!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“არ ვაღიარებ ამ არჩევნებს, ამის აღიარება არის რუსეთის შემოსვლის აღიარება“ - პრეზიდენტმა ხვალ 19:00 საათზე საზოგადოებას რუსთაველის გამზირზე მისვლისკენ მოუწოდა
21:11 / 27-10-2024
“ეს იყო ტოტალური გაყალბება, ტოტალური წართმევა თქვენი ხმების“, - ამის შესახებ საქართველოს პრეზიდენტმა, სალომე ზურაბიშვილმა ორბელიანების სასახლეში გამართულ ბრიფინგზე განაცხადა 26 ოქტომბრის საპარლამენტო არჩევნებთან დაკავშირებით.
როგორც პრეზიდენტმა აღნიშნა, არჩევნების გაყალბებისათვის გამოყენებული იყო თანამედროვე ტექნოლოგიები.
“ეს იყო ტოტალური გაყალბება, ტოტალური წართმევა თქვენი ხმების, გამოყენება ყველა იმ ხერხის, რაც გვინახავს სხვადასხვა ქვეყნებში, თუ ამ ქვეყანაში, რაც შეიძლება გამოიყენო, რომ გააყალბო არჩევნები. პლუს დღევანდელი ტექნოლოგიების გამოყენება იმ დონეზე, რომ ტექნოლოგია გამოყენებული იქნა იმისთვის, რომ გაეთეთრებინა გაყალბება. ასეთ რამ ჯერ არ ყოფილა. ჩვენ ვიყავით მოწმე და მსხვერპლი რუსული სპეცოპერაციის “, - განაცხადა სალომე ზურაბიშვილმა.
“არ ვაღიარებ ამ არჩევნებს. ამ არჩევნების აღიარება არ შეიძლება. ამის აღიარება არის რუსეთის შემოსვლის აღიარება“, - განაცხადა პრეზიდენტმა.
- ამასთან, როგორც პრეზიდენტმა აღნიშნა, "ძალიან ბევრი რამ არის გამოსაკვლევი".
“ჩატარდა რუსული არჩევნები, წაგვართვეს არჩევნების ინსტიტუტი იმიტომ, რომ ამ არჩევნების შემდეგ, თუ არაფერი შეიცვალა, ძნელი წარმოსადგენია როგორი შეიძლება იყოს ახალი არჩევნები ამ ქვეყანაში. წაგვართვეს არჩევნების კონსტიტუციური უფლება, მოქალაქეებს წაართვეს პირადობის მოწმობები და ამით არჩევნებში მონაწილეობის უფლება.
წაართვეს ჩვენს ემიგრანტებს არჩევნებში მონაწილეობის მიღების უფლება, დაარღვიეს მათი კონსტიტუციური უფლება, რომ არ გაიხსნა უბნები, იქაც იქნა გამოყენებული სხვადასხვა ხერხები და ფორმები. 100 000-მა ემიგრანტმა ძალიან ბევრი იბრძოლა, რომ დარეგისტრირებული ყოფილიყო, ამის მიუხედავად, მხოლოდ 33 000-მა მოახერხა ხმის მიცემა, ეს ადამიანები თუ იბრძოდნენ ამ უფლების მოსაპოვებლად და გადალახეს 2000 მილი ამერიკაში და ბევრი წინააღმდეგობა ევროპის ქალაქებში, ეს არ იყო იმისთვის, რომ ხმა არ მიეცათ. ბევრი რამ არის გამოსაკვლევი.
მადლობელი ვარ ჩვენი უცხოელი პარტნიორების სადამკვირვებლო ორგანიზაციების, რომლებმაც ყველა ეს დარღვევა აღრიცხეს და უკან არ დაიხიეს, რომ დაეწერათ, რაც მოხდა არჩევნებში, მაგრამ ეს არ არის საკმარისი. მინდა ვთქვა, როგორც ამ სახელმწიფოში დარჩენილი დამოუკიდებელი ინსტიტუტი, რომ ამ არჩევნებს არ ვაღიარებ! ამ არჩევნებს აღიარება არ შეიძლება, ეს იგივეა რაც აღიარება რუსეთის აქ შემოსვლის, რუსეთის მიერ საქართველოს დაქვემდებარების, ამისთვის არ ჩამოვსულვარ საქართველოში და ამისთვის არ უცხოვრიათ ჩვენს წინაპრებს“, - განაცხადა სალომე ზურაბიშვილმა.
- მან მოსახლეობას ხვალ საღამოს, 19:00 საათზე რუსთაველზე გასვლისკენ მოუწოდა.
“გვინდა მოგიწვიოთ ხვალ საღამოს, 19:00 საათზე რუსთაველზე იმისთვის, რომ ჩვენ ერთად გამოვუცხადოთ მსოფლიოს, რომ არ ვაღიარებთ ამ არჩევნებს,“ - როგორც პრეზიდენტმა აღნიშნა, არჩევნების გაყალბებას არ შეეგუებიან.
“მინდა მივმართო ჩვენ პარტნიორებს: ევროპელებს, ამერიკელებს. მოვისმინე განცხადებები, რომლებიც სხვადასხვა მხრიდან გაკეთდა. ყველანი მადლობელი ვართ ამ განცხადებებისთვის, მაგრამ საზღვარგარეთ ყველამ უნდა იცოდეს, რომ საქართველოს დაცვა, საქართველოს მომავლის დაცვა, ამ რეგიონში გეოპოლიტიკური ბალანსის დაცვა, ეს არის ხალხის დაცვა და არა ამ არალეგიტიმურ მთავრობასთან რამე კავშირების დამყარება. ამით თქვენ ვერ დაიცვათ ამ ქვეყნის მოსახლეობას, თქვენ შეგიძლიათ დაიცვათ მოსახლეობა, მათი უფლებები, ამ ქვეყანაში დემოკრატიული უფლებები, როგორც დაიცავით საქართველო და დადექით მოსახლეობის მხარეს, როდესაც ხელისუფლებას უნდოდა მიეღო და მიიღო “რუსული კანონი“, ასევე, ამ არჩევნების შემდეგ უნდა დაგვიდგეთ ჩვენ გვერდით, მოსახლეობას, რადგან ეს არჩევნები არ შედგა, არ არის ლეგიტიმური და ამ არჩევნებს ვერაფერი გახდის ლეგიტიმურს!“ - განაცხადა სალომე ზურაბიშვილმა.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
