!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
ცოტა ხნის წინ ცნობილი გახდა, რომ ინტელექტკლუბის "რა?სად?როდის?" წევრი ბესიკ ბუთურიშვილი გარდაიცვალა. ინფორმაციას სოციალურ ქსელში მისი ახლობლები ავრცელებენ.
- ბუთურიშვილი კლუბში "რა? სად? როდის?“ 1995 წლიდან თამაშობდა. ის ბოლო წლებში ვერაგ დაავადებას ებრძოდა.
"ბესო 26 წლის წინ გავიცანი, ჯერ სტუდენტობისას როცა "რა სად როდის" თამაში დავიწყე ახალგაზრდა მეცნიერთა კლუბში. შემდეგ თითქმის 2 ათწლეული განმავლობაში ჩვენი გუნდის კაპიტანი იყო, უამრავი გამარჯვება აღვნიშნეთ ერთად საქართველოს თუ თბილისის ჩემპიონატებზე, ჩვენი ქვეყნის ღირსებაც დავიცავით ნაკრებში და ბევრი სხვა თავგადასავალიც გადაგვხდა ამ წლების განმავლობაში.
ბოლო პერიოდი მძიმე ავადმყოფობას ებრძოდა და გარშემო ყველას დიდი იმედი გვქონდა, რომ მოერეოდა. პრინციპული და ძალიან დადებითი ადამიანი, 3 შვილის მამა, საუკეთესო მეგობარი, მოაზროვნე და მოქალაქე უდროოდ დავკარგეთ..." - წერს ილია რევია, ინტელექტკლუბის კიდევ ერთი წევრი.
"ბესომ დაამთავრა თბილისის სახელმწიფო უნივერსიტეტი სპეციალობით იურისტი, ცხოვრობს თბილისში ჰობი, ინტერესები: კითხვა, ინტელექტუალური თამაშები
საყვარელი მწერლები და პოეტები: ქართველი – ნოდარ დუმბაძე, გურამ დოჩანაშვილი, არჩილ სულაკაური; უცხოელი – ასტრიდ ლინდგრენი, ალექსანდრ დიუმა, არტურ კონან-დოილი, ბორის აკუნინი, რიუნოსკე აკუტაგავა, ხორხე ლუის ბორხესი, შტეფან ცვაიგი, ჯოან როულინგი, მიხაილ ბულგაკოვი, ირანული და იაპონური პოეზია
მიღწევები სპორტულ ტურნირებში: „რა? სად? როდის?“-ში მსოფლიო ჩემპიონატის მონაწილე (2003), საქართველოს 2–გზის ჩემპიონი (2002, 2003), თბილისის 4–გზის ჩემპიონი (1999, 2003, 2004, 2009)" - წერია ინტელექტკლუბის ინფორმაციაში, რომელიც წლების წინ ბესოს შესახებ გამოქვეყნდა.
AMBEBI.GE მწუხარებას გამოთქვამს მომხდარის გამო და უსამძიმრებს ბესიკ ბუთურიშვილის ოჯახსა და მეგობრებს
გაანათლოს უფალმა!✝️