13
აპრილიდღის ზოგადი ასტროლოგიური პროგნოზი
ბალტიის ზღვაში ორი წყალქვეშა საკომუნიკაციო სადენი დაზიანდა, მათგან ერთი შვედეთსა და ლიეტუვას, ხოლო მეორე ფინეთსა და გერმანიას აკავშირებს. შვედეთის თავდაცვის სამინისტროში დაადასტურეს, რომ შემთხვევას შესაბამისი ორგანოები იძიებენ. მომხდართან დაკავშირებით ფინეთისა და გერმანიის საგარეო საქმეთა სამინისტროებმა ერთობლივი განცხადება გაავრცელეს და აღნიშნეს, რომ საქმე შესაძლოა "ჰიბრიდულ ომს" ეხებოდეს.
"ჩვენ უნდა განვაცხადოთ, მიუხედავად იმისა, რომ არ ვიცით კონკრეტულად ვინ იდგა ამის უკან, რომ ეს ჰიბრიდული ქმედებაა. ასევე, ჩვენ უნდა ვივარაუდოთ, რა თქმა უნდა, ამის ცოდნის გარეშე, რომ ეს დივერსიული აქტია“, - განაცხადა გერმანიის თავდაცვის მინისტრმა, ბორის პისტორიუსმა.
"მთავრობა მოვლენებს აკვირდება. აუცილებელია გაირკვეს, რატომ შეწყვიტა ერთდროულად ორმა სადენმა ბალტიის ზღვაში მუშაობა", - განაცხადა შვედეთის სამოქალაქო დაცვის მინისტრმა, კარლ-ოსკარ ბოლინმა.
მსგავსი ინციდენტები სხვაც მომხდარა და მაშინაც ხელისუფლება ამას პოტენციურად საბოტაჟად განიხილავდა, მათ შორის - გაზსადენისა და წყალქვეშა კაბელების დაზიანება გასულ წელს და Nord Stream-ის გაზსადენების აფეთქებები 2022 წელს.
- როგორც ფინეთის სახელმწიფო კონტროლს დაქვემდებარებულმა კიბერუსაფრთხოებისა და ტელეკომუნიკაციების კომპანია Cinia-მ განაცხადა, 1,200 კმ სიგრძის კაბელი, რომელიც ჰელსინკს გერმანიის პორტ როსტოკთან აკავშირებს, ორშაბათს გაითიშა.
შვედური Telia Company ჯგუფის ნაწილის, ლიტვის Telia Lietuva-ს ცნობით კი, ლიტვასა და შვედეთის კუნძულ გოტლანდს შორის 218 კმ სიგრძის ინტერნეტ დამაკავშირებელი კვირას გაითიშა.
ფინეთმა და გერმანიამ ერთობლივ განცხადებაში აღნიშნეს, რომ ისინი "ღრმად შეშფოთებულნი არიან გაწყვეტილი წყალქვეშა კაბელის გამო" და იძიებენ "ინციდენტს, რომელიც განზრახ დაზიანების ეჭვებს აჩენს".
"ევროპის უსაფრთხოებას საფრთხეს უქმნის რუსეთის ომი უკრაინის წინააღმდეგ და ჰიბრიდული ომი მავნე აქტორების მხრიდან. ჩვენი საერთო კრიტიკული ინფრასტრუქტურის დაცვა სასიცოცხლოდ მნიშვნელოვანია ჩვენი უსაფრთხოებისა და საზოგადოებების მდგრადობისთვის", - განაცხადეს გერმანიამ და ფინეთმა.
კარლ-ოსკარ ბოჰლინმა, შვედეთის სამოქალაქო თავდაცვის მინისტრმა, შვედეთის საზოგადოებრივ მაუწყებელ SVT-ს განუცხადა, რომ "უმნიშვნელოვანესია გაირკვეს, თუ რატომ გვაქვს ამჟამად ბალტიის ზღვაში ორი კაბელი, რომელიც არ მუშაობს".
- ჩრდილოეთ ევროპაში მდებარე ბალტიის ზღვა აქტიური კომერციული საზღვაო მარშრუტია და მას ცხრა ქვეყანა ესაზღვრება, მათ შორის რუსეთი.
ფინეთი-გერმანიის კაბელის დაზიანება შვედეთის ელანდის კუნძულის სამხრეთ წვერთან ახლოს მოხდა და მის შეკეთებას შეიძლება 5-15 დღე დასჭირდეს.
გასულ წელს ბალტიის ზღვის ფსკერზე გამავალი წყალქვეშა გაზსადენი და რამდენიმე სატელეკომუნიკაციო კაბელი მძიმედ დაზიანდა, რამაც რეგიონში განგაში გამოიწვია.
2023 წელს მომხდარი შემთხვევების გამომძიებლებმა ფინეთსა და ესტონეთში დაასახელეს ჩინური საკონტეინერო გემი, რომელმაც, მათი აზრით, კაბელი ღუზის ჩაშვებით დააზიანა. თუმცა მათ არ უთქვამთ, დაზიანება შემთხვევითი იყო თუ განზრახული.
2022 წელს ბალტიის ზღვაში რუსეთის გერმანიასთან დამაკავშირებელი Nord Stream-ის გაზსადენები აფეთქებებით განადგურდა. საქმეს გერმანიის ხელისუფლება კვლავ იძიებს.
ადრე როცა ინტერნეტი გვეთიშებოდა, ვრეკავდით ცხელ ხაზზე და გვეუბნებოდნენ, რომ ზვიგენმა გადაჭამა კაბელი. ამ შემთხვევაში ეს თავისმართლება არ გამოდგება რადგან ბალტიის ზღვაში ზვიგენები, ნიანგები, ჰიპოპოები და ა.შ. არ ბინადრობენ. თუმცა რას გაიგებ შეიძლება ახალი სახეობა გამოჩნდა...
არა კაცო, უკრაინის სპეცსამსახურები როგორ იკადრებენ.