მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინა ამტკიცებს, რომ ლაზერული იარაღი შექმნა - რას აცხადებს ქვეყნის შეიარაღებული ძალების უპილოტო სისტემების ძალების მეთაური?
11:21 / 18-12-2024
უკრაინის შეიარაღებული ძალების უპილოტო სისტემების ძალების მეთაურმა ვადიმ სუხარევსკიმ განაცხადა, რომ უკრაინას საკუთარი ლაზერული იარაღი აქვს. აქამდე ამის შესახებ არაფერი იყო ცნობილი. ლაზერის საბრძოლო იარაღი მსოფლიოში მხოლოდ რამდენიმე ქვეყანას აქვს.
რა არის ლაზერი Trident?
“დღეს უკრაინა არის, თუ არ ვცდები, მეხუთე ქვეყანა, რომელსაც შეუძლია თქვას, რომ მას აქვს საბრძოლო ლაზერი. ამ ლაზერით უკვე შეგვიძლია თვითმფრინავების ჩამოგდება ორ კილომეტრზე მეტ სიმაღლეზე“, - ციტირებს სუხარევსკის სიტყვებს სააგენტო “ინტერფაქს-უკრაინა“.
სუხარევსკიმ აღნიშნული განცხადება 16 დეკემბერს კონფერენციაზე გააკეთა, რომელიც ევროპისა და უკრაინის სამხედრო ინდუსტრიებს შორის თანამშრომლობის პერსპექტივებს ეძღვნებოდა. ამჟამად მუშაობა მისი მასშტაბურობის გაზრდაზე და გაძლიერებაზე მიმდინარეობს. ჯერჯერობით უცნობია, კონკრეტულად როგორ გამოიყურება ეს იარაღი, როგორია მისი მახასიათებლები და გაიარა თუ არა ტესტირება საბრძოლო პირობებში.
რა არის ლაზერული იარაღი?
წამყვანმა სახელმწიფოებმა საბრძოლო ლაზერული იარაღის შემუშავება 60-70 წლის წინ დაიწყეს. იმჟამინდელი ზესახელმწიფოებისთვის - სსრკ-სა და აშშ-ს სამხედრო ხელმძღვანელობისთვის შედარებით იაფი, უპრობლემო, უნივერსალური, მრავალჯერადი და ეფექტური იარაღის მოპოვების იდეა მაცდური იყო.
თეორიულად, მძლავრ ლაზერის სხივს უნდა დაეწვა მტრის აღჭურვილობა რამდენიმე წამში. ასეთი იარაღის გამოყენება შესაძლებელია როგორც თავის დასაცავად, ასევე ასევე შეტევაში. თითქოს ეს იყო განადგურების იდეალური საშუალება. მაგრამ პრაქტიკაში ყველაფერი უფრო რთული აღმოჩნდა.
შემუშავდა პროტოტიპები, მაგრამ შემდეგ მათი განვითარება პერსპექტივის ნაკლებობის გამო, სწრაფად შენელდა. როგორც აღმოჩნდა, მთავარი დაბრკოლება იყო ენერგიის მძლავრი წყაროს საჭიროება და ლაზერული იარაღის გაგრილება ექსპლუატაციის შემდეგ. ასევე დამოკიდებულება ამინდზე.
მაგრამ ახალმა გამოწვევებმა, მათ შორის რუსეთ-უკრაინის ომმა, საბრძოლო ლაზერი ისევ აქტუალური გახადა და ბიძგი მისცა მასზე მუშაობას.
ვის აქვს უკვე ლაზერული იარაღი?
უკვე ნახსენები აშშ-ისა და რუსეთის გარდა, ასეთი ტექნოლოგიები სავარაუდოდ აქვთ: ჩინეთს, დიდ ბრიტანეთს, სამხრეთ კორეას, იაპონიასა და ისრაელს.
ისრაელის არმიამ ლაზერული სისტემების პირველი პარტია Iron Beam, ამ შემოდგომაზე შეუკვეთა. სავარაუდოდ, არმია მას 2025 წლის ბოლომდე გამოცდის. გავრცელებული ინფორმაციით, ამ საზენიტო სისტემას შეუძლია გაანადგუროს მცირე სამიზნეები რამდენიმე ასეული მეტრიდან რამდენიმე კილომეტრამდე დაშორებით.
ბრიტანეთი იმედოვნებს, რომ მისი DragonFire ლაზერული სისტემა ექსპლუატაციაში შევიდა არა უადრეს 2027 წელს.
რა არის უკრაინული ლაზერული იარაღი?
უკრაინული საბრძოლო ლაზერის შემქმნელის, მახასიათებლების ან სხვა მონაცემების შესახებ ამ ეტაპზე ინფორმაცია არ არსებობს.
თავის განცხადებაში პოლკოვნიკმა სუხარევსკიმ თქვა, რომ trident-ს შეუძლია თვითმფრინავების ჩამოგდება ორ კილომეტრზე მეტ სიმაღლეზე. თუ უკრაინულ trident-ს შეუძლია თვითმფრინავზე დარტყმის განხორციელება, მაშინ მას უნდა ჰქონდეს მოძრავ სამიზნეზე ფოკუსირებისა და დაფიქსირების სისტემა.
სუხარევსკის სიტყვებიდან ირკვევა, რომ უკრაინამ მოკლე დროში მოახერხა ეფექტიანი საბრძოლო ლაზერის პროტოტიპის შექმნა.
უკრაინელი იარაღის ექსპერტმა და Ukroboronprom-ის კონცერნის ყოფილმა თანამშრომელმა ოლეგ კატკოვმა BBC-სთან ინტერვიუში განაცხადა, რომ ეს სავსებით შესაძლებელია.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
