!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
24
აპრილიდღის ზოგადი ასტროლოგიური პროგნოზი
31 წლის ჰავაელი ქალის ჰანა კობაიაშის ამბავმა მსოფლიო მედიის ყურადღება მიიქცია. ის ლოს ანჯელესის საერთაშორისო აეროპორტიდან 8 ნოემბერს გაუჩინარდა და მას შემდეგ პოვნა ვერავინ შეძლო. ქალი ახლახან გამოჩნდა. როგორც ცნობილია, ის კარგადაა და ოჯახთან კონტაქტი აქვს.
ჰანა თავისი ინიციატივით დაუკავშირდა ოჯახს.
"დავმშვიდდით და მადლიერები ვართ, რომ ჰანა კარგად არის. ეს ბოლო თვე ჩვენი ოჯახისთვის წარმოუდგენლად რთული იყო. დრო გვჭირდება, რომ გადავლახოთ და გავაანალიზოთ ის, რაც გავიარეთ. გვსურს, გულწრფელი მადლობა გადავუხადოთ ყველას, ვინც ამ რთულ პერიოდში მხარი დაგვიჭირა. თქვენი სიკეთე და მზრუნველობა ჩვენთვის ძალიან მნიშვნელოვანი იყო", - ნათქვამია ოჯახის განცხადებაში.
ჰანა ჰავაიდან ნიუ-იორკში საოცნებო მოგზაურობაში მიდიოდა, თუმცა გაუჩინარდა.
მამამისი მოსაძებნად წავიდა, თუმცა ძებნის პროცესში თვითმკვლელობამდე მივიდა. პოლიციამ ის გარდაცვლილი იპოვა.
მიმდინარე თვის დასაწყისში ლოს ანჯელესის პოლიციამ გაავრცელა ინფორმაცია, რომ ჰანამ ნებაყოფლობით გადალახა მექსიკის საზღვარი, მაგრამ ახალგაზრდა ქალის ოჯახს არ სჯეროდა პოლიციის განცხადების და ამბობდნენ, რომ არ იცოდნენ იყო თუ არა ჰანა უსაფრთხოდ.
გამოძიების თანახმად, კობაიაშიმ "ნებაყოფლობით" დატოვა აეროპორტი, შემდეგ კი აშშ-მექსიკის საზღვარზე ავტობუსის ბილეთის საყიდლად პასპორტი და ფული გამოიყენა. მას შემდეგ გამოჩნდა კადრები, სადაც ჩანს, როგორ გადადის ფეხით კობაიაში ტიხუანაში 12-13 ნოემბერს.
პოლიციამ მისი ადგილსამყოფელის შესახებ გამოძიება მას შემდეგ შეწყვიტა, რაც აღმოაჩინეს, რომ "ნებაყოფლობით" გაუჩინარდა.
კობაიაშის ოჯახის წევრები პოლიციის ვერსიისადმი, რომ ქალი დაკარგული არ იყო, უნდობლად განეწყვნენ და მის საძიებლად თანხის შეგროვება დაიწყეს.
მას შემდეგ, რაც პოლიციამ გამოძიება დაასრულა, ოჯახმა განაცხადა, რომ საძიებო ოპერაცია რეალურად დასრულებამდე ძალიან შორს იყო და ისინი ყველაფერს გააკეთებდნენ, რომ ჰანა სახლში უსაფრთხოდ დაებრუნებინათ".
ოჯახი არ გამორიცხავდა, რომ შესაძლოა, გაუჩინარებამდე ჰანა ე.წ. მწვანე ბარათის ქორწინების თაღლითობაში გაეხვა.
წინა კვირაში წყაროებმა გაამხილეს, რომ მას სავარაუდოდ, ფული მწვანე ბარათის ვიზის სქემის მეშვეობით მოჰპარეს.
