ტაივანს უძლიერესი ტაიფუნი დაატყდა თავს - გამოცხადებულია უმაღლესი დონის განგაში, ელიან ქარიშხლის გამეორებას, გაუქმდა ფრენები, მზადყოფნაშია 36 000 ჯარისკაცი (ფოტოები)
ტაივანს, კერძოდ კუნძულ კონგ-რეის 1996 წლის შემდეგ ყველაზე ძლიერი ტაიფუნი დაატყდა თავს. სტიქია მთიან და იშვიათად დასახლებულ აღმოსავლეთ სანაპიროებზე - ტაიტუნგსა და ჰუალიენზე მძვინვარებს. ძლიერი ქარი და კოკისპირული წვიმა იყო მთელ კუნძულზე.
რეგიონში მდებარე ყველა ქალაქსა და ოლქში უმაღლესი დონის განგაში გამოცხადდა. დაიხურა მაღაზიები, ბაზრები და ყველა მოქმედი დაწესებულება.
ტაივანის ტრანსპორტის სამინისტროს განცხადებით, გაუქმდა 298 საერთაშორისო ფრენა, ყველა შიდა ფრენა და 139 საბორნე მომსახურება.
ტროპიკული შტორმი მე-4 კატეგორიის ქარიშხალად შეფასდა, რომელიც 250 კმ/სთ-ზე მეტი სიმძლავრის იყო.
-
ტაივანის ამინდის ადმინისტრაციის ცნობით, მსგავსი სიძლიერის ტაიფუნი კუნძულზე 1996 წლის შემდეგ არ ყოფილა. ამასთანავე, პროგნოზი ისევ ნეგატიურია - კუნძულზე ქარიშხლის გამეორებას ელიან...
ქვეყნის თავდაცვის სამინისტრომ 36000 ჯარისკაცი მოიყვანა მზადყოფნაში, რომლებიც სამაშველო სამუშაოებში ჩაერთვებიან. ხოლო 1 300 ადამიანი წინასწარ იქნა ევაკუირებული მაღალი რისკის ზონებიდან.
ამინდის ადმინისტრაციის ცნობით, აღმოსავლეთ ტაივანში მოსალოდნელია 1,2 მ-მდე ნალექი, სანაპირო რაიონებში დამანგრეველი ქარებით.
მსხვერპლის შესახებ ინფორმაცია არ ვრცელდება.
იხილეთ ასევე: