პარტნიორები:
ავტორი:

ემიგრანტების უპრეცედენტო მობილიზება - ფოტო/ვიდეო სხვადასხვა ქვეყნიდან, სადაც ქართველ ამომრჩეველთა უსასრულო რიგები დგას

ემიგრანტების უპრეცედენტო მობილიზება - ფოტო/ვიდეო სხვადასხვა ქვეყნიდან, სადაც ქართველ ამომრჩეველთა უსასრულო რიგები დგას

ამ დროისთვის მსოფლიოს სხვადასხვა ქვეყანაში ქართველ ემიგრანტ ამომრჩეველთა უპრეცედენტო მობილიზებაა. ინტერნეტში მათი ამაღელვებელი მიმართვები და ვიდეო კადრები ვრცელდება. ამომრჩევლები გრძელ რიგში დგანან, რათა სასურველ კანდიდატს მისცენ ხმა.

მხოლოდ ნიუ - იორკში 4 საარჩევნო უბანი მდებარეობს. უბნები დილის 8 საათზე გაიხსნა. საარჩევნო ლოკაციებთან ძალიან გრძელი რიგებია, ამომრჩევლებმა ადგილები გახსნამდე რამდენიმე საათით ადრე დაიკავეს.

  • აშშ-შ რეგისტრირებულია 12 000-მდე ამომრჩეველი

ნაწილმა ნიუ-იორკში ჩასასვლელად და ხმის მისაცემად რამდენიმე საათი იმგზავრა. თუმცა, ნაწილი აღნიშნავს, რომ მათი თავები ამომრჩეველთა სიაში ვერ აღმოაჩინეს.

“თითქმის ყველა არჩევნებში მაქვს მონაწილეობა მიღებული, როგორც საქართველოში, ასევე ემიგრაციაში. მიხარია, რომ არის აქტიურობა. აქ შევხვდი ადამიანებს, რომლებიც ჩამოსულები არიან სხვადასხვა შტატებიდან.

ვინც არ უნდა მოვიდეს, ნებისმიერმა მთავრობამ უნდა გაითვალისწინოს, რომ მომავალში საარჩევნო უბნები გახსნან სხვა შტატებშიც“, - განაცხადა მეუფე საბამ “მთავარ არხთან“ საუბარში.

  • გრძელი რიგებია ევროპის ქვეყნებში გახსნილ საარჩევნო უბნებთან

ასეთია რიგ რომში, საარჩევნო უბანთან

“ასე დარაზმულები ვიქნებით ყველგან და ყოველთვის საქართველოს სადარაჯოზე! მირბის მიგვაფრენს გამარჯვებისკენ ჩვენი მერანი! ძალა ერთობაშია! დავიძარით შტუტგარტისკენ“, - წერს Nana Wößner და ფოტოს აქვეყნებს.

ფოტო გაერთიანებული სამეფოდან - ლონდონი

ფოტო: ირინა დემეტრაძე

იტალია, ქალაქი ბარი

ფოტო: მალიშვილი ანა

ჰამბურგიდან ბერლინისკენ მიმავალნი...

ფოტო: ნინო ბასილაშვილი

“რიგი მიუნხენში! ვიმარჯვებთ სახელოვნად,“ - წერს ლიკა კაპანაძე.

იტალია - სენიგალიიდან რომში

ფოტო: გიტა ცირდავა

პარიზი

ფოტო: ნატალია ანჯაფარიძე

ბრიუსელი

არსებული ინფორმაციით, ჯამში საზღვარგარეთ, 42 სახელმწიფოს 67 საარჩევნო უბანი იმუშავებს. რეგისტრირებულია 95 910 ამომრჩეველი.

ემიგრანტ ამომრჩეველთა მობილიზაცია დილიდან მიმდინარეობს.

შვიდი საარჩევნო უბანი გახსნილია საბერძნეთში, ათენში – ოთხი, სალონიკში – სამი; ამერიკის შეერთებულ შტატებში გახსნილია ექვსი საარჩევნო უბანი, ნიუ იორკში – ოთხი, ხოლო ვაშინგტონსა და სან ფრანცისკოში – ერთი; გერმანიაში – ხუთი საარჩევნო უბანია გახსნილი, ბერლინში – ორი, მაინის ფრანკრუფრტში, მიუნხენსა და შტუტგარტში – ერთი;

იტალიაში გახსნილია ოთხი საარჩევნო უბანი, რომში – ორი, მილანსა და ბარში – ერთი;

ესპანეთის სამეფოში სამი საარჩევნო უბანია, ერთი – მადრიდში, ორი კი – ბარსელონაში;

აზერბაიჯანში სამივე საარჩევნო უბანი ბაქოშია; სამი საარჩევნო უბანია თურქეთში – ანკარაში, სტამბოლსა და ტრაპიზონში; საფრანგეთში ორი საარჩევნო უბანია, ორივე დედაქალაქ პარიზში.

თითო საარჩევნო უბანია გახსნილი: ავსტრიაში – ვენა, სლოვაკეთი – ბრატისლავა, ჩეხეთი – პრაღა, პოლონეთი – ვარშავა, ლატვია – რიგა, ლიეტუვა – ვილნიუსი, ესტონეთი – ტალინი, უნგრეთი – ბუდაპეშტი, პორტუგალია – ლისაბონი, ნიდერლანდები – ჰააგა, ბელგია – ბრიუსელი, დიდი ბრიტანეთი – ლონდონი, შვეიცარია – ბერნი, ბულგარეთი – სოფია, ირლანდია – დუბლინი, კვიპროსი – ნიქოზია, მოლდოვა – კიშინეუ, ბელარუსი – მინსკი, შვედეთი – სტოკჰოლმი, დანიის სამეფო -კოპენჰაგენი, ნორვეგია – ოსლო, ფინეთი – ჰელსინკი. სომხეთი – ერევანი, უზბეკეთი – ტაშკენტი, ქუვეითი – ალ ქუვეითი, ყაზახეთი – ასტანა, კატარი – დოჰა, ისრაელი – რამათ განი, ჩინეთი – პეკინი, არაბთა გაერთიანებული საამიროები – აბუ-დაბი, კორეა – სეული, იაპონია – ტოკიო, ავსტრალია – კანბერა, კანადა – ოტავა.

შენიშვნა: სტატიაში წარმოდგენილია საქართველოს ფარგლებს გარეთ გახსნილი საარჩევნო უბნების და ემიგრანტთა აქტივობის არასრული ჩამონათვალი.

იხილეთ ასევე:

ტეგები თემაზე: