ვითარება ისევ დაიძაბა - მომიტინგეებმა პარლამენტის შენობასთან არსებული რკინის ჯებირი მოხსნეს, პოლიციამ ე.წ. წიწაკის სპრეი გამოიყენა: იყო დაპირისპირება

აქციის მონაწილეებმა რუსთაველის გამზირზე, პარლამენტის შენობასთან დამონტაჟებული რკინის ჯებირი მოხსნეს. სამართლადმაცველებმა გამოიყენეს ე.წ. წიწაკის სპრეი. პარალელურად ადგილზე სამართალდამცველებსა და აქციის მონაწილეებს შორის დაპირისპირებაა.

“ტელეკომპანია პირველის“ ინფორმაციით დაშავდა მათი ოპერატორი ნიკო კოკაია. მას თავის არეში დაზიანებები აღენიშნება, ასევე მის წინააღმდეგ გამოიყენეს ე.წ. წიწაკის სპრეი.

შეგახსენებთ, რუსთაველზე აქცია მას შემდეგ დაიწყო, რაც საქართველოს პრემიერ-მინისტრმა ირაკლი კობახიძემ საპარლამენტო უმრავლესობისა და სამთავრობო გუნდის შეხვედრის შემდეგ ევროკავშირთან მოლაპარაკებების საკითხზე განცხადება გააკეთა. კერძოდ, მმართველი გუნდის გადაწყვეტილებით, საქართველო 2028 წლის ბოლომდე დღის წესრიგში არ დააყენებს ევროკავშირთან მოლაპარაკების გახსნის საკითხს. პრემიერ-მინისტრის განცხადებით, საქართველო, ასევე, 2028 წლის ბოლომდე უარს ამბობს ყოველგვარ საბიუჯეტო გრანტზე ევროკავშირის მხრიდან.

• ადგილზე რამდენჯერმე გამოიყენეს "წიწაკის სპრეი". აქციაზე მყოფი პირები პოლიციამ სავარაუდოდ რამდენიმე მოქალაქეც დააკავა.

ადგილზე შეკრებილი მოქალაქეები მიმართავენ პოლიციელებს, რომ "მოიხსნან ნიღბები და გადავიდნენ ხალხის მხარეს". აქციის მონაწილეების ლაზერებს ანათებენ ადგილზე მყოფ სამართალდამცავებს.

იხილეთ ასევე:

• უკიდურესად დაძაბულია ვითარება ჭიჭინაძის ქუჩაზე: პოლიციამ გამოიყენა "წიწაკის სპრეი" - ადგილი ჰქონდა დაპირისპირებას