მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დუტა სხირტლაძემ ტელეკომპანია "იმედი" დატოვა - რა განცხადება გაავრცელა მსახიობმა: "გიდასტურებთ, ნამდვილად დატოვა ტელეკომპანია"
10:50 / 12-12-2024
დეკემბერში მიმდინარე რთული პოლიტიკური პროცესების გამო, არხებს რომლებიც არსებული მთავრობის მხარდამჭერებად მოიაზრებიან, ჟურნალისტები და ტელეწამყვანები მასიურად ტოვებენ. ამ დროისთვის როგორც "რუსთავი 2“, "იმედი“ და „პოსტვ“ არაერთმა ცნობილმა სახემ დატოვა.
ღამით გავრცელდა განცხადება, რომ ტელეკომპანია "იმედი" მსახიობმა და ტელეწამყვანმა დუტა სხირტლაძემ დატოვა. ჩვენ შევეცადეთ პირადად დავკავშირებოდით, თუმცა ამ დროისთვის ტელეფონი გამორთული აქვს.
- დუტა სხირტლაძის მიერ არხის დატოვება დაგვიდასტურა მისმა მეუღლემ მარინა ნაცვლიშვილმა.
"დიახ, გიდასტურებთ, ნამდვილად დატოვა ტელეკომპანია იმედი" - გვითხრა ტელეწამყვანის მეუღლემ.
- ამასთან განცხადება გაავრცელა ტელეკომპანია "იმედმა", სადაც ნათქვამია: "არხის დირექციის გადაწყვეტილებით, 10 დეკემბრიდან დუტა სხირტლაძე „ტელეიმედში” აღარ მუშაობს".
ბოლო დღეებში ვრცელდებოდა ინფორმაცია, რომ სხირტლაძე მთავრობის საწინააღმდეგო აქციებს ყოველდღიურად ესწრებოდა. სოციალურ ქსელში ხშირად წერდნენ, რომ გაოცებულები იყვნენ იუმორისტის პოზიციით, რომელიც აქციებს ესწრებოდა და ამავე დროს „იმედში“ რჩებოდა.
ტელეკომპანიის დატოვებამდე, მსახიობმა სოციალურ ქსელში ვრცელი სტატუსი დაწერა, სადაც 18 წლის ახალგაზრდის დაკავებას და მისთვის 12 დღიანი პატიმრობის მისჯას აპროტესტებს. თუმცა ამ სტატუსში არხის დატოვებაზე მინიშნება არ გაუკეთებია.
- ბავშვია, ბიჭო!!! ბავშვიიიიი!!! გამოუშვით!!! ჩემი მხარდაჭერა შენ, კარგო ბიჭო და ყველას ვინც ამ დღეებში უმოწყალოდ სცემეს (მათ შორის ჩემი უმცროსი კოლეგებიც). პატარა გოგო-ბიჭებს. ჟურნალისტებს, ოპერატორებს. ქვეყანა ამათია. შვილებისაა.
ვიღაცები "ბანდერლოგებს" უწოდებენ. აი, ამათ. ქვეყანაზე უზომოდ შეყვარებულ ახალ თაობას. თავისუფლებაში დაბადებულებს. ამთი გონება რომ მოგცათ მაგინებლებს - ისე შეგრცხვებოდათ საკუთარი თავის. თუ არ გჯერათ - გაბედეთ და დაელაპარაკეთ. ნებისმიერს. თუმცა რაზე უნდა დაელაპარაკოთ... ბავშვები, შვილები, ახალი თაობა - ესაა ჩვენი საზრუნავი და ჩვენი მომავალი. ამათ ვერავინ მოერევა. ვერც ვერავინ მორევია. ვერასდროს.
- "ნიკა წულუკიძე იმასაც ვერ ბედავს, რომ ეთერიდან დაგმოს... აი, ეს არის ჩემთვის ტრაგედია" - ნანკა კალატოზიშვილი
- "ხელები შორს ამ ბავშვებისაგან, თორემ ამას ღმერთი არ გაპატიებთ! ამათ ვერ მოატყუებთ, გამორიცხულია! სანამ დროა, უკან დაიხიოს ყველამ" - ჟანრი ლოლაშვილი აქციებზე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
