რუსთაველის გამზირზე აქცია მიმდინარეობს -  შეზღუდულია საავტომობილო მოძრაობა (ფოტო)

რუსთაველის გამზირზე პროტესტი განახლდა. პროტესტის მონაწილეები უკვე 30-ე დღეა ყოველდღიურად იკრიბებიან რუსთაველის გამზირზე. აქციის გამო რუსთაველის გამზირზე საავტომობილო მოძრაობა შეზღუდულია.

დღეს, დღის განმავლობაში სხვადასხვა სფეროს წარმომადგენლების მარში გაიმართა, რომლებიც საბოლოოდ პარლამენტის შენობასთან შეიკრიბნენ.

საკანონმდებლო ორგანოსთან შეკრებილებს მუსიკოსებისა და მსმენელების მარშიც შეუერთდა.

აღნიშნული მარშის მონაწილეები თავდაპირველად ფილარმონიასთან შეიკრიბნენ, საიდანაც მსვლელობით გმირთა მოედნისკენ გადაინაცვლეს. პროტესტის მონაწილეები გმირთა მემორიალთან რამდენიმე ხნით შეჩერდნენ. დაღუპული გმირების მოსახსენიებლად სანთლები აანთეს და წუთიერი დუმილით მათ ხსოვნას პატივი მიაგეს. ამის შემდეგ მარში თბილისის ოპერისა და ბალეტის თეატრთან შეჩერდა და შემდეგ პარლამენტთან გადაინაცვლეს.

ფოტო: გიორგი ჟამერაშვილი/IPN

იხილეთ ასევე:

• “სიმღერ - სიმღერით გაგისტუმრებთ“ - თბილისში, რამდენიმე ლოკაციაზე საპროტესტო აქცია და მსვლელობა იმართება (ფოტო)