"ჩემი კოლეგის დედას მიადგნენ პოლიციელები და გაზის შემმოწმებლებად გაასაღეს თავი... შეცვივდნენ და მოაწყვეს შმონი" - რას წერს  გიორგი ისაკაძე

ჟურნალისტი გიორგი ისაკაძე სოციალურ ქსელში ვრცელ პოსტს აქვეყნებს და პოლიციელების მიერ საქართველოს მოქალაქეების დაკავებას ეხმიანება:

• როგორც ისაკაძე აღნიშნავს, ცოტა ხნის წინ, მისი ერთ-ერთი მეგობრის დედას სახლში პოლიციელები მივიდნენ, რომლებმაც თავი გაზის შემმოწმებლებად გაასაღეს.

"დღეს საღამოსკენ ასეთი ამბავი მოხდა (წინასწარ ბოდიში, ვინც მიცნობს იცის-არ მჩვევია ბილწსიტყვაობა): ჩემი მეგობრის, პარტნიორის და კოლეგის,Elene Kvanchilashvili (ელენე კვანჭილაშვილი) დედას მარინა კვანჭილაშვილი ბასილაშვილი მიადგნენ საღამოს 5 საათისკენ 4-5 ფორმიანი, გაზის შემმოწმებლებად გაასაღეს თავი,კარის გაღებაზე უარი მიიღეს,დაემუქრნენ მარინას (ვინც არ იცნობთ,მარინა არის მალხაზ კვანჭილაშვილის ქვრივი და ამ ქალაქის ერთ-ერთი გამორჩეული მასწავლებელი, თაობების აღმზრდელი) კარის ჩამოღება-შემტვრევით. ამით შეშინებულმა ქალბატონმა (სახლში მის გარდა Ana Kvanchilashvili-ს ორი მცირეწლოვანი ტყუპი, მარინას შვილიშვილები იყვნენ) კარი გააღო.

ეს ფორმიანი ნაბოზრები შეცვივდნენ როგორც ნამდვილ ძაღლობას ეკადრება,მოაწყვეს შმონი. ცხადია ვერაფერი იპოვეს. მალხაზის წიგნების, მარინას კონსპექტების და ტყუპების სათამაშოების გარდა,წაეთრნენ. სულ რამდენიმე წუთი გაგრძელდა ეს ყველაფერი (არასრული 10 წუთი), რაც საკმარისი აღმოჩნდა ხანშიშესული ბებიისთვის, დედისთვის და მასწავლებლისთვის სერიოზული პრობლემები შემქმნოდა ჯანმრთელობაზე. სასწრაფო სამედიცინო დახმარება BMG • ბიემჯი-ს ოფისიდან გამოვიძახეთ,რადგან ელენეს პირდაპირ ეთერი ჰქონდა რომელმაც მიასწრო ყველას მისვლა.ამ დროისთვის შედგენილია სასწრაფო სამედიცინო დახმარების ყველანაირი დასკვნა,და მარინა კვანჭილაშვილი ბასილაშვილი უკეთ არის.

გადარჩენილია ინსულტს და გულის შეტევას (ჩემი კომენტარი არ არის, ექიმების წინასწარი დასკვნებია).მისი მდგომარეობა ამ დროისთვის დასტაბილურებულია, მაგარი ქალია და არც კლინიკაში გადაყვანას საჭიროებსო. ხოდა,რით დავიწყე და რისი თქმა მინდოდა:- იმ ფორმიანებთან საქმე არ მაქვს. მაგ "ინკასატორების" სახელებს და გვარებს, ისევე როგორც მათი უფროსებისა ადრე თუ გვიან ამოვაგდებთ. პასუხსაც მიიღებენ. პასუხში კანონს და სამართალს ვგულისხმობ, რომელიც ამ ქვეყანაში აუცილებლად დაბრუნდება.

დაბრუნდება ნიშნავს (ვწერ იმბეცილებისთვის, ვედრო მანეთად ხართ) რომ კანონი(და მისი აღსრულება)ამ ქვეყანაში "შვებულებაშია" ბოლო 20 წელიწადია მინიმუმ!- არც მმართველ პარტიაზე დავწერ რამეს.მათზე ჩემი აზრი ცნობილია და მომავალშიც მეტი გეცოდინებათ.- აი, "ქართული ოცნება" მხარდაჭერებს კი ორიოდ სიტყვა სათქმელი და ამას ცალკე გეტყვით! სართულიანი მოკითხვები ამხელა პოსტში რომ მოგიძღვნათ თქვენთვის ბაირამობაა! მაგას ცალკე მიიღებთ. და, არამარტო ამ ამბის გამო!ტფუ თქვენი!!!!" - წერს ისაკაძე.

ცნობისთვის, დღეს აქტივისტების ბინებსა და პოლიტიკური პარტიების ოფისებში პოლიციამ ჩხრეკა ჩაატარა. უფრო კონკრეტულად, საგამოძიებო მოქმედებები ჩატარდა „ერთიანობა ნაციონალური მოძრაობის“, „კოალიცია ცვლილებისთვის“ და „დროას“ ოფისებში.

ასევე გაჩხრიკეს „დაიტოვეს“ ერთ-ერთი დამფუძნებლის ილია ღლონტის ბინა. გარდა ამისა, „დროას“ ოფისთან, ჩხრეკის პარალელურად, დააკავეს „კოალიცია ცვლილებისთვის“ ლიდერი ნიკა გვარამია და კოალიციის წევრი გელა ხასაია. დაკავებულია მოძრაობა „დაფიონის“ წევრი, ზვიად ცეცხლაძეც. ასევე, სამართალდამცავებმა „ძლიერი საქართველოს“ ორი წევრი დააკავეს. დაკავებულია „ერთიანობა ნაციონალური მოძრაობის“ ახალგაზრდული ორგანიზაციის რამდენიმე წევრი.

წაიკითხეთ ასევე:

• "პუფები", კვერცხები, დროშები, ჩაფხუტები წაიღეს..." - ვისთან მივიდა დღეს შსს? დაკავებების, ჩხრეკებისა და დაპირისპირებების ქრონიკა
• "შეხვედრაზე ვიბარებ სპეციალური საგამოძიებო სამსახურის უფროსს, თუმცა ჩემი ადმინისტრაცია ვერ უკავშირდება" - პრეზიდენტის მიმართვა
• იურისტი საბა ბრაჭველი ავრცელებს რჩევებს, როგორ უნდა მოიქცეს რიგითი მოქალაქე, თუ შინ სამართალდამცავები მიაკითხავენ