - მიგრანტებით სავსე ნავზე ბავშვი დაიბადა

მიგრანტებით სავსე ნავზე, რომელიც აფრიკიდან კანარის კუნძულებისკენ მიემართებოდა, ბავშვი დაიბადა. ამის შესახებ ინფორმაციას ესპანეთის სანაპირო დაცვა ავრცელებს.

• მათ გამოაქვეყნეს ახალდაბადებული ჩვილის ფოტო, რომელიც დედასთან და სხვა მიგრანტებთან ერთად სწორედ ესპანეთის სანაპირო დაცვამ გადაარჩინა.

ესპანეთის სანაპირო დაცვის ცნობით, ხალხით სავსე გასაბერი ნავი პირველად შენიშნეს 6 იანვარს კუნძულ ლანზაროტეს მახლობლად.

სამაშველო გემის კაპიტნით თქმით, მათ იცოდნენ, რომ მიგრანტების ნავზე ორსული ქალი იყო. როგორც დომინგო ტრუხილიო ამბობს, მაშველები მიგრანტების ნავთან მაშინ მივიდნენ, როცა ბავშვი დაახლოებით 15-29 წუთის დაბადებული იყო.

ახალშობილი მათ შიშველი დახვდათ, რომელიც ერთ-ერთ მგზავრს ჰყავდა ხელში, ხოლო ახალნამშობიარები ქალი ძირს იწვა.

ბავშვი და დედა ვერტმფრენით საავადმყოფოში გადაიყვანეს. მედიის ინფორმაციით, მათ სიცოცხლეს საფრთხე არ ემუქრება.