ბრიტანეთში გაასამართლეს პედოფილი, რომელიც ხელოვნური ინტელექტის გამოყენებით ბავშვებზე სექსუალური ძალადობის ამსახველ ფოტოებს ქმნიდა და ყიდდა - შოკისმომგვრელი საქმის დეტალები
27 წლის პედოფილს, ჰიუ ნელსონს, რომელიც ხელოვნური ინტელექტის გამოყენებით ბავშვებზე სექსუალური ძალადობის ამსახველ ფოტოებს ამზადებდა და ყიდდა, 18 წლით თავისუფლების აღკვეთა მიესაჯა.
ინგლისში, მანჩესტერის რეგიონის ერთ - ერთ ქალაქში, ბოლტონში მცხოვრები პედოფილის საქმის დეტალები მედიისთვის ამ ცოტა ხნის წინ გახდა ცნობილი. პოლიციამ 27 წლის ჰიუ ნელსონი 16 დანაშაულისთვის დააკავა და გაასამართლა.
მანჩესტერი პოლიცია დეტალებს ავრცელებს. როგორც ცნობილი ხდება, ნელსონმა პორნოგრაფიული ფოტოების შესაქმნელად გამოიყენა ხელოვნური ინტელექტის ფუნქციის მქონე კომპიუტერული პროგრამა Daz 3D. ის მცირეწლოვნებისა და მოზარდების რეალურ ფოტოებს ისე ამუშავებდა, რომ სექსუალური ძალადობის ამსახველი სცენებს ქმნიდა.
იყო რეალური ფოტოებიც, რომლებზეც პედოფილის ბავშვებთან გარყვნილი ქმედებები იყო აღბეჭდილი. ის ასევე დამნაშავედ იქნა ცნობილი სხვა პედოფილების გაუპატიურებისკენ წახალისებაში.
ნელსონი ფოტოებს ინტერნეტ ჩათ-რუმებში ყიდდა და 18 თვის განმავლობაში დაახლოებით 5000 ფუნტი გამოიმუშავა. საბოლოო განაჩენი ბრალდებულს ბოლტონის სასამართლოში ორშაბათს გამოუტანეს.