მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლავისგან ჩახერგილი გზები, დაცლილი სოფლები და უკაცრიელ ადგილად ქცეული ტურისტული ცენტრი - უახლესი კადრები ისლანდიიდან, სადაც ვულკანი ამოიფრქვა
14:31 / 22-11-2024
21 ნოემბერს ცნობილი გახდა, რომ ისლანდიის ტურისტული ცხელი წერტილიდან, ვულკანის ამოფრქვევის გამო ასობით ადამიანის ევაკუაცია განხორციელდა. ამოფრქვევა, პოპულარულ ცისფერი ლაგუნის თერმულ აბაზანებთან ახლოს, კუნძულის სამხრეთ-აღმოსავლეთით მოხდა.
ისლანდიის მეტეოროლოგიური სამსახურის (IMO) ცნობით, ვულკანური აქტივობა სოფელ გრინდავიკის მახლობლად მდებარე სუნდნუკაგიგარის ნაპრალზე ოთხშაბათს, ღამით ადგილობრივი დროით 23:14 საათზე დაიწყო.
ევაკუირებული იქნა პატარა მეთევზეთა სოფელი, რომელიც რეიკიანესის ნახევარკუნძულზე, ცისფერი ლაგუნიდან სულ რაღაც სამი მილის მანძილზე მდებარეობს.
უახლესი ინფორმაცია - რა ვითარებაა ადგილზე
ისლანდიის მეტეოროლოგიურმა სამსახურმა განაცხადა, რომ ვულკანური აქტივობა შეფასებულია, როგორც სუსტი.
”ეს ოდნავ სუსტია, ვიდრე ბოლო ამოფრქვევა, რომელიც მაისში მოხდა ,” - განუცხადა ეროვნულ მაუწყებელს RUV-ს გეოფიზიკის პროფესორმა მაგნუს ტუმი გუდმუნდსონმა.
ისლანდიის ერთ-ერთი მთავარი ტურისტული ადგილიდან, Blue Lagoon თერმული სპა-დან, ვიზიტორების ევაკუაცია განხორციელდა. ის ამ დრომდე დაკეტილია. მიუხედავად იმისა, რომ კეფლავიკის საერთაშორისო აეროპორტი, ამოფრქვევის ჩრდილოეთით სულ რაღაც 20 კმ-შია, ის ღია რჩება და ფრენები არ გადადებულა.
ისლანდიის მეტეოროლოგიური სამსახურის ინფორმაციით, ამჟამად ვულკანური აქტივობა შემცირებულია და როგორც ჩანს, პიკმა გადაიარა. თუმცა, გავრცელებულ ვიდეოებში ჩანს, რომ ლავამ საავტომობილო გზები ჩახერგა. დაცარიელებულია ტურისტული ადგილები და სტიქიის რეგიონი გაუკაცრიელებულია.
გრინდავიკი: განხორციელდა თუ არა ადგილობრივი ქალაქის ევაკუაცია?
დიახ, ადგილობრივი ქალაქი გრინდავიკი ევაკუირებული იყო.
განმეორებითმა ვულკანურმა ამოფრქვევებმა გრინდავიკის მახლობლად, რომელიც დედაქალაქ რეიკიავიკიდან სამხრეთ-დასავლეთით დაახლოებით 50 კილომეტრშია, 3800 მოსახლე აიძულა დროებით დაეტოვებინათ სახლები. ამასთან განადგურებულია ინფრასტრუქტურა.
აღსანიშნავია, რომ ვულკანი 2021 წელს გააქტიურდა. მაშინ სფეროს ექსპერტებმა ადგილობრივი მოსახლეობა გააფრთხილეს, რომ ვულკანური აქტივობა ახალ ეპოქაში შევიდა და შესაძლოა მოფრქვევა ხშირად მომხდარიყო.
ყოველწლიურად ცნობილ თერმული აბაზანებს დაახლოებით 700 000-ზე მეტი ვიზიტორი სტუმრობს. ეს რიცხვი თითქმის ორჯერ აღემატება პატარა კუნძულოვანი ქვეყნის მთელ მოსახლეობას.
იხილეთ ასევე:
00:00 / 00:00
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბუნებას ვერავინ და ვერაფერი აუკრძალავს ,,საქმიანობას"! უფალი დაზარალებულებთან!🙏
ასე იყი ყოველთვის, ახლაც ასეა და მომავალშიც ასე იქნება რამოდენიმე მილიონი წლის განმავლობაში. ვიდრე მეცნიერება არ განვითარდება იმ დონეზე რომ მთლიანად გააკონტროლოს დედამიწაზე მიმდინარე ბუნებრივი პროცესები.