ოკუპირებულ აფხაზეთში, ე.წ. პარლამენტში სროლის შედეგად ერთი დეპუტატი გარდაიცვალა - ცნობილია სავარაუდო თავდამსხმელი დეპუტატის ვინაობა

ოკუპირებულ აფხაზეთში, ე.წ. პარლამენტში სროლის შედეგად ერთი დეპუტატი გარდაიცვალა.

• ოკუპირებული აფხაზეთის ე.წ. ჯანდაცვის სამინისტროს პრესსამსახურის ინფორმაციით, მოკლული დეპუტატი ვახტანგ გოლანძიაა.

ის ცეცხლსასროლი იარაღიდან მიყენებული მიყენებული ჭრილობების შედეგად გარდაიცვალა.

• ასევე ცნობილია სავარაუდო თავდამსხმელის ვინაობა. როგორც dnewsabkhazia წერს, სროლაში ეჭვმიტანილი დეპუტატი ადგურ ხარაზიაა.

რესპუბლიკის ე.წ. შინაგან საქმეთა მინისტრის რობერტ კიუტის ინფორმაციით, ის შემთხვევის ადგილიდან მიიმალა.

ცოტა ხნის წინ ოკუპირებული აფხაზეთის ე.წ. პარლამენტის შენობასთან სროლა იყო. გარდაცვლილის გარდა, ცნობილია რომ დაჭრილია მეორე დეპუტატი კან კვარჩია.

კვარჩია რეანიმაციაშია, თუმცა მის სიცოცხლეს საფრთხე არ ემუქრება.

წყარო: dnewsabkhazia-ის ტელეგრამარხი.

იხილეთ ასევე:

• ოკუპირებული აფხაზეთის ე.წ. პარლამენტის შენობასთან სროლა იყო - დაშავებულია ორი ე.წ. დეპუტატი